যিহোশূয় 14:12 - Chakma Bible12 ইয়েন যে মুড়ো-মুড়ি চাগালাগান্ দিবার এগেম্ লগেপ্রভু মইদু গোজ্যে সিয়েন তুই মরে দে। সে সময়োত্ তুই নিজেই শুন্যচ্, অনাকীয়গুনে সিয়েনত্ বজত্তি গুরিদাক্ আর তারার্ শঅরানিয়ো বেশ্ দাঙর্ দাঙর্ আরঅ দেবাল্লোই-ঘিজ্যে। মাত্তর্ লগেপ্রভু মঅ লগে থেলে তা কধা মজিম মুই তারারে ধাবেই দিম্।” Faic an caibideil |
যিহোশূয় 14:12
21 Iomraidhean Croise
সেক্কে আসা তার্ গোজেন লগেপ্রভুরে ডাগিনে কলঅ, “ও লগেপ্রভু, তুই যেধোক্ক্যেন বোলী মানুচ্চুনোরে বল্ দি থাচ্ সেধোক্ক্যেন দঅ বল্নেইয়্যে মানুচ্চুনোরেয়ো বল্ দি পারচ্। সেনত্তেই ও আমা গোজেন্ লগেপ্রভু, আমারে বল্ দে, কিত্তে আমি তঅ উগুরে বিশ্বেজ্ গুরিই আর তর্ নাঙে আমি এ দাঙর্ সৈন্যদল বিরুদ্ধে এচ্ছ্যেই। ও লগেপ্রভু, তুয়ই আমার্ গোজেন, মানুচ্চুনোরে তর্ বিরুদ্ধে জিদিবাত্তে ন-দিস্।”
মাত্তর্ তুমি এ কধাগান মনত্ রাগেয়ো, তমার গোজেন লগেপ্রভুই ভস্তগুরিয়্যে আগুনো ধোক্ক্যেন তমার আগে আগে যর্দন গাঙান্ পার্ ওইনে যার্। তে তারারে ভস্ত গুরি দিবো; তেয়ই তমা ইদু তারারে অদেই দিবো। তমা ইদু লগেপ্রভু যে আশ্বাজ্ দিয়্যে সেই মজিম তুমি তারারে ধাবেই দিবা আর কম্ সময়োর্ ভিদিরে তারারে শেজ গুরি ফেলেবা।
Sanasan