যিহোশূয় 15:14 - Chakma Bible

¹⁴ সে পরেন্দি শেশয়, অহীমান আর তল্‌ময় নাঙে তিনজন অনাকীয়রে কালেব হিব্রোণত্তুন ধাবেই দিলো। ইগুনে এলাক্‌ অনাকর বংশধর।

যিহোশূয় 15:14 Iomraidhean Croise

২ শমূয়েল 21:16

সেক্কে যিশ্‌বী-বনোব নাঙে এক্কো রফায়ীয় নূয়ো সাজ্‌গুজ্ গুরি সাজিনে দায়ূদোরে মারে ফেলেবাত্তে এলঅ। তা সেল্লোর পিদোল মাধাবোর্‌ ওজন এলদে পেরায় চের্‌ কেজি।

গণাণা 13:33

আমি সিয়েনত্‌ নেফিলীয়গুনোরে দেক্ক্যেই। অনাকর্‌ বংশর মানুচ্চুনে দঅ জাদত্‌ নেফিলীয়। তারারে দেগিনে আমি নিজোরে মনে গুরিলোং ঘাস-ফিরিং আর তারায়ো আমারে সেধোক্ক্যেন মনে গুরিলাক।”

দ্বি’লম্বর বিররণ 9:2

সিদুগোর্‌ মানুচ্চুনে অনাকীয়; তারা লাম্বা আর বোলী। তুমি অনাকীয়গুনো পৌইদ্যেনে হবর্‌ পঅ; তারা পৌইদ্যেনে তুমি এ কধাগান্‌ কবাত্তে শুন্ন্য, অনাকীয়গুনোর্‌ বিরুদ্ধে যেই পারন্‌ এধোক্ক্যেন মানুচ্‌ কুদু?

যিহোশূয় 11:21

ইয়েনর্ পরেন্দি যিহোশূয় যেইনে মুড়ো-মুড়ি চাগালাত্‌‌ অনাকীয়গুনোরেয়ো মারে ফেলেল। এ চাগালাগান ভিদিরে এলাক্‌ হিব্রোণ, দবীর আর অনাব শঅ‌র আর যিহূদা আর ইস্রায়েলর বেক্‌ মুড়ো-মুড়ি জাগায়ানি। তে অনাকীয়গুনোরে আর তারার শঅ‌রানি আর আদামানি এক্কুবারে ভস্ত গুরি দিলো।

যিহোশূয় 11:22

ইস্রায়েলীয়গুনোর্‌ দেজঅ‌ ভিদিরে কনঅ অনাকীয় আর্‌ বাঁজি ন-রলাক্‌; বানা গাজা, গাৎ আর অস্‌দোদত্‌ কয়েক্কো অনাকীয় বাঁজি রলাক্‌।

বিচের গুরিয়্যেগুন 1:10

হিব্রোণর আদাম্মে কনানীয়গুনোর বিরুদ্ধে উজেই যেইনে তারা শেশয়, অহীমান আরঅ তল্‌ময়রে ওদেই দিলাক্‌। হিব্রোণর আগর্‌ নাঙান্‌ এলদে কিরিয়ৎ-অর্ব।

বিচের গুরিয়্যেগুন 1:20

মোশির এগেম্ মজিম্ কালেবরে হিব্রোণ শঅ‌রান দিয়্যে অলঅ‌। অনাকর তিন্নো পূঅরে কালেবে হিব্রোণত্তুন্‌ ধাবেই দিয়্যে।