যিহোশূয় 14:6 - Chakma Bible

⁶ যিহূদা-গুট্টির্‌ মানুচ্চুনে গিল্‌গলত্‌ যিহোশূয়র ইদু গেলাক্‌ আর কনিসীয় যিফুন্নির পূঅ কালেবে তারে কলঅ‌, লগেপ্রভু কাদেশ-বর্ণেয়ত গোজেনর্‌ মানুচ্‌ মোশি ইদু মর্‌ আর তঅ পৌইদ্যেনে যিয়েনি কোইয়্যে সিয়েনি তর্‌ জানা আঘে।

যিহোশূয় 14:6 Iomraidhean Croise

১ রাজাবলী 13:1

এ্যমান্‌ উৎসর্বত্তে যারবিয়ামে যেক্কে ডালিপূজোবো ইদু থিয়্যেই এলঅ সেক্কে লগেপ্রভুর কধামজিম্‌ গোজেনর্‌ ইক্কো মানুচ্‌ যিহূদাত্তুন্‌ বৈথেলত্‌ লুমিলো।

১ রাজাবলী 13:14

সে পরেন্দি তে গোজেন মানুচ্চোরে তোগেবাত্তে গেলঅ। তে তারে ইক্কো এলোন গাজর্‌ গড়াত্‌ বুজি থাগদে দেগিনে পুযোর্‌ গুরিলো, “তুই কি গোজেন সে মানুচ্চো যিবে যিহূদা দেজত্তুন্‌ এচ্ছ্যে?” জোবত্‌ তে কলঅ, “অয়, মুয় সে মানুচ্চো।”

২ রাজাবলী 4:16

ইলীশায় কলঅ, “এজেত্তে বজর্‌ এ সময়োত্‌ তঅ করত্‌ এক্কো পুয়ো থেবঅ।” মিলেবো কলঅ, “না, ও মর্‌ গিরোজ্‌, ও গোজেন মানুচ্‌, তঅ চাগর্‌বোরে মিজে গুরিনে আজা ন-দিজ্।”

২ রাজাবলী 4:42

বাল্‌-শালিশাত্তুন্‌ এক্কো মান্‌জ্যে গোজেন মানুচ্চোত্তে পত্তমে তুল্যে ফসলত্তুন্‌ কুড়িবো কেশ্‌বিজিলোই বানেয়্যে রুটি সিগিনে আনিলো, আর তা লগে কিজু নূয়ো ফসল আনিলো। ইলীশায় কলঅ, “ইগুন্‌ মানুচ্চুনোরে হেবাত্তে দে।”

২ রাজাবলী 4:9

মিলেবো তা নেক্কোরে কলঅ, “যে মানুচ্চো আমা ইদু এজে মুই বুজি পাজ্যং, তে গোজেনর এক্কো সুদ্ধো-সাংগ মানুচ্‌।

২ রাজাবলী 8:11

ইয়েন্‌ কোইনে হসায়েলে লাজত্ ন-পড়ানা সং ইলীশায় তাইন্দি চেই রলঅ। সে পরেন্দি গোজেন মানুচ্চো কানানা আরাম্ভ গুরিলো।

২ রাজাবলী 8:7

ইয়েনর্ পরেন্দি ইলীশায় দামেস্কত্‌ গেলঅ। সে সময়োত্‌ অরামর রাজা বিনহদদে অসুখ্‌ এলঅ। রাজারে কূয়া অলঅ, “গোজেন মানুচ্চো ইদু এচ্ছ্যে।”

১ বংশধর 23:14

মাত্তর্‌ গোজেন মানুচ্‌ মোশির পুয়োগুনোরে বাদবাগি লেবীয়গুনো ভিদিরে ধরা অদঅ।

গীতসংহিতা 90:1

ও প্রভু, বংশর পর বংশ ধুরি তুয়ই আমার থেবার জাগা।

যিরমিয় 35:4

মুই তারার লগেপ্রভুর ঘরত্ গোজেনর মানুচ্ যিগ্‌দলিয়র পুয়ো হানন পুয়োগুনোর গুদিত্ নেযেলুং। সিবে অলদে শল্লুমর পুয়ো চুগিদার্ মাসেয়র গুদি উগুরে চাগরুনোর গুদিবো কায়-কুরে।

গণাণা 13:26

সেই নেতাগুনে পারণ ধূল্যেচর চাগালার্ কাদেজত্‌ মোশি, হারোণ আর বেক্‌ ইস্রায়েলীয়গুনো ইদু ফিরি এলাক। তারা মোশি, হারোণ আর অন্য মানুচ্চুনোর ইদু বেক্‌ কধানি জানেলাক আর সেই দেজর্‌ গুলোগুলিগুন দেগেলাক।

গণাণা 13:30

সেক্কে মোশি মুজুঙোত্‌ যিদুক্কুন্‌ মানুচ্‌ এলাক্‌ কালেবে তারারে কোল্‌-কোজ্যে থামেইনে কলঅ, “সিদু যেইনে দেজ্‌চান্‌ আমার্‌ গজক্ গুরি নেযানা উজিত। আমি সিয়েন্‌ হামাক্কায়্‌ গুরি পারিবোং।”

