যিহোশূয় 16:1 - Chakma Bible

¹ চাম্বা চানা মজিম যোষেফ-গুট্টির মানুচ্চুনোরে যে জাগায়ানি দিয়্যে অলঅ সিয়েনির্‌ দুযি আরাম্ভ অলঅ যিরীহোর উগুদোন্দি যিরীহোর উইফুদোর্‌ পূগেন্দি যর্দন গাঙত্তুন্‌। সে পরেন্দি দুযির্‌ চিহ্নোগান ধূল্যেচর-চাগালার্‌ ভিদিরেন্দি যেইনে বৈথেলর মুড়ো-মুড়ি চাগালাত্‌ উদিলো।

যিহোশূয় 16:1 Iomraidhean Croise

পত্থম 35:24

রাহেল পেদত্‌ জোর্মেল যোষেফ আর বিন্যামীনে।

যিহিষ্কেল 48:5

ইফ্রয়িমে এক্কান ভাগ্ পেবঅ; সিয়েন অবদে পূগেদিত্তুন্ পোজিমে মনঃশি দুযির্ দোগিণে।

যিহোশূয় 15:61

ধূল্যেচরর্‌-চাগালাত্‌ তারা যেদক্কানি শঅর্‌ আর আদামানি পেইয়োন সিয়েনি অলঅ‌: বৈৎ-অরাবা, মিদ্দীন, সকাখা,

যিহোশূয় 18:12

উত্তোরেন্দি তারার্‌ ভূইয়োর দুযির্‌ চিহ্নোগান্‌ যর্দন গাঙ্‌ত্তুন্‌ আরাম্ভ ওইনে যিরীহোর উত্তোরেন্দি কামা জাগায়ান পার্‌ ওইনে পোজিমেন্দি মুড়ো-মুড়ি চাগালার ভিদিরেন্দি যেইনে বৈৎ-আবনর ধূল্যেচরর্‌-চাগালাগান সং গেলঅ‌।

যিহোশূয় 18:5

পুরো দেজ্‌চান তারা সাত ভাগে ভাগ্‌ গুরিবাক্‌। দোগিণেন্দি যিহূদা-গুট্টিরে যে জাগায়ান দিয়্যে ওইয়্যে তারা সিয়েনত্‌ থেবাক্‌, আর উত্তোরেন্দি থেবাক্‌ যোষেফর বংশধরুনে।

যিহোশূয় 8:15

যিহোশূয় আর বেক্‌ ইস্রায়েলীয়গুনে তারা মুজুঙেত্তুন ধেই যেবার্‌ ভান্‌ গুরিনে ধূল্যেচরর্‌ চাগালার্‌ পদেন্দি আদি গেলাক্‌।

বিচের গুরিয়্যেগুন 1:22

যোষেফর গুট্টিগুনে বৈথেল শঅরান্‌ আক্রমণ গুরিবাত্তে গেলাক্‌। লগেপ্রভু তারা সমারে এলঅ‌।

বিচের গুরিয়্যেগুন 1:23

তারা শঅ‌রান গমেডালে চেই এবাত্তেই সিদু কয়েক্কো মানুচ্‌ পাধেই দিলাক্‌। বৈথেলর পুরোণ নাঙান্‌ এলদে লূস।

১ শমূয়েল 30:27

যিদুক্কুন বুড়ো নেতা ইদু সিয়েনি পাধেই দিয়্যে অলঅ তারা অলাক্কে বৈথেলর, রামোৎ-নেগেভর, যত্তীরোর,