যিহোশূয় 18:10 - Chakma Bible

¹⁰ যিহোশূয় শীলোত লগেপ্রভুর মুজুঙোত্‌ ইস্রায়েলীয়গুনোত্তে চাম্বা চেই দিলো আর সিয়েনত্‌ তারার গুট্টি মজিম দেজ্‌চান ভাগ গুরি দিলো।

যিহোশূয় 18:10 Iomraidhean Croise

১ বংশধর 24:5

ইলিয়াসর আর ঈথামর, এ দ্বিবে বংশর নেতাগুনে তবনা-ঘরর্‌ আর গোজেনর কামগুরিয়্যে এলাক্‌ বিলিনে কার পক্ষেন্দি ন-টানিনে চাম্বা চেইনে ধর্মগুরুগুনোর কামানি ভাগ গরা অলঅ।

নহিমিয় 11:1

মানুচ্চুনোর নেতাগুনে যিরূশালেমত্‌ বজত্তি গুরিদাক্‌। বাদবাগি মানুচ্চুনে চাম্বা চেলাক্‌ যেনে তারা ভিদিরে পত্তি দশজনে একজন পবিত্র শঅর্‌ যিরূশালেমত্‌ বজত্তি গুরি পারন্‌, আর বাদবাগি নয়জনে তারার্‌ নিজোর নিজোর্‌ আদামত্‌ থেবাক্‌।

গীতসংহিতা 47:4

তেয়ই আমা সোম্বোত্তিগানি বেঈ রাগেয়্যে; সিয়েন তার্ কোচ্‌পানার মানুচ্ যাকোবর বার্‌বো গুরিবার কধা।

গীতসংহিতা 61:5

ও গোজেন, মুই যে বেক্কানি মানত্ গোজ্যং সিয়েন দঅ তুই শুন্যচ্; তরে যিগুনে ভোক্তি গরন্ তারাত্তে যে অধিকারান তুই থির্ গোজ্যস্ সিয়েন তুই মরেয়ো দুয়োচ্।

গম্ উপদেজ্ 18:18

পোরোক্ক্যে চেইনে কোল্-কোজ্যেগানি থামা অয় আর দ্বিবে বোলি তপ্পে ভিদিরে মিমাংসা গরা অয়।

যিরমিয় 7:12

“ইক্কিনে তুমি শীলোত্ যিয়েনত্ মুই পৌইল্যা মর্ থেবার জাগা বানেয়োং সিয়েনত্ যঅ আর মর্ মানুচ্ ইস্রায়েলীয়গুনোর পাজিগানিত্তে মুই সিয়েনর অবস্থা কি গোজ্যং সিয়েন চঅ।

যিহিষ্কেল 47:22

তমা ভিদিরে যিদুক্কুন বিদেশী তারার্ ঝি-পুয়োগুন নিইনে থিদেবর্ গুরি বজত্তি গত্তন্ তারাত্তে আর তমাত্তে দেজ্‌‌‌‌চান সোম্বোত্তি ইজেবে ভাগ গুরি দিবা। তারারে তুমি দেজত্ জোর্মেয়্যে ইস্রায়েলীয় ইজেবে ধুরিবা। তমা লগে তারায়ো ইস্রায়েলর্ গুট্টিগুনো ভিদিরে সোম্বোত্তি ইজেবে ভূইয়োর ভাগ পেবাক্।

যিহিষ্কেল 48:29

এ দেজ্‌চান ইস্রায়েলর্ গুট্টিগুনোরে সোম্বোত্তি ইজেবে তুমি ভাগ গুরি দিবা, আর ইয়েন অবঅ তারার্ ভাগ্। মুই প্রভু লগেপ্রভু লগেপ্রভু এ কধাগান কঙর্।

মীখা 2:5

সেনত্তে তমা ভিদিরেত্তুন্ কনজনে লগেপ্রভুর মানুচ্চুনো সমারে ভূইয়ো ভাগ ন-পেবাক্।

গণাণা 34:16

লগেপ্রভু মোশিরে কলঅ,

মথি লেখ্যে গম্ হবর্ 27:35

যীশুরে ক্রুশোত্ দেনার্ পরেদি সৈন্যগুনে চাম্বা চেইনে তা লাম্বা সিলুম্মো তারা ভাগাভাগি গুরি নিলাক্।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

