যিহোশূয় 18:6 - Chakma Bible

⁶ দেজর সে সাত্‌ ভাগর্‌ পত্তিগানি পৌইদ্যেনে বেক্কানি লিগিনে তুমি সিয়েনি মইদু আনিবা, আর মুই আমা গোজেন লগেপ্রভুর মুজুঙোত্‌ তমাত্তে চাম্বা চেই দিম্‌।

যিহোশূয় 18:6 Iomraidhean Croise

গীতসংহিতা 105:11

তে কোইয়্যেদে, “মুই তরে কনান দেজ্‌ছান দিম, সিয়েনই অবঅ তর্ পাওনা সোম্বোত্তি।”

গম্ উপদেজ্ 16:33

মান্‌‌জ্যে পোরোক্ক্যে চান, মাত্তর্ সিয়েনর জোব্‌‌পান লগেপ্রভু ঠিগ্ গরে।

গম্ উপদেজ্ 18:18

পোরোক্ক্যে চেইনে কোল্-কোজ্যেগানি থামা অয় আর দ্বিবে বোলি তপ্পে ভিদিরে মিমাংসা গরা অয়।

গণাণা 33:54

তুমি চাম্বা চেইনে নানান্‌ বংশর জাগায়ানি ঠিগ গুরি নিবা। বংশর জনসোংখ্যেগুন বেশ্‌ অলে বেশ্‌ জাগা আর কম অলে কম্‌ জাগা দিয়্যে পুরিবো। চাম্বা চেইনে যে বংশর্‌ জাগায়ানি যিয়েনত্‌ পুরিবো সেই বংশবত্তুন সিয়োদোই জাগা নেযা পুরিবো। গুট্টির নানান্‌ বংশগুনে গুট্টির চাগালা ভিদিরেত্তুনই জাগা পেবাক্।

গণাণা 34:13

ইয়েনর্ পরেদি মোশি ইস্রায়েলীয়গুনোরে উগুম গুরিনে কলঅ, “তুমি চাম্বা চেইনে লগেপ্রভুর উগুম মজিম দেজ্‌চান তমার নয় গুট্টি আর মনঃশির অদ্দেক্ গুট্টি ভিদিরে ভাগ গুরি নেযেইনে তমার্‌ সোম্বোত্তি গুরি নেযেবা,

প্রেরিত্‌ 13:19

সে পরেদি তে কনান্ রেজ্যর্ সাত্তো জাদরে ভস্ত গুরিনে তা নিজো মানুচ্চুনোরে সেই দেজ উগুরে অধিকার দিয়্যে।

যিহোশূয় 14:2

লগেপ্রভু মোশিরে দিইনে যেধোক্ক্যেন উগুম দিয়্যে সেধোক্ক্যেন ইস্রায়েলীয়গুনোরে সাড়ে নয় গুট্টির ভিদিরে চাম্বা চেইনে সোম্বোত্তিগানি ভাগ গুরি দিয়্যে ওইয়্যে।

যিহোশূয় 18:10

যিহোশূয় শীলোত লগেপ্রভুর মুজুঙোত্‌ ইস্রায়েলীয়গুনোত্তে চাম্বা চেই দিলো আর সিয়েনত্‌ তারার গুট্টি মজিম দেজ্‌চান ভাগ গুরি দিলো।

যিহোশূয় 18:7

মাত্তর্‌ লেবীয়গুনে তমা লগে কনঅ‌ ভাগ ন-পেবাক্‌, কিত্যে লগেপ্রভু ধর্মগুরু ইজেবে সেবা-কাম্‌ গরানা অলঅ‌ তারার্‌ সোম্বোত্তি। গাদ-আর রূবেণ-গুট্টির মানুচ্চুনে আর মনঃশি-গুট্টির অদ্দেক মানুচ্‌ আগে যর্দন গাঙর্‌ পূগেন্দি তারার সোম্বোত্তিগানি পেইয়োন্‌। লগেপ্রভুর চাগর্‌ মোশি সিয়েন তারারে দি যেইয়্যে।”

যিহোশূয় 18:8

সে মানুচ্চুনে দেজ্‌চান পৌইদ্যেনে বেক্কানি লিগি আনিবাত্তে রওনা অবার সময়োত্‌ যিহোশূয় তারারে কোই দিলো, “তুমি যেইনে দেজ্‌চান গমেডালে চেইনে সিয়েনি বেক্কানি লিগিনে মইদু আনিবা। সে পরেন্দি মুই ইদু, এ শীলোত, লগেপ্রভুর মুজুঙোত্‌ তমাত্তে চাম্বা চেই দিম্‌।”