যিহোশূয় 16:10 - Chakma Bible

¹⁰ গেষরত্‌ যিদুক্কুন্‌ কনানীয় বজত্তি গুরিদাক্‌ তারারে তারা ধাবেইনে নিগিলেই ন-দুয়োন্‌। এজঅ তারা ইফ্রয়িম-গুট্টির মানুচ্চুনো লগে বজত্তি গত্তন্‌; মাত্তর্‌ ইফ্রয়িম-গুট্টির চাগর ইজেবে তারার কামানি গত্তে বাধ্য গরা ওইয়্যে।

যিহোশূয় 16:10 Iomraidhean Croise

১ রাজাবলী 9:15

রাজা শলোমনে লগেপ্রভুর ঘরান্‌, নিজোর্‌ রাজঘরান, মিল্লো, যিরূশালেমর্‌ দেবালান্‌, হাৎসোর, মগিদ্দো আর গেষরান বানেবাত্তে ভালোক্কুন মান্‌জ্যরে কাম্‌ গুরিবাত্তে জোড়্ গোজ্যে।

১ রাজাবলী 9:16

ইয়েনর্‌ আগেন্দি মিসরর রাজা ফরৌণে গেষর গজক্ গুরিনে সিয়েন্‌ আগুনোত্‌ পুড়ি দিয়্যে আর সিদুগোর্‌ আদাম্মে কনানীয়গুনোরে মারে ফেলেয়্যে। যেরেন্দি তে জাগায়ান তা ঝিবোরে, অত্তাৎ শলোমনর্ মোক্কোরে বৌর্‌ ডাবা ইজেবে দিয়্যে।

২ বংশধর 8:8

যিগুনোরে ইস্রায়েলীয়গুনে ভস্ত ন-গরন্‌ শলোমনে তারারে চাগর্‌ ইজেবে কাম্‌ গুরিবাত্তে বাধ্য গোজ্যে। তারা এজঅ সং সে কামানি গত্তন্‌।

যিহোশূয় 10:33

এ ভিদিরে গেষরর রাজা হোরম লাখীশর মানুচ্চুনোরে বল্‌ দিবাত্তে এচ্ছ্যে মাত্তর্‌ যিহোশূয় তারে আর তার সৈন্যদল্লোরে ওদেই দিলো। যেরেন্দি আর কনজনে বাঁজি ন-থেলাক্‌।

যিহোশূয় 15:63

মাত্তর্‌ যিহূদা-গুট্টিবো যিবূষীয়গুনোরে ধাবেই দি ন-পারন্‌। যিবূশীয়গুনে এলাক্‌ যিরূশালেমর আদাম্মে। যিহূদা-গুট্টির মানুচ্চুনোর্‌ লগে যিবূশীয়গুনে এজঅ‌ সিয়েনত্‌ বজত্তি গত্তন্‌।

যিহোশূয় 16:9

ইয়েনবাদে মনঃশি-গুট্টির সোম্বোত্তি ভিদিরে কদক্কানি শঅ‌র আর তারার্‌ কায়-কুরে আদামানি ইফ্রয়িম-গুট্টিরে দিয়্যে ওইয়্যে।

যিহোশূয় 17:12

মাত্তর্‌ মনঃশি-গুট্টির মানুচ্চুনে সে বেক্‌ শঅর্‌ আর আদামানি গজক্ গুরি ন-পারন, কিত্যে কনানীয়গুনে ঠিগ্‌ গোজ্যন্দে যে, তারা সে জাগায়ানি ছাড়ি ন-যেবাক্‌।

যিহোশূয় 17:13

মাত্তর্ ইস্রায়েলীয়গুনে যেক্কে বোলী ওইনে উদিলাক্‌ সেক্কে তারা কনানীয়গুনোরে তারার চাগর্‌ ইজেবে কাম্‌ গুরিবাত্তে বাধ্য গোজ্যন্‌। মাত্তর্‌ দেজত্তুন্‌ তারারে বেক্কুনোরে তারা ধাবেই ন-দিলাক্‌।

বিচের গুরিয়্যেগুন 1:29

ইফ্রয়িম-গুট্টির মানুচ্চুনেয়ো গেষরত্তুন্‌ কনানীয়গুনোরে নিগিলেই ন-দুয়োন্‌। তারা সিদু তারা ভিদিরে থেই গেলাক্‌।