যিহোশূয় 18:8 - Chakma Bible

⁸ সে মানুচ্চুনে দেজ্‌চান পৌইদ্যেনে বেক্কানি লিগি আনিবাত্তে রওনা অবার সময়োত্‌ যিহোশূয় তারারে কোই দিলো, “তুমি যেইনে দেজ্‌চান গমেডালে চেইনে সিয়েনি বেক্কানি লিগিনে মইদু আনিবা। সে পরেন্দি মুই ইদু, এ শীলোত, লগেপ্রভুর মুজুঙোত্‌ তমাত্তে চাম্বা চেই দিম্‌।”

যিহোশূয় 18:8 Iomraidhean Croise

পত্থম 13:17

গোদা দেজ্‌ছান তুই একপল্লা ঘুরি আয়, কিত্তে এ দেজ্‌ছান মুই তরে দিম্‌।”

যিশাইয় 34:17

তে পোরোক্ক্যে গুরিনে আর মাবেদে দুড়িলোই মাবিনে সে জাগায়ান তারারে ভাগ্ গুরি দিবো। সিয়েনি জিংকানিবর্ তারার্ থেবঅ; বংশর্ পর বংশ ধুরি তারা সিয়েনত্ বজত্তি গুরিবাক্।

রোমীয় 14:19

ইয়েনত্যে যিয়েন গুরিলে শান্তি অয় আর যিয়েনর মাধ্যমে আমি একজন আরেকজনরে শিগেইনে তুলি পারিই, এজঅ, আমি সিয়েনর্ চেট্ট্যা গুরিই।

যিহোশূয় 13:7

ইস্রায়েলীয়গুনোর নয়-গুট্টি আর মনঃশি-গুট্টির অদ্দেক্‌ মান্‌জ্যরে তুই সোম্বোত্তি ইজেবে সিয়েনি ভাগ গুরি দিবে।”

যিহোশূয় 15:1

চাম্বা চানা অনুসারে যিহূদা-গুট্টির নানান্‌ বংশরে যে জাগায়ানি দিয়্যে অলঅ সিয়েনর্‌ দুযি ইমোরীয়গুনোর দেজর দুযি সং, অত্তাৎ সীন ধূল্যেচরর্‌-চাগালার্‌ দোগিণো দুযি সং যেইনে লুমিলো।

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।

যিহোশূয় 18:10

যিহোশূয় শীলোত লগেপ্রভুর মুজুঙোত্‌ ইস্রায়েলীয়গুনোত্তে চাম্বা চেই দিলো আর সিয়েনত্‌ তারার গুট্টি মজিম দেজ্‌চান ভাগ গুরি দিলো।

যিহোশূয় 18:6

দেজর সে সাত্‌ ভাগর্‌ পত্তিগানি পৌইদ্যেনে বেক্কানি লিগিনে তুমি সিয়েনি মইদু আনিবা, আর মুই আমা গোজেন লগেপ্রভুর মুজুঙোত্‌ তমাত্তে চাম্বা চেই দিম্‌।

যিহোশূয় 18:9

সেনত্তেই সে মানুচ্চুনে দেজর বেক্‌ জাগানিত্‌ গেলাক্‌। তারা দেজ্‌চানর বাদবাগি ভাগকান্‌ সাত ভাগ গুরিনে পত্তি ভাগর্‌ শঅর্‌ আর আদামর নাঙানি আর সিয়েনির পৌইদ্যেনে বেক্কানি এক্কান্‌ এক্কান্‌ গুরিনে বোইয়ো ভিদিরে লিগি আনিনে শীলোর তাম্বুলোত্‌ যিহোশূয় ইদু ফিরি এলাক্‌।

১ শমূয়েল 14:41

শৌল সেক্কে ইস্রায়েলীয়গুনোর গোজেন লগেপ্রভুরে কলঅ, “ইয়েনর আজল্‌ জোব্‌পান্‌ মরে দে।” সেক্কে দুষছান্ পুরিলো শৌল আর যোনাথন উগুরে আর বাদবাগি মানুচ্চুনে ছড়ান্‌ পেলাক্।