যিহোশূয় 17:13 - Chakma Bible

¹³ মাত্তর্ ইস্রায়েলীয়গুনে যেক্কে বোলী ওইনে উদিলাক্‌ সেক্কে তারা কনানীয়গুনোরে তারার চাগর্‌ ইজেবে কাম্‌ গুরিবাত্তে বাধ্য গোজ্যন্‌। মাত্তর্‌ দেজত্তুন্‌ তারারে বেক্কুনোরে তারা ধাবেই ন-দিলাক্‌।

যিহোশূয় 17:13 Iomraidhean Croise

পত্থম 49:15

তে দেগিবোদে তার ঝিরেবার্‌ দেজ্‌ছান্‌ দোল্‌ আর আরামর, সেনত্তে বুদি বুয়োবাত্তে তে কানাগান্‌ পাদি দিবো আর চাগরঅ ধোক্ক্যেন অমকদ কাম গরানায়ো মানি নিবো।

২ শমূয়েল 3:1

শৌল আর দায়ূদো সৈন্যদল ভিদিরে ভালোক্‌ দিন সং যুদ্ধো অলঅ। দায়ূদে বোলী ওই উদিলো আর শৌল সৈন্যদলুনে বল্‌পোজ্যে ওই পোজ্যন্‌।

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

যিহোশূয় 16:10

গেষরত্‌ যিদুক্কুন্‌ কনানীয় বজত্তি গুরিদাক্‌ তারারে তারা ধাবেইনে নিগিলেই ন-দুয়োন্‌। এজঅ তারা ইফ্রয়িম-গুট্টির মানুচ্চুনো লগে বজত্তি গত্তন্‌; মাত্তর্‌ ইফ্রয়িম-গুট্টির চাগর ইজেবে তারার কামানি গত্তে বাধ্য গরা ওইয়্যে।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

বিচের গুরিয়্যেগুন 1:28

ইস্রায়েলীয়গুনে যেক্কেনে খেমতাবলা ওই উদিলাক সেক্কে তারা সেই বেক্‌ মানুচ্চুনোরে তারার্‌ চাগর্‌ অবাত্তে বাধ্য গুরিলাক্‌ মাত্তর্‌‌ তারারে এক্কুবারে ধাবেই ন-দিলাক্‌।

বিচের গুরিয়্যেগুন 1:30

সবূলূন-গুট্টির মানুচ্চুনেয়ো কিট্‌রোণ আর নহলোলত্তুন্‌ কনানীয়গুনোরে নিগিলেই ন-দুয়োন্‌। তারা সিদু তারার্‌ ভিদিরে থেই গেলাক্‌, মাত্তর্‌‌ সবূলূন-গুট্টির মানুচ্চুনে তারার্‌ চাগর্‌ বানেবাত্তে বাধ্য গুরিলাক্‌।

বিচের গুরিয়্যেগুন 1:33

নপ্তালি-গুট্টির মানুচ্চুনেয়ো বৈৎ-শেমশ আর বৈৎ-অনাতর মানুচ্চুনোরে ধাবেই ন-দুয়োন; তারা সে জাগার কনানীয় মানুচ্চুনো সমারে বজত্তি গরা ধোজ্যন্‌ আর তারার চাগর্‌ অবাত্তে বাধ্য গুরিলাক্‌।

বিচের গুরিয়্যেগুন 1:35

ইমোরীয়গুনে হেরস মুড়ো, অয়ালোন আর শাল্‌বীমোত্‌ থেবাক্‌ বিলিনেই ঠিগ্‌ গুরিলাক্‌; মাত্তর্‌‌ যোষেফর বংশর মানুচ্চুনোর বল্‌ যেক্কে বাড়িলো সেক্কে তারা ইমোরীয়গুনোরে চাগর অবাত্তে বাধ্য গুরিলাক্‌।