যিহোশূয় 17:16 - Chakma Bible

¹⁶ যোষেফ-গুট্টির মানুচ্চুনে কলাক্, “মুড়ো-মুড়ি চাগালার জাগানত্‌ আমার ন-কুলোই আর যিদুক্কুন কনানীয় সং জাগার বৈৎ-শান আর তা কায়-কুরে আদামানিত্‌ আর যিষ্রিয়েল কিজিঙোত্‌ বজত্তি গুরিদাক্‌ তারার বেক্কুনোর লুয়োর রথ আঘে।”

যিহোশূয় 17:16 Iomraidhean Croise

১ রাজাবলী 18:45

এ ভিদিরে আগাজ্‌ছান মেঘে কালা ওই গেলঅ, বোইয়ের্‌ বেলঅ আর অমকদ ঝড় এলঅ। আহাবে রথ্‌তানত্‌ গুরিনে যিষ্রিয়েলত্‌ আঢা মারিলো।

১ রাজাবলী 18:46

সেক্কে লগেপ্রভুর্‌ বলান্‌ এলিয়ো উগুরে এলঅ। তে তা কাবড়ান্‌ কমর্‌-বিজোনিত্‌ গুজেইনে আহাবর্‌ আগে আগে ধাবা দিইনে যিষ্রিয়েলত্‌ গেলঅ।

১ রাজাবলী 21:1

ইয়েনর্‌ পরেন্দি যিষ্রিয়েলীয় নাবোতর আংগুর ক্ষেততান্‌দোই এক্কান্‌ ঘটনা ঘুদি গেলঅ। এ আংগুর খেততান্‌ এলদে যিষ্রিয়েলত্‌ শমরিয়ার রাজা আহাবর রাজঘরর্‌ কায়।

১ রাজাবলী 21:23

ইয়েন্‌বাদে ঈষেবলর পৌইদ্যেনেয়ো মুই কঙর্‌, যিষ্রিয়েলর দেবালান কায় কুগুরুনে তারে হেবাক্‌।

১ রাজাবলী 4:12

তানকে, মগিদ্দোতে আর সর্তনর ইদু আর যিষ্রিয়েলর দৌগিণে বৈৎ-শান শঅরত্তুন্‌ আবেল-মহোলা আর যক্‌মিয়াম সং বৈৎ-শানর বেক্‌ চাগালানিত্‌ অহীলূদোর পূঅ বানা।

২ রাজাবলী 9:10

কুগুরুনে ঈষেবলরে যিষ্রিয়েল চাগালাত্‌ হেই ফেলেবাক্‌, তারে কনজনে গোর্ নি দিবাক্‌।’” এ কধাগান কোইনে সে ভাববাদীবো দোরান্‌ খুলিনে ধাবা দিলো।

২ রাজাবলী 9:37

সে ভূইয়ো মাদিগানত্‌ ঈষেবলর কিয়্যেগান্‌ এন্‌ গবর-সার ধোক্ক্যেন্‌ পড়ি থেবদে, কনজনে চিনি নঅ-পারিবাক্‌ সিয়েন্‌ যে ঈষেবলর কিয়্যেগান।’ ”

যিরমিয় 49:2

চঅ, সময় এচ্চ্যে যেক্কে মুই অম্মোনীয়গুনোর রব্বা শঅর বিরুদ্ধে যুদ্ধোর ডাগনি দিম; সেক্কে সিয়েন ভস্তর্ কুড়্ অবঅ, আর তার চেরোকিত্তে আদামানিত্ আগুন লাগা অবঅ। সেক্কে যিগুনে ইস্রায়েলরে ধাবেইনে নিগিলেই দুয়োন ইস্রায়েলে তারারে লোড়েইনে নিগিলেই দিবো। মুই লগেপ্রভু এ কধাগান কঙর্।

