যিহোশূয় 18:1 - Chakma Bible

^1-2 সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।

যিহোশূয় 18:1 Iomraidhean Croise

২ শমূয়েল 7:6

মিসর দেজত্তুন্‌ ইস্রায়েলীয়গুনোরে নিগিলেই আনিবার্‌ দিন্নোত্তুন্‌ ধুরি এচ্ছে সং মুই দঅ কনঅ ঘরত্‌ বজত্তি ন-গরং। মুই তাম্বুলোত্‌ থেইনে এক্কান্‌ থেবার্‌ জাগাত্তুন্‌ আরেক্কান থেবার জাগাত্ যেইয়োং।

১ রাজাবলী 14:2

সেক্কে যারবিয়ামে তা মোক্কোরে কলঅ, “তুই এন্‌ কাবড়-চুগোড়্‌ উরিচ্ যেনে তরে যারবিয়ামর মোক্‌ বিলিনে চিনে ন-যায়। সে পরেন্দি তুই শীলোত্‌ যাহ্। ভাববাদী অহিয় সিদু আঘে। তে মরে কোইয়্যেদে, মুই এ মানুচ্চুনোর্‌ রাজা ওম্‌।

১ রাজাবলী 14:4

যারবিয়ামর্‌ মোক্কো তা কধামজিম্‌ কাম গুরিলো আর শীলোত্‌ অহিয়োর্‌ ঘরত্‌ গেলঅ। সেক্কে অহিয় চোগেন্দি ন-দেগিদো; বুড়ো ওই যেইয়্যে বিলিনে তার্‌ চোগোর জোতিবো কুমি যেইয়্যে।

১ রাজাবলী 2:27

এসাইন্যাগুরি শলোমনে অবিয়াথররে লগেপ্রভুর ধর্মগুরু পধত্তুন্‌ সোরেই দিলো। লগেপ্রভু শীলোত্‌ এলির গুট্টিগুনো পৌইদ্যেনে যিয়েনি কোইয়্যে তার্‌ সেই কধানি এবাবোত্যেগুরি পূরোণ অলঅ।

নহিমিয় 9:24

তারার্‌ পূঅ-ছাগুনে সে দেজত্‌ যেইনে সিয়েন্‌ গজক্‌ গুরি নেযেয়োন। সে দেজত্‌ বজত্তিগুরিয়্যে কনানীয়গুনোরে তুই তারার্‌ মুজুঙোত্‌ চিগোন্‌ গোজ্যস্‌। কনানীয়গুনোরে, তারার্‌ রাজাগুনোরে আর দেজর্‌ অন্য জাদ্‌তুনোরে তুই তারার্‌ আঢত্‌ তুলি দুয়োজ্‌ যেনে তারা তারার্‌ উগুরে যিয়েনি হুজি সিয়েনি গুরি পারন্‌।

গীতসংহিতা 78:60

শীলোত তার যে থেবার-তাম্বুলান এলঅ সিয়েন তে ছাড়ি দিলো; ইয়েন সে তাম্বুলান যিয়েন তে মান্‌জ্য ইদু থিদেবর্ গোজ্যে।

গীতসংহিতা 78:66

তা শত্রুগুনোরে তে পিজেন্দি ওদেই দিলো; তারারে তে জদবদে অগমানত্ ফেলেল।

যিরমিয় 26:6

তুমি যুনি এবাবোত্যেগুরি থাগঅ সালেন্ মুই এ ঘরানরে শীলো ধোক্ক্যেন গুরিম আর এমন গুরিম যেনে পিত্‌থিমীর বেক জাদ্‌‌‌‌‌‌‌‌তুনে এ শঅর নাঙান্দোই অভিশাব্ দুয়োন‌‌‌‌‌।’ ”

যিরমিয় 26:9

কিত্তে তুই লগেপ্রভুর নাঙান্দোই এ আগাম্ কধাগান গরর্, এ ঘরান শীলো ধোক্ক্যেন অবঅ আর এ শঅরান ভস্ত আর মানুচ্ নেইয়্যে অবঅ?” ইয়েন কোইনে বেক মানুচ্চুনে লগেপ্রভুর ঘরত্ যিরমিয়রে ঘিরি ধুরিলাক্।

গণাণা 32:22

মাত্তর্‌ দেজ্‌চান লগেপ্রভুর অধীনোত্‌ এজানার্‌ পরেদি তুমি ফিরি এই পারিবা আর লগেপ্রভু আহ্ ইস্রায়েল জাদ উগুরে তমার্‌ কামানিত্তুন্‌ রেহাই পেবা; আর সেক্কে লগেপ্রভুর্ আওজে এই জাগায়ান্‌ তমার্‌ সোম্বোত্তি অবঅ ।

প্রেরিত্‌ 7:45

আমা পূরোণি মানুচ্চুনে সে তাম্বুলান্ পেইনে তারার্ নেতা যিহোশূয়র অধীনোত্ সিয়েন নিজো সমারে আমা এ দেজত্ আন্ন্যন্। গোজেনে সেক্কে তারা মুজুঙোত্ থেইনে অন্য জাদ্‌তুনোরে ধাবেই দিয়্যে আর তারা এ দেশ্‌‌চ‌ান গজক্ গোজ্জ্যন্। দায়ূদোর সময় সং সেই তাম্বুলান্ এ দেজত্ এলঅ।