প্রেরিত্‌ 13:19

সে পরেদি তে কনান্ রেজ্যর্ সাত্তো জাদরে ভস্ত গুরিনে তা নিজো মানুচ্চুনোরে সেই দেজ উগুরে অধিকার দিয়্যে।

যিহোশূয় 14:2

লগেপ্রভু মোশিরে দিইনে যেধোক্ক্যেন উগুম দিয়্যে সেধোক্ক্যেন ইস্রায়েলীয়গুনোরে সাড়ে নয় গুট্টির ভিদিরে চাম্বা চেইনে সোম্বোত্তিগানি ভাগ গুরি দিয়্যে ওইয়্যে।

যিহোশূয় 14:5

লগেপ্রভু মোশিরে যেধোক্ক্যেন্‌ উগুম দিলো ইস্রায়েলীয়গুনে সেই মজিম দেজ্‌চান ভাগ গুরি নেযেয়োন।

যিহোশূয় 18:11

চাম্বা চেই দেনার পরেন্দি বিন্যামীন-গুট্টির নাঙানি উদিলো। সে গুট্টির্‌ নানান্‌ বংশরে যে জাগায়ানি দিয়্যে অলঅ‌ সিয়েনি চাম্বা চানা মজিম যিহূদা আর যোষেফ-গুট্টির জাগায়ানর সংমোধ্যে পড়িলো।

যিহোশূয় 18:6

দেজর সে সাত্‌ ভাগর্‌ পত্তিগানি পৌইদ্যেনে বেক্কানি লিগিনে তুমি সিয়েনি মইদু আনিবা, আর মুই আমা গোজেন লগেপ্রভুর মুজুঙোত্‌ তমাত্তে চাম্বা চেই দিম্‌।

যিহোশূয় 18:8

সে মানুচ্চুনে দেজ্‌চান পৌইদ্যেনে বেক্কানি লিগি আনিবাত্তে রওনা অবার সময়োত্‌ যিহোশূয় তারারে কোই দিলো, “তুমি যেইনে দেজ্‌চান গমেডালে চেইনে সিয়েনি বেক্কানি লিগিনে মইদু আনিবা। সে পরেন্দি মুই ইদু, এ শীলোত, লগেপ্রভুর মুজুঙোত্‌ তমাত্তে চাম্বা চেই দিম্‌।”

যিহোশূয় 18:9

সেনত্তেই সে মানুচ্চুনে দেজর বেক্‌ জাগানিত্‌ গেলাক্‌। তারা দেজ্‌চানর বাদবাগি ভাগকান্‌ সাত ভাগ গুরিনে পত্তি ভাগর্‌ শঅর্‌ আর আদামর নাঙানি আর সিয়েনির পৌইদ্যেনে বেক্কানি এক্কান্‌ এক্কান্‌ গুরিনে বোইয়ো ভিদিরে লিগি আনিনে শীলোর তাম্বুলোত্‌ যিহোশূয় ইদু ফিরি এলাক্‌।

যিহোশূয় 19:51

ধর্মগুরু ইলিয়াসর, নূনর পূঅ যিহোশূয় আর ইস্রায়েলীয়গুনোর নানান্‌ গুট্টির বংশ-মুরুব্বীগুনে শীলোত মিলন-তাম্বুর দোরান ইদু লগেপ্রভুর মুজুঙোত্‌ চাম্বা চেইনে এ বেক্‌ জাগায়ানি ঠিগ্‌ গুরি দিলো। এধোক্ক্যেনগুরি তারা দেজ্‌চান ভাগ গরানার কামানি থুম্‌ গুরিলাক্‌।

যিহোশূয় 23:4

যর্দন গাঙত্তুন্‌ পোজিমেন্দি ভূমধ্য সাগর সং যিদুক্কুন্‌ জাদরে মুই ভস্ত গুরি দুয়োং আর যিদুক্কুন্‌ জাদ এজঅ‌ বাগি রোইয়োন্‌ তারার্‌ বেক্কুনোর জাগায়ানি মুই তমা গুট্টিগুনো ভিদিরে সোম্বোত্তি ইজেবে ভাগ গুরি দুয়োং।