যিহোশূয় 15:7 - Chakma Bible

⁷ সিয়েনত্তুন্ দুযির চিহ্নোগান আখোর কিঝিঙোত্তুন দবীর সং উদি গেলঅ আর সিয়েন উত্তোরেন্দি কিঝিঙোর্ দোগিণে অদুম্মীমত্‌ উদি যাইদে পদর উল্টোন্দি গিল্‌গল সং গেলঅ। গিল্‌গলত্তুন ঐন্‌-শেমশর স্রোত সং যেইনে সিয়েন ঐন্‌-রোগেলত্‌ নিগিলি এলঅ।

যিহোশূয় 15:7 Iomraidhean Croise

২ শমূয়েল 17:17

সে অক্তত্‌ যোনাথন আর অহীমাসে ঐন্‌-রোগেলত্‌ এলাক্। এক্কো চাগরানিয়ে তারারে হবরানি জানেদ আর তারা যেইনে রাজা দায়ূদোরে সে হবরান দিদাক্, কিত্যে শঅরত্‌ যানা-এজানার রিক্‌সান তারা নেযেই ন-পারিদাক্।

১ রাজাবলী 1:9

ঐন্‌-রোগেলর কায় সোহেলৎ পাত্তরর্‌ ইদু আদোনিয় কয়েক্কো ভেড়া, বলদ গোরু আর পক্তামোক্তা গোরু ছঅ উৎসর্ব গুরিনে তার বেক্‌ ভেইয়ুনোরে, অত্তাৎ রাজার পূঅগুনোরে আর যিহূদার বেক্‌ রাজার কামগুরিয়্যেগুনোরে বাত্যেল।

যিশাইয় 65:10

মর্ যে মানুচ্চুনে মর্ আওজ্ মজিম চলদন্ তারাত্তে শারোণান অবঅ ভেড়া পাল চোড়েবার জাগা আর আখোর কলগ্‌কান অবঅ য়েমান পালর্ জিরেবার-জাগা। ‍‍‍

হোশেয় 2:5

তারার্ মাবো বেভিচের্ গোজ্যে; যে তারারে পেদত্ ধোজ্যে তে লাজ্ গরেপারা কাম্ গোজ্যে। তে কদঅ, মুই মঅ লাঙেগুনো পিজেদি যেইম্; তারা মরে হানা, পানি, পশম, মসীনা, তেল আর পানীয় দি থান্।

যিহোশূয় 10:43

ইয়েনর পরেন্দি যিহোশূয় বেক্‌ ইস্রায়েলীয়গুনোরে নিইনে গিল্‌গলর তাম্বুলোত্‌ ফিরি গেলঅ‌।

যিহোশূয় 15:15

কালেবে সিয়েত্তুন্‌ দবীরর মানুচ্চুনোর্‌ বিরুদ্ধে যুদ্ধো গুরিবাত্তে গেলঅ‌। আগেন্দি দবীরর নাঙান্‌ এলদে কিরিয়ৎ-সেফর।

যিহোশূয় 18:17

পরেন্দি সে দুযির্‌ চিহ্নোগান উত্তোরেন্দি ঘুরিনে ঐন্‌-শেমশ ওইনে অদুম্মীমোত্‌ উদিবার পদ মুজুঙোত্‌ গলীলোত্‌ যেইনে রূবেণর বংশধর বোহনর পাত্তর্‌ সং লামি গেলঅ।

যিহোশূয় 4:19

বজরর্‌ পত্তম মাজর দশ দিনোত্‌ মানুচ্চুনে যর্দনত্তুন উদি এইনে যিরিহোর পুগ দুযিত্‌ গিল্‌গলত্‌ যেইনে তাম্বুল্‌ ফেলেলাক,

যিহোশূয় 7:24

পরেন্দি যিহোশূয় আর বেক্‌ ইস্রায়েলীয়গুনে সেরহর বংশধর আখনরে লোইনে আখোর কিজিঙোত্‌ গেলাক্‌। তারা লগে নেযেলাক্‌ সে রূবোনি, কাবড়ানি, সনার কট্টানি, আখনর পূঅ-ঝিগুন্‌, তার গোরু-গাধা-ভেড়াগুন্‌, তার তাম্বুলানি আর যিয়েনি এলঅ‌ বেক্কানি।

যিহোশূয় 7:26

আখনর কিয়্যের্‌ উগুরেন্দি তারা ভালোক্কুন্‌ পাত্তর্‌ এগত্তর্ গুরিনে এক্কো হুড়্ বানেলাক্‌। সিবে এজঅ‌ আঘে। ইয়েনর্ পরেন্দি লগেপ্রভু তা রাক্কানত্তুন্‌ ফিরিলো। ইয়েনত্তেই সে জাগায়ানরে ইয়েনর্‌ পরেত্তুন্‌ ধুরি আখোর কিজিং কুয়ো অদঅ‌।