যিহোশূয় 15:9 - Chakma Bible

⁹ সেই দুযির্‌ চিহ্নোগান সে পরেন্দি মুড়োবো উগুরেত্তুন্‌ নিপ্তোহর উইফুদোর্‌ ইন্দি গেলঅ‌। সিয়োত্তুন্‌ ইফ্রোণ মুড়োবোর্‌ আদামানির কায়-কুরেন্দি নিগিলিনে সিয়েন বালার ইন্দি, অত্তাৎ কিরিয়োৎ-যিয়ারীমর ইন্দি লামি গেলঅ‌।

যিহোশূয় 15:9 Iomraidhean Croise

২ শমূয়েল 6:2

দায়ূদ আহ্‌ তার বেক্‌ মানুচ্চুনে গোজেনর সুন্দুক্কো বালি-যিহূদাত্তুন্‌ যিরূশালেমত্‌ নেযেবাত্তে বালি-যিহূদাত্তুন্‌ আঢা মারিলাক্। এ সুন্দুক্কো বেক্কুনোত্তুন্‌ খেমতাবান লগেপ্রভুর নাঙে বেক্কুনে চিনোন্, কিত্যে লগেপ্রভু সে সুন্দুক্কো উগুরে দ্বিবে করূবোর্‌ সংমধ্যে থায়।

১ বংশধর 13:6

যিহূদা দেজর্‌ বালা, অত্তাৎ কিরিয়ৎ-যিয়ারীমত্তুন্‌ গোজেন্‌ লগেপ্রভুর সুন্দুক্কো আনিবাত্তে দায়ূদ আর তা সমারে বেক্‌ ইস্রায়েলীয়গুনে সিদু গেলাক্‌। এ সুন্দুক্কো লগেপ্রভুর নাঙে পরিচিত, কিত্তে তে সিদু করূবপুনোর্‌ সংমোধ্যে থেদঅ।

যিহোশূয় 15:29

বালা, ইয়ীম, এৎসম, ইল্‌তোলদ, কসীল, হর্মা, সিক্লগ, মদ্‌মন্না আর সন্‌সন্না,

যিহোশূয় 15:60

কিরিয়ৎ-বাল, অত্তাৎ কিরিয়ৎ-যিয়ারিম আর রব্বা। এ দ্বিয়েন শঅর্‌ আর ইয়েনির কায়-কুরে জাগায়ানি তারা পেইয়োন।

যিহোশূয় 18:15

তারার্‌ দোগিণেন্দি দুযির্‌ চিহ্নোগান পোজিমে কিরিয়ৎ-যিয়ারীমর দুযিত্তুন্‌ আরাম্ভ ওইনে নিপ্তোহর উইফুদ সং গেলঅ‌।

যিহোশূয় 9:17

সেক্কে ইস্রায়েলীয়গুনে তারার্‌ চাগালান্দি যাহ্ ধুরিলাক্‌ আর তিন দিনোত্‌ সিদু যেইনে লুমিলাক্‌। তারার্‌ চাগালাত্‌‌ এলাক্কে গিবিয়োন, কফীরা, বেরোৎ আর কিরিয়ৎ-যিয়ারীম শঅরান্‌।

বিচের গুরিয়্যেগুন 18:12

পদথ্‌ তারা যিহূদা-দেজর কিরিয়ৎ-যিয়ারীমোর ইদু তাম্বুল ফেলেলাক্‌। সেনত্তেই কিরিয়ৎ-যিয়ারীমোর পোজিমেন্দিগানরে এজঅ মহনে-দান কুয়ো অয় (যিয়েনর্ ভেদ্‌তান্ “দানর তাম্বুল”)।

১ শমূয়েল 6:21

সে পরেন্দি তারা কয়েকজন মান্‌জ্যর্ মাধ্যমে কিরিয়ৎ-যিয়ারীমর মানুচ্চুনো ইদু কোই পাদেলাক্, “পলেষ্টীয়গুনে লগেপ্রভুর সুন্দুক্কো ফিরেই দুয়োন। তুমি লামি এইনে সুন্দুক্কো তমা ইদু লোই যঅ।”