যিহোশূয় 14:9 - Chakma Bible

⁹ সেনত্তে মোশি সেদিন্যে মইদু শমক্‌ খেইনে কোইয়্যেদে, তুই যে জাগায়ান্‌ ঘুরিনে চেই এচ্চ্যস্‌ সিয়েন্‌ উমরত্তে তর্‌ আর তর্‌ বংশধরুনোর্‌ সোম্বোত্তি ওই থেবঅ‌, কিত্যে তুই মর্‌ গোজেন লগেপ্রভুর কধানি পুরোপুরিই মানি চোল্যচ্‌।

যিহোশূয় 14:9 Iomraidhean Croise

গীতসংহিতা 37:9

পাজি মানুচ্চুনোরে ভস্ত গরা অবঅ, মাত্তর্ লগেপ্রভু উগুরে যিগুনে আজা রাগান্ তারা দেজর্ ভাগ্ পান।

গণাণা 13:22

তারা নেগেভর ভিদিরেন্দি যেইনে হিব্রোণ শঅর ইদু আঝিল্ অলাক। হিব্রোণ শঅরান্‌ তুলো ওইয়্যেদে মিসরর্‌ সোয়ন শঅরান্‌ তুলিবার্‌ সাত বজর আগে। সিয়েনত্‌ অনাকর্‌ বংশর্‌ অহীমান, শেশয় আর তল্‌ময় নাঙে তিন্নো মানুচ্‌ এলাক।

দ্বি’লম্বর বিররণ 11:24

দোগিণেদি ধূল্যেচর চাগালাত্তুন্‌ লেবানন সং আর ইউফ্রেটিস গাঙত্তুন্‌ ভুমধ্য সাগর সং তুমি যিয়েনত্‌ টেং ফেলেবা সে জাগায়ান্ তমার্‌ অবঅ।

যিহোশূয় 1:3

তুমি যেদক্কানি জাগাত্‌ টেং দিবা সিয়েনি বেক্কানি মুই তমারে দিম্‌। মোশি ইদু সে শমক্তান্‌ মুই গোজ্যং।

যিহোশূয় 14:10

“ধূল্যেচরর্‌-চাগালাত্‌ যেক্কে ইস্রায়েলীয়গুনে ঘুরি বেড়াদন্‌ আর লগেপ্রভু মোশিরে এ কধানি কোইয়্যে সেক্কেত্তুন্‌ ধুরি তার এগেম্ মজিম এ পাচচোল্লিশ বজর তে মরে বাঁজি রাগেয়্যে, আর ইক্কিনে মর্‌ বয়সছান্‌ পাঁচাশি বজর ওইয়্যে।

বিচের গুরিয়্যেগুন 1:20

মোশির এগেম্ মজিম্ কালেবরে হিব্রোণ শঅ‌রান দিয়্যে অলঅ‌। অনাকর তিন্নো পূঅরে কালেবে হিব্রোণত্তুন্‌ ধাবেই দিয়্যে।