যিহোশূয় 17:1 - Chakma Bible

¹ মনঃশি যোষেফর দাঙর্‌ পূঅ এলঅ‌ বিলিনে চাম্বা চানা মজিম তা গুট্টিবোরেয়ো এক্কান জাগা দিয়্যে ওইয়্যে। মনঃশির দাঙর্‌ পূঅবোর্‌ নাঙান্‌ এলঅ‌ মাখীর। মাখীরে অলদে গিলিয়দর বাপ্‌। মাখীরে এক্কো দাঙর্‌ যোদ্ধা এলঅ বিলিনে তে গিলিয়দ আর বাশনর অধিকারান আগে পেইয়্যে।

যিহোশূয় 17:1 Iomraidhean Croise

পত্থম 41:51

যোষেফে তা দাঙর্‌ পুয়োবো নাঙান রাগেল মনঃশি (যিয়েনর্ ভেদ্‌তান্ “মনত্‌ ন থানা”)। তে কলঅ, “গোজেনে মর্‌ বেক্‌ দুঃখানি আর মর্‌ বাব ঘরর্ কধানি মঅ মনত্তুন্‌ তুলি ফেলেয়্যে।”

পত্থম 41:52

সে পরেদি তে তার দ্বিলম্বর পুয়োবোর নাঙান্‌ রাগেল ইফ্রয়িম (যিয়েনর্ ভেদ্‌তান্ “ফলবান”)। তে কলঅ, “যে দেজত্‌ মুই দুঘ্ পেইয়োং সে দেজত্‌ গোজেনে মরে ফলবান গোজ্যে।”

পত্থম 46:20

যোষেফ পুয়ো মনঃশি আর ইফ্রয়িম মিসর দেজত্‌ জোর্মেয়োন্‌। ইগুনোর্‌ মাবো এলঅ ওন্‌ শঅর ধর্মগুরু পোটীফরর ঝি আসনৎ।

পত্থম 48:17

বাবপো তা ডেন্‌ আত্তান্‌ ইফ্রয়িম মাদা উগুরে রাগেয়্যে দেগিনে যোষেফে হুজি ন-অলঅ। তে সিয়েন্‌ ইফ্রয়িম মাদা উগুরেত্তুন্‌ সোরেইনে মনঃশি মাদা উগুরে রাগেবার্‌ আজায়্‌ তা বাবঅ আত্তান্‌ ধুরিনে কলঅ, “বাবা, এবাবোত্যে নয়। ইবে মর্‌ দাঙর্‌ পুয়োবো। তঅ ডেন্‌ আত্তান্‌ ইবে মাদা উগুরে রাগা।”

পত্থম 50:23

তে ইফ্রয়িম তিন গুট্টি সং চেই যেইয়্যে। ইয়েনবাদে মাখীরোর্ পুয়ো-ঝিগুনোরেয়ো জর্মর্‌ পরেদি যোষেফ ইধু রাগা ওইয়্যে। মাখীরে এলঅ মনঃশির্ পুয়ো।

২ শমূয়েল 2:9

তে ঈশ্‌বোশতরে গিলিয়দ, অশূর, যিষ্রিয়েল, ইফ্রয়িম, বিন্যামীন, এন্‌ কি, পুরো ইস্রায়েল দেজ্‌চান উগুরে রাজা বানেয়োন।

যিহিষ্কেল 47:13

সে পরেদি প্রভু লগেপ্রভু কোইয়্যেদে, তুমি সোম্বোত্তি ইজেবে ইস্রায়েলর্ বার গুট্টি ভিদিরে দেজ্‌‌‌চান এবাবোত্যেগুরি ভাগ গুরি দিবা। তুমি বেক্কুনে সং সং গুরিনে ভাগ গুরিবা মাত্তর্ যোষেফে দ্বিভাগ পেবঅ। এ দেজ্‌চান মুই তমা পুরোণি মানুচ্চুনোরে দিম্ বিলিনে শমক্ গোজ্যং আর এ দেজ্‌‌‌‌‌চান তমা সোম্বোত্তি অবঅ।‌‌

