যিহোশূয় 19:12 - Chakma Bible

¹² সে দুযির চিহ্নোগান সারীদত্তুন পূগেন্দি ঘুরি কিশ্‌লোৎ-তাবোর আদাম সং গেলঅ‌ আর সে পরেন্দি দাবরৎ ওইনে যাফিয়তদ্‌ উদি গেলঅ‌।

যিহোশূয় 19:12 Iomraidhean Croise

১ বংশধর 6:72

তারা ইষাখর-গুট্টির চাগালাত্তুন্‌ পেলাক্‌ কেদশ, দাবরৎ, রামোৎ, আনেম আর ইয়েনি চেরোকিত্তে য়েমান চোড়েবার্‌ বামানি।

গীতসংহিতা 89:12

উত্তোর দোগিণ তরই বানেয়্যে; তাবোর আর হর্মোণ মুড়োগুনে তরে নিইনে হুজির গীদ্ গান।

যিহোশূয় 19:11

সিয়েনত্তুন দুযির চিহ্নোগান পোজিমেন্দি মারালা সং যেইনে দব্বেশৎ ওইনে যক্নিয়ামর মুজুঙোত্‌ গঙারত্‌ যেইনে পড়িলো।

যিহোশূয় 19:13

পরেন্দি সে দুযির্‌ চিহ্নোগান পূগেন্দি গাৎ-হেফর আর এৎ-কাৎসীন সং গেলঅ‌। সে পরেন্দি সিয়েন নেয়ের ইন্দি ঘুরিনে রিম্মোণত্‌ গেলঅ আর রিম্মোনর উত্তোরেন্দি ঘুরিনে হন্নাথোনত্‌ গেলঅ‌ আর যিপ্তহেল-কিজিঙোত্‌ যেইনে থুম্‌ অলঅ‌।

যিহোশূয় 19:22

তারার্‌ জাগানির দুযির্‌ চিহ্নগান তাবোর, শহৎসূমা আর বৈৎ-শেমশ ওইনে যর্দনত্‌ যেইনে থুম্‌ অলঅ। ষুলোগান্‌ শঅর্‌ আর সিয়েনর কায়-কুরে বেক্‌ আদামানি তারার্‌ ভাগত্‌ পড়িলো।

যিহোশূয় 21:28

ইয়েনবাদে ইষাখর-গুট্টির জাগানত্তুন্‌ য়েমান চোড়েবার খলা সহ কিশিয়োন, দাবরৎ, যর্মূৎ আর ঐন্‌-গন্নীম নাঙে চেরান আদামঅ গের্শোনীয়গুনোরে দিয়্যে অলঅ‌।

বিচের গুরিয়্যেগুন 4:12

যেক্কে সীষরা এ হবরান্‌ পেলঅ, অবীনোয়মর পূঅ বারকে তাবোর মুড়োবোত্‌ উঠ্যেগোই সেক্কে তে তার নয়শঅ‌ লুয়োর রথ আর তার বেক্‌ মানুচ্চুনোরে এগত্তর্‌ গুরি নেযেইনে হরোশৎ-হগোয়িমত্তুন্‌ কীশোন গাঙর্‌ পারত্‌ গেলঅ‌।

বিচের গুরিয়্যেগুন 4:6

তে নপ্তালি দেজর্‌ কেদশ শঅ‌রত্তুন্‌ অবীনোয়মর পূঅ বারকরে ডাগিনে পাদেল আহ্‌ তারে কলঅ‌, “ইস্রায়েলীয়গুনোর গোজেন লগেপ্রভু তরে এ উগুমান দের্‌, ‘তুই নপ্তালি আর সবূলূন-গুট্টিত্তুন্‌ দশ আজার মানুচ্‌ সমারে নেযা আর তাবোর মুড়োবো ইন্দি তারারে নেযা।