যিহোশূয় 18:8

সে মানুচ্চুনে দেজ্‌চান পৌইদ্যেনে বেক্কানি লিগি আনিবাত্তে রওনা অবার সময়োত্‌ যিহোশূয় তারারে কোই দিলো, “তুমি যেইনে দেজ্‌চান গমেডালে চেইনে সিয়েনি বেক্কানি লিগিনে মইদু আনিবা। সে পরেন্দি মুই ইদু, এ শীলোত, লগেপ্রভুর মুজুঙোত্‌ তমাত্তে চাম্বা চেই দিম্‌।”

যিহোশূয় 19:51

ধর্মগুরু ইলিয়াসর, নূনর পূঅ যিহোশূয় আর ইস্রায়েলীয়গুনোর নানান্‌ গুট্টির বংশ-মুরুব্বীগুনে শীলোত মিলন-তাম্বুর দোরান ইদু লগেপ্রভুর মুজুঙোত্‌ চাম্বা চেইনে এ বেক্‌ জাগায়ানি ঠিগ্‌ গুরি দিলো। এধোক্ক্যেনগুরি তারা দেজ্‌চান ভাগ গরানার কামানি থুম্‌ গুরিলাক্‌।

যিহোশূয় 21:2

তারা কনান দেজর শীলোত্‌ তারারে কলাক্‌, “আমার্‌ বজত্তি গুরিবাত্তে আদাম আর আমার এ্যামানপালুন্‌ চোড়েবাত্তে আদামর কায়-কুরে খলা দিবার কধা লগেপ্রভু মোশির মাধ্যমে তমারে উগুম দিয়্যে।”

যিহোশূয় 22:12

সেক্কে বাদবাগি ইস্রায়েলীয়গুনে তারার্‌ বিরুদ্ধে যুদ্ধোত্‌ যেবাত্তে শীলোত্‌ এগত্তর্‌ অলাক্‌।

যিহোশূয় 22:19

যে দেজ্‌চান তোমার গজক্ গোজ্যে আঘে সিয়েন যুনি অসিজি ওই থায় সালে তুমি পার্‌ ওইনে লগেপ্রভুর্‌ দেজত্‌ এজঅ‌। ইয়েনত্‌ লগেপ্রভুর থেবার্‌-তাম্বুলান্ আঘে। তুমি আমা সমারে বজত্তি গরঅ‌। মাত্তর্‌ আমার গোজেন লগেপ্রভুর ডালিপূজো বাদে আর কনঅ‌ ডালিপূজো নিজোত্তে যুক্কোল্‌ গুরিনে লগেপ্রভুর আর আমা বিরুদ্ধে উল্লোমি ন-গুরিবা।

যিহোশূয় 22:9

সেনত্তেই লগেপ্রভু মোশিরে যে উগুমানি দিয়্যে সে মজিম্ রূবেণ আর গাদ-গুট্টির বেক্কুনোরে আর মনঃশি-গুট্টির অদ্দেক্‌ মানুচ্‌ নিজোত্তে যে জাগায়ানি পেইয়োন সে গিলিয়দ চাগালাত্‌ ফিরি যেবাত্তে কনান দেজঅ শীলোত্‌ ইস্রায়েলীয়গুনোত্তুন বিদেয় নিলো।

বিচের গুরিয়্যেগুন 18:31

শীলোত্‌ যেদকদিন গোজেনর্‌ ঘরান্‌ এলঅ সেদকদিন সং দান-গুট্টির মানুচ্চুনে মীখার বানেয়্যে কাবিনে বানেয়্যে মূত্তিবো নিজোত্তে থোই দিলাক্‌।

বিচের গুরিয়্যেগুন 21:12

সে সৈন্যগুনে যাবেশ-গিলিয়দর আদাম্মেগুনোর ভিদিরে চেরশত্‌ গাবুজ্যে মিলে পেলাক্‌; তারা সে মিলেগুনোরে কনান্‌ দেজর শীলোর তাম্বুলোত নেযেলাক্‌।

বিচের গুরিয়্যেগুন 21:19

সে পরেন্দি তারা কলাক্‌, “পত্তি বজর শীলোত্‌ লগেপ্রভুর নাঙে এক্কো পরব্‌ অয়।” শীলো শঅ্‌রান এলদে বৈথেলর উত্তোরেন্দি যে পথ্‌তান বৈথেলত্তুন শিখিমোর ইন্দি যেইয়্যে সিয়েনর পূগেন্দি আর লবোনার দোগিণেন্দি।

১ শমূয়েল 1:24

পূঅবোরে দুধ এরানার পরেন্দি হান্না তিন্নো দামাড়া গোরু, আদার কেজি মোইদে, চামর্‌ থৈইলেত্‌ গুরিনে এক থৈল্যে আংগুর-রস আর পূঅবোরে লগে নেযেইনে শীলোদত্ লগেপ্রভুর ঘরত্‌ গেলঅ। পূঅবো সেক্কেয়ো চিগোন এলঅ।

১ শমূয়েল 1:3

ইল্‌কানা পত্তি বজর তা শঅরত্তুন শীলোত যেদঅ। তে সিদু যেইনে গোদা সংসারানর গিরোজ্ লগেপ্রভুর তবনা আর তা নাঙে য়েমান উৎসর্ব গুরিদো। সেক্কে সিদু ধর্মগুরু এলির দ্বিবে পূঅ লগেপ্রভুর ধর্মগুরু এলাক্। তারার নাঙানি এলদে হফ্‌নি আর পীনহস।