যিহোশূয় 15:10 - Chakma Bible

¹⁰ বালাত্তুন পোজিমেন্দি ঘুরিনে সিয়েন্‌ সেয়ীর মুড়োবোত্‌ গেলঅ‌; সে পরেন্দি যিয়ারীম মুড়োবোত্‌, অত্তাৎ কসালোনর উত্তরেন্দি কামান্দি জাগান সং যেইনে সিয়েন বৈৎ-শেমশত্‌ লামিনে তিম্না সং গেলঅ‌।

যিহোশূয় 15:10 Iomraidhean Croise

২ শমূয়েল 6:2

দায়ূদ আহ্‌ তার বেক্‌ মানুচ্চুনে গোজেনর সুন্দুক্কো বালি-যিহূদাত্তুন্‌ যিরূশালেমত্‌ নেযেবাত্তে বালি-যিহূদাত্তুন্‌ আঢা মারিলাক্। এ সুন্দুক্কো বেক্কুনোত্তুন্‌ খেমতাবান লগেপ্রভুর নাঙে বেক্কুনে চিনোন্, কিত্যে লগেপ্রভু সে সুন্দুক্কো উগুরে দ্বিবে করূবোর্‌ সংমধ্যে থায়।

২ রাজাবলী 14:11

মাত্তর্‌ অমৎসিয় সে কধাগান্দোই কান ন-পাদিলো। সেনত্তে ইস্রায়েলর রাজা যিহোয়াশে তারে আক্রমণ গুরিলো। তে আর যিহূদার রাজা অমৎসিয় যিহূদার বৈৎ-শেমশত্‌ একজন আরেকজনর মুজুঙো-মুজুঙি অলাক্‌।

২ বংশধর 28:18

ইন্দি আরঅ পলেষ্টীয়গুনে সেক্কে তলে মুড়োমুড়ি চাগালার্‌ আদামানিত্‌ আর যিহূদার নেগেভত্‌ হানা দুয়োন্‌। তারা বৈৎ-শেমশ, অয়ালোন, গদেরোৎ আর কায়-কুরে জাগানিসুদ্ধো সোখো, তিম্না আর গিম্‌সো গজক্ গুরিনে সিদু বজত্তি গোজ্যন্‌।

যিহোশূয় 15:11

সে পরেন্দি সে দুযির চিহ্নোগান ইক্রোণর উত্তোরেন্দি কামা জাগানত্‌ যেইনে শিক্করোণর ইন্দি ঘুরিনে সোজা বালা মুড়োবোত্‌ গেলঅ‌ আর যব্‌নিয়েলত্‌ লুমিনে ভূমধ্য সাগরত্‌ যেইনে থুম্‌ অলঅ‌।

যিহোশূয় 19:38

যিরোণ, মিগ্‌দল-এল, হোরেম, বৈৎ-অনাৎ আর বৈৎ-শেমশ। উনেশ্‌চান শঅর্‌ আর সিয়েনর কায়-কুরে আদামানি তারার্‌ ভাগত্‌ পড়িলো।

বিচের গুরিয়্যেগুন 14:1

পরেন্দি শিম্‌শোনে তিম্নায়ত্‌ গেলঅ, আর সিদু এক্কো পলেষ্টীয় গাবুজ্যে মিলে তা চোগোত্‌ পড়িলো।

বিচের গুরিয়্যেগুন 14:5

সে পরেন্দি শিম্‌শোনে তা মা-বাবঅ লগে তিম্নায়ত্‌ গেলঅ। তিম্নায়ত্‌ আংগুর খেত্‌তানির কায়-কুরে যাদে ন-যাদে আদিক্ক্যেগুরি এক্কো দামারা সিংহ গুজুরি গুজুরি শিম্‌শোনর ইন্দি উজেই এলঅ।

১ শমূয়েল 6:9

মাত্তর্‌ খিয়েল্‌ রাগেবা, সুন্দুক্কো যুনি নিজোর দেজছানর পথ্‌তান্‌ ধুরিনে বৈৎ-শেমশত্‌ যায় সালে বুঝিবাদে, আমা উগুরে এই জদবদে অমংলান লগেপ্রভুই আন্যে। মাত্তর্‌ যুনি সেই পদেন্দি ন-যায় সালে আমি বুঝি পারিবোঙে, আমা উগুরে এই আঘাত্তান্‌ তা আঢত্তুন ন-এজে, এম্‌নেই সিয়েন আমা উগুরে এচ্চ্যে।”