যিহোশূয় 13:5 - Chakma Bible

^5-6 গিব্‌লীয়গুনোর চাগালা, পূগেদি হর্মোণ মুড়োবোর তলেদি বাল্‌গাদত্তুন হমাৎ সং পুরো লেবানন আর লেবাননত্তুন্‌ মিষ্রফোৎ-ময়িম সং মুড়ো-মুড়ি চাগালাগান্‌, অত্তাৎ সীদোনীয়গুনোর বেক্‌ দেজ্‌চানি। মুই নিজেই ইস্রায়েলীয়গুনো মুজুঙোত্তুন্‌ বেক্কুনোরে ধাবেই দিম্‌। মুই তরে যেধোক্ক্যেন্‌ উগুম্‌ দুয়োং সেই মজিম তুই এ দেজ্‌চান সোম্বোত্তি ইজেবে ইস্রায়েলীয়গুনোরে দিবে।

যিহোশূয় 13:5 Iomraidhean Croise

১ রাজাবলী 5:18

শলোমন আর হীরমর কালিগরুনে আর গিব্লীয়োগুনে সে পাত্তরুন্‌ দোল্‌ গুরি কাবিনে তবনা-ঘরান বানেবাত্তে গাজ আর পাত্তর্‌ যুক্কোল্‌ গুরিদাক্।

১ রাজাবলী 8:65

এবাবোত্যেগুরি শলোমন আর তা সমারে বেক্‌ ইস্রায়েলীয়গুনে সে অক্তত্‌ আমা গোজেন লগেপ্রভুর মুজুঙোত্‌ সাত দিন আরঅ সাত দিন, বেক্কুনে চোদ্দো দিন সং ইক্কো পরব্‌ গুরিলাক। তারা অলাক্কে ইক্কো বড়্ মান্‌জ্যর্‌ ঝাক; তারা হমাৎ চাগালাত্তুন্‌ মিসর শুগুনো গাঙান্‌ সং পুরো চাগালাত্তুন্‌ এইনে মিজেলাক্।

গীতসংহিতা 83:7

গবালীয়গুনে, অম্মোনীয়গুনে, অমালেকীয়গুনে আর সোর-আদাম্মেগুনো সমারে পলেষ্টীয়গুনে;

যিশাইয় 10:9

কল্‌নোর অবস্থা কি কর্কমীশ ধোক্ক্যেন্ নয়? হমাৎ কি অর্পদ ধোক্ক্যেন্ নয়? আর শমরিয়া কি দামেস্ক ধোক্ক্যেন্ নয়?

যিরমিয় 52:9

তারা সিদিকিয়রে বন্দী গুরিনে হমাৎ দেজর্ রিব্‌লাত বাবিল রাজার ইধু নেযেলাক্ আর সিদু তারে সাজার্ উগুম দিয়্যে অলঅ।

যিহিষ্কেল 27:9

গবালর বুড়ো নেতাগুন কাবিল্ মানুচ্ ইজেবে তইধু ঠিগ্ গরানার কাম গুরিদাক্। সাগরর্ বেক জাহাজ্‌‌‌‌‌‌চানি আর সিয়েনির নাবিক্‌‌‌‌‌‌কুনে তর্ পযাপিরানি দেনা-নেযানা তইধু ভিরেদাক্।

আমোষ 6:2

তুমি কল্‌নীত যেইনে চঅ; সিয়েনত্তুন্ দাঙর্ হমাত যঅ, সে পরেদি পলেষ্টীয়গুনোর গাৎ শঅরত্ যঅ। সেই রেজ্যগানিত্তুন্ কি তমা রেজ্য দিয়্যেন গম্? তারা দেজ্‌চানিত্তুন কি তমা দেজ্‌চান দাঙর্?

গণাণা 13:21

সেক্কে তারা যেইনে সীন ধূল্যেচর চাগালাত্তুন আরাম্ভ গুরিনে হমাতর ইন্দি রহোব সং দেজ্‌চানর্‌ খোঁজ খবর লোই আনিলাক্।

দ্বি’লম্বর বিররণ 1:7

ইক্কিনে তুমি তাম্বুলানি তুলি নেযেইনে ইমোরীয়গুনোর মুড়োমুড়ি চাগালাত্‌ আর তার্‌ কায়-কুরে জাগায়ানির্‌ মানুচ্চুনো ইদু যঅ‌। তারা অরাবাতত্‌, উজু মুড়ো চাগালাত্‌, তলে মুড়োমুড়ি চাগালাত্‌, নেগেভ আর সাগরর্‌ পারত্‌ বজত্তি গরন। এই জাগায়ানি অলদে কনানীয়গুনোর্‌ দেজ্‌ছানি সুদ্দো লেবানন ওইনে বড়্‌গাঙ্‌ ইউফ্রেটিস সং বেক্‌ জাগাগান।

দ্বি’লম্বর বিররণ 3:25

যর্দন পার্‌ ওই যেইনে সেই অমহদ দোল্‌ দেজ্‌ছান, অত্তাৎ সে মুড়োমুড়ির্‌ দেজ্‌ছান আর লেবাননান মরে চেবাত্তে দে।

যিহোশূয় 11:17

এক কধায় সেয়ীর মুড়োবো ইন্দি উদি যেইয়্যে হালক মুড়োত্তুন হর্মোণ মুড়োবোর্‌ তলেদি লেবানন কিজিঙোর্‌ বাল্‌গাদ সং বেক্‌ জাগায়ানি যিহোশূয় গজক্ গুরি নেযেল। তে বেক্‌ জাগায়ানির্‌ রাজাগুনোরে ধুরিনে মারে ফেলেল।

যিহোশূয় 11:3

তে পূগ্‌ আর পোজিমেন্দি কনানীয়গুনোর কায়-কুরে আর মুড়ো-মুড়ি চাগালার্‌ ইমোরীয়, হিত্তীয়, পরিষীয় আর যিবূষীয়গুনো ইদু আর হর্মোণ মুড়োবোর্‌ তলে মিস্পা চাগালার হিব্বীয়গুনো ইদুয়ো হ্‌বর পাদেল।

যিহোশূয় 12:7

লেবানন কিজিঙোর্‌ বাল্‌গাদত্তুন সেয়ীর মুড়োবোন্দি উদি যেইয়্যে হালক মুড়োবো সং যর্দন গাঙর্‌ পোজিমেন্দি চাগালার্‌ রাজাগুনোরে যিহোশূয় আর ইস্রায়েলীয়গুনে ওদেই দুয়োন্‌। তারার জাগায়ানি যিহোশূয় সোম্বোত্তি ইজেবে ইস্রায়েলীয়গুনোর নানান্‌ গুট্টি মজিম্ ভাগ গুরি দিলো।