যিহোশূয় 17:15 - Chakma Bible

¹⁵ জোবত্‌ যিহোশূয় কলঅ্‌, “মান্‌জ্যর সোংখ্যে যুনি তমার এদক্‌ বেশ্‌ আর ইফ্রয়িমর মুড়ো-মুড়ি চাগালাত্‌ যুনি তমার ন-কুলোয় সালে পরীষীয় আর রফায়ীয়গুনোর দেজর ঝার্-জংগল কাবি ফেলেইনে নিজোত্তে ভূই যুক্কোল্‌ গুরি নেযঅ।”

যিহোশূয় 17:15 Iomraidhean Croise

পত্থম 13:7

সেনত্তে অব্রাম আর লোট য়েমান চোরেয়্যেগুনো ভিদিরে কোল্-কোজ্যে দেগা দিলো। সিয়েনবাদে সে অক্তত্‌ কনানীয় আর পরিষীয়গুনেয়ো সে দেজত্‌ বজত্তি গুরিদাক্।

পত্থম 14:5

সে পরেদি বজরত্‌ রাজা কদর্লায়োমর আর তা সমাজ্যে রাজাগুনে যেইনে রফায়ীয়গুনোরে, সুষীয়গুনোরে, এমীয়গুনোরে আর হোরীয়গুনোরে ওদেই দিলাক্। তারা রফায়ীয়গুনোরে ওদেই দিলাক্‌ অস্তরোৎ-কর্ণয়িমত, সুষীয়গুনোরে ওদেই দিলাক্ হমত্‌, এমীয়গুনোরে ওদেই দিলাক্‌ শাবি-কিরিয়াথয়িমোত্‌ আর হোরীয়গুনোরে ওদেই দিলাক্‌ এল-পারণর সোজা সেয়ীরর মুড়ো-মুড়ি চাগালাত্‌। এল-পারণান এলদে ধূল্যেচর-চাগালা কায়কুরে।

পত্থম 15:20

হিত্তীয়, পরিষীয়, রফায়ীয়,

২ শমূয়েল 18:6

ইস্রায়েলীয়গুনো লগে যুদ্ধো গুরিবাত্তে সৈন্যদল নিগিলিলাক্। ইফ্রয়িমর ঝারত্‌ যুদ্ধো অলঅ।

২ শমূয়েল 5:18

পলেষ্টীয়গুনে এইনে রফায়ীম কিঝিঙোত্‌ ছিদি পড়িলাক্।

২ শমূয়েল 5:22

পরেন্দি পলেষ্টীয়গুনে আরঅ এইনে রফায়ীম কিঝিঙোত্‌ ছিদি পড়িলাক্।

ইষ্রা 9:1

এ কামানি থুম্ ওই গেলে পরেদি নেতাগুনে মইধু এইনে কলাক্, “ইস্রায়েলীয়গুন আর তারার্ ধর্মগুরুগুন আহ্ লেবীয়গুনে তারার্ দেজত্ বজত্তিগুরিয়্যে অন্য জাদ্‌তুনো ইত্তুন্ নিজোরে যুদো গুরি ন রাগান্। তারা কনানীয়, মিসরীয় আর ইমোরীয়গুনো ধোক্ক্যেন জঘন্য কাম গোজ্যন্।

যাত্রা 33:2

মুই তমার আগে আগে এক্কো স্বর্গদূতরে পাদেইনে সেই দেজত্তুন্‌ কনানীয়, ইমোরীয়, হিত্তীয়, পরিষীয়, হিব্বীয় আর যিবূষীয়গুনোরে ধাবেই দিম্‌।

লূকে লেখ্যে গম্ হবর্ 12:48

মাত্তর্ কোই ন-পারিনে যে সাজা-পেবার্ কাম্ গোজ্যে তার কম্ সাজা অবঅ। যিবেরে বেশ্ দিয়্যে অয় তাত্তুন্ বেশ্ দাবি গরা অবঅ; আর মান্‌‌‌জ্যে যিবে ইধু বেশ্ থোইয়োন তাত্তুন্ তারা বেশ্ মাগিবাক্।

যিহোশূয় 17:14

যোষেফ-গুট্টির মানুচ্চুনে যেইনে যিহোশূয়রে কলাক্‌, “সোম্বোত্তি ইজেবে কিত্তেই তুই আমারে বানা এক ভাগ দুয়োচ্‌? লগেপ্রভুর আশিদ্‌বাদে আমার মান্‌জ্যর সোংখ্যে বোউত্‌।”

যিহোশূয় 17:16

যোষেফ-গুট্টির মানুচ্চুনে কলাক্, “মুড়ো-মুড়ি চাগালার জাগানত্‌ আমার ন-কুলোই আর যিদুক্কুন কনানীয় সং জাগার বৈৎ-শান আর তা কায়-কুরে আদামানিত্‌ আর যিষ্রিয়েল কিজিঙোত্‌ বজত্তি গুরিদাক্‌ তারার বেক্কুনোর লুয়োর রথ আঘে।”

বিচের গুরিয়্যেগুন 17:1

ইফ্রয়িমর মুড়ো-মুড়ি চাগালাত্‌ মীখা নাঙে এক্কো মানুচ্‌ এলঅ।