গণাণা 13:6

যিহূদা-গুট্টির যিফুন্নির পূঅ কালেব;

গণাণা 14:24

মাত্তর্‌ মর্‌ চাগর্‌ কালেবর মনত্‌ সেধোক্ক্যেন চিদে-সজ্জা নেই আর তে মর্‌ কধাগান্‌ পুরোপুরি মানি চলে। সেনত্তে যে দেজত্‌ তে যেইয়্যে মুই তারে সেই দেজত্‌ লোই যেম্‌ আর তার্‌ বংশধরুনে সিয়েনি সোম্বোত্তি ইজেবে পেবাক।

গণাণা 14:30

বজত্তি গুরিবাত্তে যে দেজ্‌চান্‌ তমারে দিম্‌ বিলি মুই শমক্‌ গোজ্যং বানা যিফুন্নির পূঅ কালেবে আর নূনোর পূঅ যিহোশূয়ো বাদে আর কনজনে সেই দেজত্‌ চোমেই ন-পারিবাক।

গণাণা 14:6

যিঁগুনে সেই দেজর্‌ খোঁজ-খবর নিবাত্তে যেইয়োন্‌ তারা ভিদিরেত্তুন্‌ সেক্কে নূনোর পূঅ যিহোশূয়ো আর যিফুন্নির পূঅ কালেব তারার্‌ কাবড় ফাঁদিনে ইস্রায়েলীয়গুনোর্‌ পুরো দল্লোরে কলাক্, “আমি যে দেজ্‌চান্‌ চেবাত্তে যেইয়্যেই সিয়েন্‌ এক্কান্‌ অমহদ দোল্‌ দেজ্‌।

গণাণা 26:65

এই ইস্রায়েলীয়গুনোর্‌ পৌইদ্যেনে লগেপ্রভু কোইয়েদে, তারা হামাক্কায়্‌ ধূল্যেচর-চাগালাত্‌ মারা যেবাক্। আর হামাক্কায় তারা ভিদিরে যিফূন্নির পূঅ কালেব আর নূনোর পূঅ যিহোশূয় বাদে আর কনজনে বাঁজি ন-এলাক্।

গণাণা 32:12

বানা কনিসীয়ো যিফূন্নির পূঅ কালেব আর নূনোর পূঅ যিহোশূয় সেই দেজ্‌চান্‌ দেগিবো, কিত্যে তারা মর্‌ কধাগান্‌ পুরোপুরি মানি চোল্যন।

দ্বি’লম্বর বিররণ 33:1

গোজেনর মানুচ্‌ মোশি মরাণার আগেন্দি ইস্রায়েলীয়গুনোরে ইয়েন কোইনে আশিদ্‌বাদ গুরিলো,

দ্বি’লম্বর বিররণ 34:10

এচ্চ্যে সং ইস্রায়েলীয়গুনো ভিদিরে মোশি ধোক্ক্যেন আর কনঅ ভাববাদীর জর্ম ন-অন যিবে ইদু লগেপ্রভু দাংগু ধোক্ক্যেন মুজুঙো-মুজুঙি কধা কধঅ।

দ্বি’লম্বর বিররণ 34:5

লগেপ্রভু যিয়েন কোইয়্যে সে মজিম লগেপ্রভুর চাগর মোশি সেই মোয়াব দেজত্‌ মুরি গেলঅ।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ তীমথিয় 3:17

যেনে গোজেনর্ মানুচ্চুনে পুরোপুরি গুরিনে যগাজ্জ্যে ওইনে গম কাম গুরিবাত্যে যুক্কোল্ ওই পারন।

যিহোশূয় 10:43

ইয়েনর পরেন্দি যিহোশূয় বেক্‌ ইস্রায়েলীয়গুনোরে নিইনে গিল্‌গলর তাম্বুলোত্‌ ফিরি গেলঅ‌।

যিহোশূয় 14:14

সিয়োত্তুন ধুরি হিব্রোণ কনিসীয় যিফুন্নির পূঅ‌ কালেবর গজগত্ আঘে, কিত্যে তে ইস্রায়েলীয়গুনোর গোজেন লগেপ্রভুর কধাগান্‌ পুরোপুরিই মানি চোল্যে।

যিহোশূয় 15:17

এ কধাগান শুনিনে কনষর বংশধর কালেবর ভেই অৎনীয়েলে সিয়েন গজক্ গুরিলো। সেনত্তেই কালেবে তার ঝি অক্‌ষারে অৎনীয়েল লগে বৌ দিলো।

যিহোশূয় 4:19

বজরর্‌ পত্তম মাজর দশ দিনোত্‌ মানুচ্চুনে যর্দনত্তুন উদি এইনে যিরিহোর পুগ দুযিত্‌ গিল্‌গলত্‌ যেইনে তাম্বুল্‌ ফেলেলাক,