যিহোশূয় 13:8 - Chakma Bible

⁸ মনঃশি-গুট্টির অদ্দেক্‌ মানুচ্‌ আর রূবেণ আহ্‌ গাদ-গুট্টির মানুচ্চুনে যর্দনর পূগেন্দি জাগায়ান সোম্বোত্তি ইজেবে আগে পেইয়োন্‌। লগেপ্রভুর চাগর্‌ মোশি তারাত্তে সে জাগায়ান ঠিগ্‌ গুরি দি যেইয়্যে।

যিহোশূয় 13:8 Iomraidhean Croise

গণাণা 32:19

যর্দন গাঙর্‌ উইপারত্‌ ইস্রায়েলীয়গুনো সমারে আমি কনঅ সোম্বোত্তি ন-নিবোং, কিত্যে গাঙর্‌ পূগ পারন্দি দঅ আমি সিয়েনি পেবং।

দ্বি’লম্বর বিররণ 3:8

সে অক্তত্‌ আমি অর্ণোন গাঙত্তুন্‌ হর্মোণ মুড়োবো সং যর্দন গাঙর্‌ পূগেন্দি চাগালাগান এ দ্বিজন ইমোরীয় রাজার্‌ আদত্তুন্‌ লোই নেযেয়োং।

যিহোশূয় 12:1

অরাবা সং জাগানর পুরো পূগেদি ভাক্কান্‌ অর্ণোন কিজিঙোত্তুন্‌ হর্মোণ মুড়োবো সং যর্দন গাঙর্‌ পূগেদি ইমোরীয়গুনোর রাজা সীহোন আর বাশনর রাজা ওগরে ইস্রায়েলীয়গুনে ওদেই দিইনে তারার্‌ চাগালাগানি গজক্ গুরি নেযেয়োন্‌।

যিহোশূয় 12:6

ইস্রায়েলীয়গুনে আর লগেপ্রভুর চাগর্‌ মোশি এ দ্বিজন রাজারে ওদেই দিলো। তে তারার্‌ জাগায়ানি সোম্বোত্তি ইজেবে রূবেণ আহ্‌ গাদ-গুট্টির বেক্কুনোরে আর মনঃশি-গুট্টির অদ্দেক্‌ মান্‌জ্যরে দি যেইয়্যে।

যিহোশূয় 13:7

ইস্রায়েলীয়গুনোর নয়-গুট্টি আর মনঃশি-গুট্টির অদ্দেক্‌ মান্‌জ্যরে তুই সোম্বোত্তি ইজেবে সিয়েনি ভাগ গুরি দিবে।”

যিহোশূয় 13:9

তারার্‌ এ জাগায়ান্‌ আরাম্ভ ওইয়্যেদে অর্ণোন কিজিঙো দুযির্ অরোয়র শঅরত্তুন্‌ আর সে কিজিঙোর্‌ সংমোধ্যে আদামত্তুন্‌। সিয়েন ভিদিরে আগেদে দীবোন সং মেদবার পুরো সং জাগায়ান আর অম্মোনীয়গুনোর দেজর দুযি সং হিষ্‌বোনর ইমোরীয় রাজা সীহোনর বেক্‌ আদামানি।

যিহোশূয় 22:4

তমা গোজেন লগেপ্রভুর এগেম্ মজিম তে যুদ্ধোত্তুন্‌ তমা ভেইয়ুনোরে জিরেবাত্তে দিয়্যে; সেনত্তেই লগেপ্রভুর চাগর্‌ মোশি যর্দনর উইপারত্‌ তমারে যে জাগায়ান্‌ দিয়্যে সে জাগানর ঘরানত্‌ এবেরা তুমি ফিরি যঅ।

যিহোশূয় 4:12

মোশি যে উগুমানি দি যেইয়্যে সে মজিম রূবেণ আর গাদ-গুট্টির বেক্কুনে আহ্‌ মনঃশি-গুট্টির অর্দ্দেক মানুচ্‌ যুদ্ধোত্তে যুক্কোল্‌ ওইনে ইস্রায়েলীয়গুনোর আগে আগে পার্ ওই যেইয়োন।

১ শমূয়েল 13:7

ভালোক্কুন ইব্রীয় যর্দন গাঙান্‌ পার ওইনে গাদ আর গিলিয়দ চাগালাত্‌ আঢি গেলাক্। শৌল গিল্‌গলদই থেই গেলঅ, আর তা সমারে সৈন্যগুনে দরে গির্‌গিরাদন।