যিহোশূয় 19:28 - Chakma Bible

²⁸ যেরেন্দি সে দুযির্‌ চিহ্নোগান্‌ এব্রোণ, রহোব, হম্মোন আর কান্না ওইনে মহাসীদোন সং গেলগোই।

যিহোশূয় 19:28 Iomraidhean Croise

পত্থম 10:19

সীদোন শঅরত্তুন্‌ গরারত্‌ যেবার পদথ্‌ গাজা সং আর গাজাত্তুন্‌ সদোম, ঘমোরা, অদ্‌মা আর সবোয়ীমোত্‌ যেবার পদথ্‌ লাশা সং কনানীয়গুনোর দেজর্ দুযি এলঅ।

২ শমূয়েল 24:6

সে পরেন্দি তারা গিলিয়দ আহ্ তহতীম-হদ্‌শি চাগালাত্‌ গেলাক্। যেরেন্দি তারা দান-যানত্‌ যেইনে ঘুরিনে সীদোনর ইন্দি গেলাক্।

২ শমূয়েল 24:7

সে পরেন্দি তারা সোরর্‌ তাম্বুলোত্‌ আর হিব্বীয় আর কনানীয়গুনোর বেক্‌ শঅরানিত্‌ গেলাক্। যেরেন্দি তারা যিহূদার দোগিণে বের্‌-শেবাত্‌ গেলাক্।

যিশাইয় 23:12

তে কোইয়্যেদে, “ও সীদোনর মানুচ্চুন্, তমার্ ফুত্তিগানি থুম্ ওইয়্যে, কিত্তে তুমি দঅ অত্যেচারিত ওইয়ো। উদো, পার্ ওইনে সাইপ্রাস দ্বিবোত্ যঅ; সিদুয়ো তুমি জিরেন্ ন-পেবা।”

যিশাইয় 23:2

ও সাগর পার মানুচ্চুন্, ও সীদোনর বেপারিগুন্, তুমি অলর্ অ। তমা নাবিক্কুনে সাগর পার ওই যেদাক্।

যিশাইয় 23:4

ও সীদোন, লাজেস্, কিত্তে সাগর, সাগরর্ ঘরানে এ কধাগান কত্তে,“মর্ পুয়ো-পুদেবাত্তে পীড়েয়ো ন-অয়, মুই জর্ময়ো ন-দুয়োং। মুই পুয়োগুনোরে মানুচ্অ ন-গরং আর মিলেগুনোরে দাঙর্ ন-গরং।”

যিহিষ্কেল 28:21

“ও মান্‌‌‌‌‌‌‌‌‌জ্যর পুয়োবো, তুই সীদোন ইন্দি তর্ মুয়োন থোইনে তা বিরুদ্ধে আগাম্ কধা কঅ,

যোহন 2:1

ইয়েনর্ দ্বিদিন পরে গালীলর্ কান্না আদামত্ এক্কান্ মেলা ওইয়্যে। যীশু মাবো সিয়েনত্ এলঅ।

যোহন 2:11

যীশু গালীল রেজ্যর্ কান্না আদামত্ চিহ্নো ইজেবে এই পত্তম আমক্ অবার্ কামান্ গুরিনে নিজোর মহিমাগান্ ফগদাং গুরিলো। ইয়েন্দোই তা শিচ্চ্যগুনে তা উগুরে বিশ্বেজ্ গুরিলাক্।

যোহন 4:46

যেরেদি যীশু আরঅ গালীলো সেই কান্না আদামত্ গেলঅ। ইয়েনত্ তে পানিগানরে আংগুর-রস বানেয়্যে। গালীলো কফরনাহূম শঅরত্ এক্কো রাজার্ চাগর অসুগোত্ ভুগের্।

প্রেরিত্‌ 27:3

আমা জাহাজ্‌চান তার্ কেল্যে সীদোনত্ থামেল। যুলিয় পৌল সমারে ভারী গম্ বেবহার গুরিলো আর তারে তা সমাজ্যেগুনো ইধু যেবার অনুমতি দিলো যেন তা সমাজ্যেগুনে তারে দরকারি পযাপিরা দি পারন্।

যিহোশূয় 11:8

লগেপ্রভু ইস্রায়েলীয়গুনোর আদত্‌ তারারে তুলি দিলো। ইস্রায়েলীয়গুনে তারারে মাত্তে মাত্তে মহাসীদোন, মিষ্রফোৎ-ময়িম আর পূগেন্দি মিস্পী কিজিঙোত্‌ সং লোড়েই নেযেলাক্‌। শেজন্দি আর কনজনে বাঁজি ন-রলাক্‌।

বিচের গুরিয়্যেগুন 1:31

আশের-গুট্টির মানুচ্চুনেয়ো অক্কো, সীদোন, অহলব, অক্‌ষীব, হেল্‌বা, অফীক আর রহোবর মানুচ্চুনোরে ধাবেই ন-দুয়োন্‌।

বিচের গুরিয়্যেগুন 18:28

লয়ীশোর মানুচ্চুনোরে রোক্ষ্যে গরেদে ধোক্কেন্‌ কনজন ন-এলাক্‌, কিত্যে তারার্‌ শঅ্‌রান সীদোনত্তুন ভালোদ্দুরোত্‌ এলঅ আর অন্য কনঅ মান্‌জ্য সমারে তারার মিলেমিছে ন-এলঅ। তারার শঅ্‌রান অলদে বৈৎ-রহোব শঅ্‌রর ইদু এক্কান্‌ কিঝিঙোত্‌। দান-গুট্টির মানুচ্চুনে শঅ্‌রান আরঅ বানেইনে সিদু বজত্তি গরা ধুরিলাক্‌।