যিহিষ্কেল 48:4

মনঃশি এক্কান ভাগ্ পেবঅ; সিয়েন অবদে পূগেদিত্তুন্ পোজিমে নপ্তালির দুযির্ দোগিণে।

গণাণা 26:29

মনঃশির বংশধরুনোর বংশ অলাক্‌ মাখীরত্তুন্‌ মাখীরীয় বংশ আর গিলিয়দত্তুন্‌ গিলিয়দীয় বংশ। গিলিয়দে অলদে মাখীরোর পূঅ।

গণাণা 27:1

সলফাদর মিলেগুনে এলাক্‌ যোষেফর পূঅ মনঃশির বংশর। মনঃশির পূঅবোর্ নাঙান মাখীর, মাখীরোর পূঅবোর নাঙান্‌ গিলিয়দ, গিলিয়দর পূঅবোর্‌ নাঙান্‌ হেফর আর হেফরর পূঅবোর্‌ নাঙান্‌ সলফাদ। সলফাদরর্‌ ঝিগুনোর্‌ নাঙানি অলঅ মহলা, নোয়া, হগ্‌লা, মিল্কা আর তির্সা।

গণাণা 32:33

মোশি সেক্কে ইমোরীয়গুনোর্‌ রাজা সীহোনর্‌ রেজ্য আর বাশনর রাজা ওগের রেজ্য গাদ আর রূবেণ-গুট্টির মান্‌জ্যরে আর মনঃশি-গুট্টির অদ্দেক্ মান্‌জ্যরে ভাগ গুরি রাগেল। এই মনঃশি যোষেফর পূঅ। গ্রাম আর শঅর আর সিগুনোর্‌ চেরোকিত্তে জাগানি সুদ্ধো বেক্‌ দেজ্‌চান্‌ তে তারাত্তে রাগেল।

দ্বি’লম্বর বিররণ 21:17

যে মোক্কোরে তে কোচ্‌ ন-পায় তা পূঅবোরে তা সোম্বোত্তিত্তুন অন্য যে কনঅ পূঅত্তুন দ্বিগুণ ভাগ দিইনে সেই পূঅবো যে পত্তম পূঅ সিয়েন তাত্তুন স্বীগের্ গরা পুরিবো। সেই পূঅবোই তা বাবর্‌ মরদ পুঅ-বলর্‌ পত্তম ফল। পত্তম পূঅবোর অধিকারান তাত্তুনোই পাওনা।

যিহোশূয় 17:2

মাত্তর্‌ মনঃশি-গুট্টির বাদবাগী বেক্‌ বংশর মানুচ্চুনোর, অত্তাৎ অবীয়েষর, হেলক, অস্রীয়েল, শেখম, হেফর আর শমীদার বংশর মানুচ্চুনোরে কনান দেজত্‌ জাগা-জোমি দিয়্যে ওইয়্যে। বংশধরর্‌ ইন্দি ইগুনে এলাক্‌ যোষেফর পূঅ মনঃশির বাদবাগী বেক্‌ মরদ বংশধরুন্‌।

যিহোশূয় 22:7

মনঃশি-গুট্টির অদ্দেক্‌ মান্‌জ্যরে মোশি বাশন দেজ্‌চান দিয়্যে, আর যিহোশূয় বাদবাগি অদ্দেক্‌ মানুচ্চুনোরে জাগা দিলো তারার্‌ ইস্রায়েলীয় ভেইয়ুনোর সমারে যর্দনর পোজিমেন্দি। যিহোশূয় তারার্‌ ঘরত্‌ যেবাত্তে বিদেয় দিবার্‌ সময়ানত্‌ বর্ দিইনে কোইয়্যেদে,

বিচের গুরিয়্যেগুন 5:14

কিজু মানুচ্‌ এলাক্‌ ইফ্রয়িমত্তুন্‌ যিয়েনত্‌ অমালেকীয়গুনে বজত্তি গুরিদাক্; তারা আজল্‌ বিন্যামীন-গুট্টির মানুচ্চুনোর পিজেন্দি। মাখীরত্তুন্‌ নেতাগুনে এলাক্‌, আর সবূলূনত্তুন্‌ শাজন্‌গুরিয়্যেগুনে এলাক্‌ লুদিক্‌ আঢত্‌ লোইনে।