যিহোশূয় 17:11

ইষাখর আর আশের-গুট্টির দুযি ভিদিরে বৈৎ-শান, যিব্‌লিয়ম আর সিয়েনির কায়-কুরে বেক্‌ আদামানি মনঃশি-গুট্টিরে দিয়্যে ওইয়্যে। ইয়েনবাদে দোর, ঐন্‌-দোর, তানক আর মগিদ্দোর মানুচ্চুন্‌ সহ এ বেক্‌ শঅর্‌ আর সিয়েনির কায়-কুরে বেক্‌ আদামানি মনঃশি-গুট্টিরে দিয়্যে ওইয়্যে। যেরেন্দি তিনান্‌ শঅর্‌ আর তারা সমারে আদামানি এলঅ মুড়ো-মুড়ি চাগালাত্‌।

যিহোশূয় 17:15

জোবত্‌ যিহোশূয় কলঅ্‌, “মান্‌জ্যর সোংখ্যে যুনি তমার এদক্‌ বেশ্‌ আর ইফ্রয়িমর মুড়ো-মুড়ি চাগালাত্‌ যুনি তমার ন-কুলোয় সালে পরীষীয় আর রফায়ীয়গুনোর দেজর ঝার্-জংগল কাবি ফেলেইনে নিজোত্তে ভূই যুক্কোল্‌ গুরি নেযঅ।”

যিহোশূয় 17:17

যিহোশূয় যোষেফর বংশধরুনোরে, অত্তাৎ ইফ্রয়িম আর মনঃশি-গুট্টির মানুচ্চুনোরে কলঅ্‌, “তমার মানুচ্‌অ বেশ্‌, বল্‌অ বেশ্‌। তুমি বানা এক্কো ভাগ ন-পেবা।

যিহোশূয় 17:18

ঝাড়্-জংগলে ভোজ্যে মুড়ো-মুড়ি চাগালাগানঅ তুমি পেবা। তমার সিয়েন কাবিনে তেল্‌তেল্যে গুরি নেযা পড়িবো। ঝাড়ান্‌ আর তা লগে বেক্‌ ভূইয়ানি তমার অধিকারত্ থেবঅ। কনানীয়গুনোর লুয়োর রথ থেলেয়ো আর তারা বোলী অলেয়ো তুমি তারারে ধাবেই দিবা।”

যিহোশূয় 19:18

তারার্‌ জাগায়ানি ভিদিরে পড়িলো যিষ্রিয়েল, কসুল্লোৎ, শূনেম,

বিচের গুরিয়্যেগুন 1:19

লগেপ্রভু যিহূদা-গুট্টির মানুচ্চুনো সমারে এলঅ‌। তারা মুড়ো-মুড়ি চাগালাগানি গজক্‌ গুরি নেযেয়োন ঠিগ্‌, মাত্তর্‌‌ সংজাগাত্তুন মানুচ্চুনোরে ধাবেই দি ন-পারন্‌, কিত্যে তারার্‌ লুয়োর্‌ রথ এলঅ‌।

বিচের গুরিয়্যেগুন 4:3

যাবীনোর নয়শঅ‌ লুয়োর রথ এলঅ‌ আর তে কুড়ি বজর ধুরিনে ইস্রায়েলীয়গুনো উগুরে অমকদ অত্যেচার গুরি এজের্‌। সেনত্তেই ইস্রায়েলীয়গুনে লগেপ্রভু ইদু বল্‌ পেবাত্তে কানাকুদি গরা ধুরিলাক্‌।

বিচের গুরিয়্যেগুন 6:33

পরেন্দি মিদিয়নীয়, অমালেকীয় আর পূগ দেজর সৈন্যগুন বেক্কুনে এগত্তর্‌ ওইনে যর্দন গাঙান্‌ পার্ ওইনে যিষ্রিয়েল-কিঝিঙোত যেইনে তাম্বুলান ফেলেলাক্‌।

১ শমূয়েল 29:1

পলেষ্টীয়গুনে অফেকত্‌ তারার বেক্‌ সৈন্যগুন এগত্তর্‌ গুরিলাক্। ইন্দি ইস্রায়েলীয়গুনে যিষ্রিয়েলর উইফুদোর্‌ ইদু তারার্‌ তাম্বুলান ফেলেলাক্।