যিহোশূয় 17:2 - Chakma Bible

² মাত্তর্‌ মনঃশি-গুট্টির বাদবাগী বেক্‌ বংশর মানুচ্চুনোর, অত্তাৎ অবীয়েষর, হেলক, অস্রীয়েল, শেখম, হেফর আর শমীদার বংশর মানুচ্চুনোরে কনান দেজত্‌ জাগা-জোমি দিয়্যে ওইয়্যে। বংশধরর্‌ ইন্দি ইগুনে এলাক্‌ যোষেফর পূঅ মনঃশির বাদবাগী বেক্‌ মরদ বংশধরুন্‌।

যিহোশূয় 17:2 Iomraidhean Croise

১ বংশধর 7:18

গিলিয়দ বোন হম্মোলেকতর পুয়োগুন অলাক্‌ ঈশ্‌হোদ, অবীয়েষর আর মহলা।

যিহোশূয় 17:1

মনঃশি যোষেফর দাঙর্‌ পূঅ এলঅ‌ বিলিনে চাম্বা চানা মজিম তা গুট্টিবোরেয়ো এক্কান জাগা দিয়্যে ওইয়্যে। মনঃশির দাঙর্‌ পূঅবোর্‌ নাঙান্‌ এলঅ‌ মাখীর। মাখীরে অলদে গিলিয়দর বাপ্‌। মাখীরে এক্কো দাঙর্‌ যোদ্ধা এলঅ বিলিনে তে গিলিয়দ আর বাশনর অধিকারান আগে পেইয়্যে।

যিহোশূয় 17:3

মনঃশির পূঅ মাখীর, মাখীরর পূঅ গিলিয়দ, গিলিয়দর পূঅ হেফর, আর হেফরর পূঅ সল্‌ফাদ। সল্‌ফাদর বানা ঝি এলাক্‌, পূঅ ন-এলাক্‌। সে ঝিগুনোর নাঙানি অলঅ‌ মহলা, নোয়া হগ্‌লা, মিল্কা আর তির্সা।

বিচের গুরিয়্যেগুন 6:11

একদিন্যে লগেপ্রভুর দূত্তো এইনে অফ্রা আদামর এলোন গাজছোর্‌ তলে বুযিলো। এই জাগায়ান অলঅ অবিয়েষ্রীয় বংশর যোয়াশর গজগত্। সিয়েনত্‌ তার পূঅ গিদিয়োনে মিদিয়নীয়গুনোত্তুন্‌ গম লুগেই থবাত্তে আংগুর মারিবার জাগানত্‌ সিগুন্‌ ঝাড়ের্‌।

বিচের গুরিয়্যেগুন 8:2

জোবত্‌ তে তারারে কলঅ, “তমা তুলনায় মুই আর সেধোক্কেন্‌ কি গোজ্যং। ইফ্রয়িমে যে পোজ্যন্দে আংগুরুন কুড়েইনে আন্যে সিগুন কি অবিয়েষরর তুল্যে বেগ্‌ আংগুরুনোত্তুন বোউত্ গম্‌ নয়।