যিহোশূয় 19:40 - Chakma Bible

⁴⁰ সাত পল্লা চাম্বা চানার পরেন্দি দান-গুট্টির নাঙানি উদিলো আর তার্‌ নানান্‌ বংশর জাগায়ানি ঠিগ্‌ গুরি দিয়্যে অলঅ‌।

যিহোশূয় 19:40 Iomraidhean Croise

পত্থম 35:25

রাহেল চাগরানী বিল্‌হার পেদত্‌ জোর্মেল দান আর নপ্তালি।

যিহিষ্কেল 48:1

সে পরেদি লগেপ্রভু কোইয়্যেদে, গুট্টি অনুসারে দেজর্ ভূইয়োর্ ভাগ্ এবাবোত্যে অবঅ। দেজর্ উত্তোরে দুযির্ দানে এক ভাগ পেবঅ; সিয়েন ভূমধ্য সাগরত্তুন্ হিৎলোনর্ পথ্‌তান সং লেবো-হমাৎ সং যেবঅ; সিয়েনত্তুন্ যেবঅ পূগেদি দামেস্কর উত্তোরে দুযি কায় হৎসোর-ঐনন সং, অত্তাৎ হমাতর্ দুযি সং।‌‌

গণাণা 26:55

কুদু কন্‌ গুট্টিগুনে জাগা পেবাক্‌ সিয়েনি চাম্বা চেইনে ঠিগ্ গরা পুরিবো। পত্তি বংশর পাওনা ভাগ তার্‌ গুট্টির নাঙে দিয়্যে চাগালা ভিদিরে থেবঅ।

যিহোশূয় 10:40

এবাবোত্যেগুরি যিহোশূয় বেক্‌ চাগালাগান্‌ জিদি নেযেল। সে ভিদিরে এলদে অজল্‌ মুড়ো-মুড়ি চাগালা, নেগেভ, তলেদি মুড়ো-মুড়ি চাগালা আর মুড়ো-মুড়ির কামা জাগানি। তে সে চাগালার রাজাগুনোরেয়ো ওদেই দিলো আর সিদুগোর্ কাররে বাঁজেই ন-রাগেল। ইস্রায়েলীয়গুনোর গোজেন লগেপ্রভু যেধোক্ক্যেন্‌ উগুম গোজ্যে সেধোক্ক্যেন্‌ তে বেক্‌ জেদা পরাণবলাগুনোরে এক্কুবারে শেজ্‌ গুরি দিলো।

যিহোশূয় 19:39

এ বেক্‌ শঅরানি আর সিয়েনির কায়-কুরে আদামানি নপ্তালি-গুট্টির নানান্‌ বংশর সোম্বোত্তি অলঅ‌।

যিহোশূয় 19:41

তারার্‌ সোম্বোত্তিগানি ভিদিরে পড়িলো: সরা, ইষ্টায়োল, ঈর্‌-শেমশ,

বিচের গুরিয়্যেগুন 18:1

সেই সময়োত্‌ ইস্রায়েলীয়গুনো ভিদিরে কনঅ রাজা ন-এলঅ। ইস্রায়েলীয় গুট্টিগুনো ভিদিরে দান-গুট্টির মানুচ্চুনে সেক্কেয়ো কনঅ সোম্বোত্তি গজক্‌ গুরি নি ন-পারন্‌। সেনত্তেই তারা বজত্তি গুরিবার আজাই নিজোত্তে এক্কান জাগা তগাদন্‌।