যিহোশূয় 19:51 - Chakma Bible

⁵¹ ধর্মগুরু ইলিয়াসর, নূনর পূঅ যিহোশূয় আর ইস্রায়েলীয়গুনোর নানান্‌ গুট্টির বংশ-মুরুব্বীগুনে শীলোত মিলন-তাম্বুর দোরান ইদু লগেপ্রভুর মুজুঙোত্‌ চাম্বা চেইনে এ বেক্‌ জাগায়ানি ঠিগ্‌ গুরি দিলো। এধোক্ক্যেনগুরি তারা দেজ্‌চান ভাগ গরানার কামানি থুম্‌ গুরিলাক্‌।

যিহোশূয় 19:51 Iomraidhean Croise

পত্থম 49:10

যেদকদিন সং শীলো ন-লুমেগি আর বেক্‌ জাদতুনে তা উগুমানি মানি চলন, সেদক্‌দিন সং দাঙর সাজা-যিহূদা বংশত্‌ থেবঅ; আর তা দ্বিবে আদু সংমোধ্যে থেবঅ বিচের লুদিক্‌।

গীতসংহিতা 78:60

শীলোত তার যে থেবার-তাম্বুলান এলঅ সিয়েন তে ছাড়ি দিলো; ইয়েন সে তাম্বুলান যিয়েন তে মান্‌জ্য ইদু থিদেবর্ গোজ্যে।

মথি লেখ্যে গম্ হবর্ 20:23

সেক্কে যীশু তারারে কলঅ, “ঘেচ্চেকগুরি তুমি মঅ গলজ্‌সোত্ হেবা, মাত্তর্ মঅ ডেনেদি বা বাঙেদি বুজিবাত্তে দিবার্ অধিকার মর্ নেই। মঅ বাপ্পো যিগুনোত্তে সিয়েন ঠিগ্ গুরি রাগেয়্যে তারা সিয়েন্ পেবাক্।”

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

প্রেরিত্‌ 13:19

সে পরেদি তে কনান্ রেজ্যর্ সাত্তো জাদরে ভস্ত গুরিনে তা নিজো মানুচ্চুনোরে সেই দেজ উগুরে অধিকার দিয়্যে।

যিহোশূয় 14:1

অন্য ইস্রায়েলীয়গুনে কনান দেজত্‌ সোম্বোত্তি ইজেবে জাগা-জোবিন্ পেলাক্‌। ধর্মগুরু ইলীয়াসর, নূনর পূঅ‌ যিহোশূয় আর ইস্রায়েলীয়গুনোর যুদো যুদো গুট্টির গিরির্-নেতাগুনে তারারে সিয়েনি ভাগ গুরি দিলাক্।

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।

যিহোশূয় 18:10

যিহোশূয় শীলোত লগেপ্রভুর মুজুঙোত্‌ ইস্রায়েলীয়গুনোত্তে চাম্বা চেই দিলো আর সিয়েনত্‌ তারার গুট্টি মজিম দেজ্‌চান ভাগ গুরি দিলো।

যিহোশূয় 20:1

ইয়েনর্ পরেন্দি লগেপ্রভু যিহোশূয়রে কলঅ‌,

বিচের গুরিয়্যেগুন 21:19

সে পরেন্দি তারা কলাক্‌, “পত্তি বজর শীলোত্‌ লগেপ্রভুর নাঙে এক্কো পরব্‌ অয়।” শীলো শঅ্‌রান এলদে বৈথেলর উত্তোরেন্দি যে পথ্‌তান বৈথেলত্তুন শিখিমোর ইন্দি যেইয়্যে সিয়েনর পূগেন্দি আর লবোনার দোগিণেন্দি।

বিচের গুরিয়্যেগুন 21:21

যেক্কে সিদুগোর্‌ মিলেগুনে নাজত্‌ মিজেবাত্তে নিগিলি এবাক্‌ সেক্কে তুমি পত্তিজনে আংগুর্‌ ক্ষেদত্তুন নিগিলি এইনে যিবেরে গম্‌ লাগে তারে ধুরি নেযেইনে বিন্যামীন চাগালাত্‌ যেবা।

১ শমূয়েল 1:3

ইল্‌কানা পত্তি বজর তা শঅরত্তুন শীলোত যেদঅ। তে সিদু যেইনে গোদা সংসারানর গিরোজ্ লগেপ্রভুর তবনা আর তা নাঙে য়েমান উৎসর্ব গুরিদো। সেক্কে সিদু ধর্মগুরু এলির দ্বিবে পূঅ লগেপ্রভুর ধর্মগুরু এলাক্। তারার নাঙানি এলদে হফ্‌নি আর পীনহস।