যিহোশূয় 19:35 - Chakma Bible

³⁵ তারার্‌ জাগায়ানি ভিদিরে এ দেবাল্‌-ঘিজ্যে আদামানি এলঅ: সিদ্দীম, সের, হম্মৎ, রক্কৎ, কিন্নেরৎ,

যিহোশূয় 19:35 Iomraidhean Croise

পত্থম 10:18

অর্বদীয়, সমারীয় আর হমাতীয়গুনেয়ো এলাক্ কনান বংশর মানুচ্‌। পরেদি এ কনানীয় পরিবারুন ছিদি পড়িলাক্‌।

১ রাজাবলী 8:65

এবাবোত্যেগুরি শলোমন আর তা সমারে বেক্‌ ইস্রায়েলীয়গুনে সে অক্তত্‌ আমা গোজেন লগেপ্রভুর মুজুঙোত্‌ সাত দিন আরঅ সাত দিন, বেক্কুনে চোদ্দো দিন সং ইক্কো পরব্‌ গুরিলাক। তারা অলাক্কে ইক্কো বড়্ মান্‌জ্যর্‌ ঝাক; তারা হমাৎ চাগালাত্তুন্‌ মিসর শুগুনো গাঙান্‌ সং পুরো চাগালাত্তুন্‌ এইনে মিজেলাক্।

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

গণাণা 13:21

সেক্কে তারা যেইনে সীন ধূল্যেচর চাগালাত্তুন আরাম্ভ গুরিনে হমাতর ইন্দি রহোব সং দেজ্‌চানর্‌ খোঁজ খবর লোই আনিলাক্।

মার্ক 6:53

যীশু আর তা শিচ্চ্যগুনে সাগরান্ পার্ ওইনে গিনেষরৎ চাগালাত্ লুমিনে নৌকোগান্ বানিলাক্।

দ্বি’লম্বর বিররণ 3:17

পোজিমেন্দি তারার্‌ শেজ্ দুঝিগান এলদে অরাবার্‌ যর্দন গাঙর্‌ যে ভাগ্‌কান কিন্নেরৎত্তুন পিস্‌গা মুড়োবোর্‌ কামাগানর্‌ তলেন্দি অরাবার দোজ্যে সাগরর্‌, অত্তাৎ ধূল্যে-সাগর সং যেয়েগোই সে ভাগ্‌কান।

যিহোশূয় 11:2

ইয়েন বাদে তে উত্তর মিক্যে অন্য যিদুক্কুন রাজা এলাক্‌ তারা ইদুয়ো হবর্ পাদেল। সে রেজ্যনি এলদে অজল্ মুড়ো-মুড়ি চাগালাত্‌, কিন্নেরতর দোগিণে অরাবা সংজাগানত, তলে মুড়ো-মুড়ি চাগালাত্‌‌ আর পোজিমেন্দি দোরর্‌ মুড়ো-মুড়ি জাগানত্‌।

যিহোশূয় 13:27

কিজিঙো ভিদিরে বৈৎ-হারম, বৈৎ-নিম্রা, সুক্কোৎ, সাফোন আর হিষ্‌বোনর রাজা সীহোনর রেজ্যর বাদবাগি ভাক্কান্‌ আর কিন্নেরত সাগরর দোগিণেন্দি সং যর্দন গাঙর পূগ দুযিগান ধুরিনে বেক্‌ চাগালাগান।

যিহোশূয় 19:34

সে পরেন্দি দুযির্‌ চিহ্নোগান্‌ পোজিমেন্দি যেইনে অস্‌নোৎ-তাবোরর ভিদিরেন্দি হুক্কোকত্‌ নিগিলি এলঅ‌। দোগিণে সবূলূন-গুট্টির দুযি সং, পোজিমে আশের-গুট্টির দুযি সং আর পূগেন্দি যর্দনর ইদু যিহূদা সং এলঅ‌ নপ্তালি-গুট্টির দুযিগান্‌।

যিহোশূয় 19:36

অদামা, রামা, হাৎসোর,

যিহোশূয় 20:7

সেনত্তেই ইস্রায়েলীয়গুনে আশ্রয়-শঅর্‌ ইজেবে নপ্তালি-গুট্টিগুনোর্‌ ভাগর্‌ মুড়ো-মুড়ি চাগালার গালীলর কেদশ, ইফ্রয়িম-গুট্টির ভাগর মুড়ো-মুড়ি চাগালার শিখিম আর যিহূদা-গুট্টির ভাগর মুড়ো-মুড়ি চাগালার কিরিয়ত-অর্ব, অত্তাৎ হিব্রোণান ফারক্‌ গুরি রাগেল।

যিহোশূয় 21:32

নপ্তালি-গুট্টির জাগানত্তুন্‌ তারারে দিয়্যে অলঅ গালীলর কেদশ, হম্মোৎ-দোর আর কর্তন নাঙে তিনেন্‌ আদাম আর সিয়েনির লগে য়েমান চোড়েবার খলা। ইয়েন ভিদিরে কেদশছান্‌ এলদে খুনি আজামীর্ আশ্রয়-শঅর্‌।

বিচের গুরিয়্যেগুন 4:6

তে নপ্তালি দেজর্‌ কেদশ শঅ‌রত্তুন্‌ অবীনোয়মর পূঅ বারকরে ডাগিনে পাদেল আহ্‌ তারে কলঅ‌, “ইস্রায়েলীয়গুনোর গোজেন লগেপ্রভু তরে এ উগুমান দের্‌, ‘তুই নপ্তালি আর সবূলূন-গুট্টিত্তুন্‌ দশ আজার মানুচ্‌ সমারে নেযা আর তাবোর মুড়োবো ইন্দি তারারে নেযা।