যিহোশূয় 18:12 - Chakma Bible

¹² উত্তোরেন্দি তারার্‌ ভূইয়োর দুযির্‌ চিহ্নোগান্‌ যর্দন গাঙ্‌ত্তুন্‌ আরাম্ভ ওইনে যিরীহোর উত্তোরেন্দি কামা জাগায়ান পার্‌ ওইনে পোজিমেন্দি মুড়ো-মুড়ি চাগালার ভিদিরেন্দি যেইনে বৈৎ-আবনর ধূল্যেচরর্‌-চাগালাগান সং গেলঅ‌।

যিহোশূয় 18:12 Iomraidhean Croise

হোশেয় 10:5

শমরিয়াত্ বজত্তিগুরিয়্যে মানুচ্চুনে বৈৎ-আবনর গোরু ছঅ-মূত্তিবোত্তে দোরেয়োন্। তা মানুচ্চুনে আবিলেচ্ গত্তন্ আর তার্ মূত্তিপূজো গুরিয়্যে ধর্মগুরুগুনে আবিলেচ্ গত্তন্, কিত্যে সেই মূত্তিবোর্ সয়-সাগোজ্যে তারাত্তুন্ দূর্ গরা ওইয়্যে।

হোশেয় 4:15

“ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

হোশেয় 5:8

তুমি গিবিয়াত তূরী বাজ আর রামাত শিংগা বাজ। বৈৎ-আবনত্ রঅ ছাড়িনে কঅ, ও বিন্যামীন, যুদ্ধোত্ আমারে পরিচালনা গর্।

যিহোশূয় 16:1

চাম্বা চানা মজিম যোষেফ-গুট্টির মানুচ্চুনোরে যে জাগায়ানি দিয়্যে অলঅ সিয়েনির্‌ দুযি আরাম্ভ অলঅ যিরীহোর উগুদোন্দি যিরীহোর উইফুদোর্‌ পূগেন্দি যর্দন গাঙত্তুন্‌। সে পরেন্দি দুযির্‌ চিহ্নোগান ধূল্যেচর-চাগালার্‌ ভিদিরেন্দি যেইনে বৈথেলর মুড়ো-মুড়ি চাগালাত্‌ উদিলো।

যিহোশূয় 18:11

চাম্বা চেই দেনার পরেন্দি বিন্যামীন-গুট্টির নাঙানি উদিলো। সে গুট্টির্‌ নানান্‌ বংশরে যে জাগায়ানি দিয়্যে অলঅ‌ সিয়েনি চাম্বা চানা মজিম যিহূদা আর যোষেফ-গুট্টির জাগায়ানর সংমোধ্যে পড়িলো।

যিহোশূয় 2:1

নূনর পূঅ যিহোশূয় শিটীমত্তুন দ্বিবে চড়রে এ কধাগান কোইনে গুমোরত্ পাধেই দিলো, “তুমি যেইনে সে দেজ্‌চান আর বিশেজ্ গুরি যিরীহো শঅরান্‌ গমে ডালে চেই এজঅ।” এই কধাগান শুনিনে তারা যিরীহো শঅরত্‌ গেলাক্‌। সিদু তারা রাহব নাঙে এক বেশ্যে মিলে ঘরত্‌ যেইনে রলাক্‌।

যিহোশূয় 6:1

সে সময়োত্‌ ইস্রায়েলীয়গুনোত্তে যিরীহো শঅরর্‌ গেট্টুন্‌ দর-মর গুরি বানি দিয়্যে ওইয়্যে। সিয়েনত্তুন কনজনে নিগিলিয়ো ন-এদাক্‌ আরঅ কনজনে ভিদিরেয়ো ন-চোমেদাক্‌।

যিহোশূয় 7:2

যিহোশূয় যিরীহোত্তুন অয় শঅ‌রত্‌ মানুচ্‌ পাদেল। সে শঅ‌রান এলদে বৈথেল শঅরর্‌ পূগেন্দি বৈৎ-আবন শঅরর্‌ কায়। সেই মানুচ্চুনোরে পাদেবার অক্তত্‌ তে তারারে কোই দিলো্‌, “তুমি যেইনে দেজ্‌চান গমেডালে চেই এজঅ‌।” সেনত্তেই মানুচ্চুনে যেইনে গুমুরোত্ অয় শঅরর্‌ হবর্ নিলাক্‌।

যিহোশূয় 8:15

যিহোশূয় আর বেক্‌ ইস্রায়েলীয়গুনে তারা মুজুঙেত্তুন ধেই যেবার্‌ ভান্‌ গুরিনে ধূল্যেচরর্‌ চাগালার্‌ পদেন্দি আদি গেলাক্‌।

১ শমূয়েল 13:5

পলেষ্টীয়গুনে সেক্কে ইস্রায়েলীয়গুনোর লগে যুদ্ধো গুরিবাত্তে একলগে এগত্তর্‌ অলাক। তারা সমারে ত্রিশ আজার রথ এলঅ, ছয় আজার ঘোড়া উগুরে সৈন্য সাগর-পারর্ ধূল্যে-চড় ধোক্ক্যেন গুণি ন-পুড়েয়্যে বোউত্ সৈন্য। তারা বেক্কুনে বৈৎ-আবনর পূগেন্দি মিক্‌মসত্‌ তাম্বুলানি ফেলেলাক্।