যিহোশূয় 17:18 - Chakma Bible

¹⁸ ঝাড়্-জংগলে ভোজ্যে মুড়ো-মুড়ি চাগালাগানঅ তুমি পেবা। তমার সিয়েন কাবিনে তেল্‌তেল্যে গুরি নেযা পড়িবো। ঝাড়ান্‌ আর তা লগে বেক্‌ ভূইয়ানি তমার অধিকারত্ থেবঅ। কনানীয়গুনোর লুয়োর রথ থেলেয়ো আর তারা বোলী অলেয়ো তুমি তারারে ধাবেই দিবা।”

যিহোশূয় 17:18 Iomraidhean Croise

পত্থম 49:24

মাত্তর্‌ তা ধনুগান্‌ সেবাবোত্যে থির্ গুরি রোয়্যে আর্‌ আত্তান্‌ আগেদে সেবাবোত্যে কাবিল্, কিত্তে যাকোবর্ সে বোলী গোজেন আত্তানি তা পিজেদি আঘে। তা পিজেদি আঘে সে রোক্ষ্যে গুরিয়েবো, ইস্রায়েলর্ সেই পাত্তর্‌‌বো।

২ শমূয়েল 18:6

ইস্রায়েলীয়গুনো লগে যুদ্ধো গুরিবাত্তে সৈন্যদল নিগিলিলাক্। ইফ্রয়িমর ঝারত্‌ যুদ্ধো অলঅ।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

দ্বি’লম্বর বিররণ 33:17

তার মহিমাগান পত্তমে জর্মেয়্যে বলদ গোরু ধোক্ক্যেন, তা মাদাত্‌ আঘেদে ঝার্‌বো বলদ গোরুর শিং। সিগুন্‌দোই তে গুদেব দুনিয়ের বেক জাদরে, এন্‌ কি, ইয়েনর শেজ্‌ দুযিগানর্ জাদ্‌তুনোরেয়ো। এবাবোত্যে অবঅ ইফ্রয়িমর লাখ্ লাখ্ আর মনঃশির আজার আজার মানুচ্‌।”

ইব্রীয় 13:6

ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?

যিহোশূয় 15:9

সেই দুযির্‌ চিহ্নোগান সে পরেন্দি মুড়োবো উগুরেত্তুন্‌ নিপ্তোহর উইফুদোর্‌ ইন্দি গেলঅ‌। সিয়োত্তুন্‌ ইফ্রোণ মুড়োবোর্‌ আদামানির কায়-কুরেন্দি নিগিলিনে সিয়েন বালার ইন্দি, অত্তাৎ কিরিয়োৎ-যিয়ারীমর ইন্দি লামি গেলঅ‌।

যিহোশূয় 17:17

যিহোশূয় যোষেফর বংশধরুনোরে, অত্তাৎ ইফ্রয়িম আর মনঃশি-গুট্টির মানুচ্চুনোরে কলঅ্‌, “তমার মানুচ্‌অ বেশ্‌, বল্‌অ বেশ্‌। তুমি বানা এক্কো ভাগ ন-পেবা।

যিহোশূয় 20:7

সেনত্তেই ইস্রায়েলীয়গুনে আশ্রয়-শঅর্‌ ইজেবে নপ্তালি-গুট্টিগুনোর্‌ ভাগর্‌ মুড়ো-মুড়ি চাগালার গালীলর কেদশ, ইফ্রয়িম-গুট্টির ভাগর মুড়ো-মুড়ি চাগালার শিখিম আর যিহূদা-গুট্টির ভাগর মুড়ো-মুড়ি চাগালার কিরিয়ত-অর্ব, অত্তাৎ হিব্রোণান ফারক্‌ গুরি রাগেল।

১ শমূয়েল 1:1

ইফ্রয়িমর মুড়োমুড়ি চাগালাত্‌ রামাথয়িম-সোফীম শঅরত্‌ ইল্‌কানা নাঙে এক্কো মানুচ্ ইফ্রয়িম-গুট্টির মানুচ্চুনো লগে বজত্তি গুরিদো। তা বাপ্পোর নাঙান্‌ এলদে যিরোহম। যিরোহম অলদে ইলীহূর পূঅ, ইলীহূ এলদে তোহেরর পূঅ আর তোহ এলদে সুফেরর পূঅ।