যিহোশূয় 17:4 - Chakma Bible

⁴ এ মিলেগুনে ধর্মগুরু ইলিয়াসর আর নূনর পূঅ যিহোশূয় আর নেতাগুনো ইদু যেইনে কলাক্‌, “আমা গুট্টির মানুচ্চুনো ভিদিরে আমারঅ‌ সোম্বোত্তির এক্কান ভাগ দিবার উগুম লগেপ্রভু মোশিরে দিয়্যে।” এ কধাগান শুনিনে যিহোশূয় লগেপ্রভুর উগুম মজিম তারা বাপ্পোর্‌ ভেইয়ুনো লগে তারারেয়ো সোম্বোত্তির অধিকার দিলো।

যিহোশূয় 17:4 Iomraidhean Croise

গণাণা 27:1

সলফাদর মিলেগুনে এলাক্‌ যোষেফর পূঅ মনঃশির বংশর। মনঃশির পূঅবোর্ নাঙান মাখীর, মাখীরোর পূঅবোর নাঙান্‌ গিলিয়দ, গিলিয়দর পূঅবোর্‌ নাঙান্‌ হেফর আর হেফরর পূঅবোর্‌ নাঙান্‌ সলফাদ। সলফাদরর্‌ ঝিগুনোর্‌ নাঙানি অলঅ মহলা, নোয়া, হগ্‌লা, মিল্কা আর তির্সা।

গণাণা 27:4

মাত্তর্‌ সিয়েন্‌ অই বিলিনে কিত্তে আমা বাপ্পো নাঙান্‌ তা বংশত্তুন্‌ বাদ যেবঅ? বাবর্‌ বংশর্‌ মানুচ্চুনো সমারে আমা সোম্বোত্তির্‌ অধিকার্‌ দে।”

গণাণা 36:10

সেক্কে মহলা, তির্সা, হগ্‌লা, মিল্কা আর নোয়া নাঙে সলফাদর মিলেগুনে মোশির মাধ্যমে লগেপ্রভুর উগুম মজিম কাম্‌ গুরিলাক। তারা তারার্‌ বাবঅ কুদুম্মো যিগুনে ভেই অন্‌ তারারে নেক্‌ বানেলাক।

গালাতীয় 3:28

যিহূদী আর অযিহূদী ভিদিরে, চাগর্ আর গিরোজ ভিদিরে, মিলে আর মরদ ভিদিরে কনঅ ফারক্ নেই, কিয়া খ্রীষ্ট যীশু সমারে মিজেইনে তুমি বেক্কুনে এক ওইয়ো।

যিহোশূয় 14:1

অন্য ইস্রায়েলীয়গুনে কনান দেজত্‌ সোম্বোত্তি ইজেবে জাগা-জোবিন্ পেলাক্‌। ধর্মগুরু ইলীয়াসর, নূনর পূঅ‌ যিহোশূয় আর ইস্রায়েলীয়গুনোর যুদো যুদো গুট্টির গিরির্-নেতাগুনে তারারে সিয়েনি ভাগ গুরি দিলাক্।

যিহোশূয় 17:5

যর্দনর পূগেন্দি গিলিয়দ আর বাশন বাদেয়ো মনঃশি-গুট্টির ভাগত্‌ পড়িলো আরঅ দশ ভাগ্‌ ভূই,

যিহোশূয় 21:1

লেবি-গুট্টির বংশর্‌ নেতাগুনে ধর্মগুরু ইলিয়াসর, নূনর পূঅ যিহোশূয় আর ইস্রায়েলীয়গুনোর অন্য গুট্টির বংশ-নেতাগুনো ইদু গেলাক্‌।