যিহোশূয় 13:29 - Chakma Bible

^29-30 মোশি মনঃশি-গুট্টির অদ্দেক্‌ মান্‌জ্যর্‌ নানান্‌ বংশরে যে জাগায়ানি দিয়্যে সিয়েনি অলঅ‌ মহনয়িমত্তুন্‌ আরাম্ভ গুরি পুরো বাশন দেজ্‌চান। ইয়েন্‌ এলদে বাশন দেজর রাজা ওগর বেক্‌ রেজ্যগান। সে ভিদিরে এলদে যায়ীরর বেক্‌ আদামানি, অত্তাৎ ষায়েট্টান আদাম,

যিহোশূয় 13:29 Iomraidhean Croise

১ বংশধর 5:23

মনঃশি-গুট্টির অদ্দেক্‌ মানুচ্‌ বাশনত্তুন্‌ বাল-হর্মোণ, সনীর আর হর্মোণ মুড়োবো সং যে জাগায়ানি এলঅ সিদু বজত্তি গরা ধুরিলাক্‌। তারা জনেদি বালুক্কুন্‌ এলাক্‌।

যিহিষ্কেল 48:4

মনঃশি এক্কান ভাগ্ পেবঅ; সিয়েন অবদে পূগেদিত্তুন্ পোজিমে নপ্তালির দুযির্ দোগিণে।

গণাণা 32:22

মাত্তর্‌ দেজ্‌চান লগেপ্রভুর অধীনোত্‌ এজানার্‌ পরেদি তুমি ফিরি এই পারিবা আর লগেপ্রভু আহ্ ইস্রায়েল জাদ উগুরে তমার্‌ কামানিত্তুন্‌ রেহাই পেবা; আর সেক্কে লগেপ্রভুর্ আওজে এই জাগায়ান্‌ তমার্‌ সোম্বোত্তি অবঅ ।

গণাণা 32:40

সেনত্তে মোশি মনঃশির বংশধর মাখীরীয়গুনোর্‌ ভাগত্‌ গিলিয়দ চাগালাগান্‌ রাগেল। তারা সিয়েনত্‌ থেলাক।

দ্বি’লম্বর বিররণ 3:13

গিলিয়দ দেজর্‌ বাদবাগি ভাগ্‌কান্‌ আর রাজা ওগরে পুরো বাশন রেজ্যগান মুই মনঃশি-গুট্টির অদ্দেক মান্‌জ্যরে দিলুং। বাশন ভিদিরে বেক্‌ অর্গোব চাগালাগান্‌ রফায়ীগুনোর দেজ্‌ বিলিনে কুয়ো অদঅ।

যিহোশূয় 13:28

এ শঅ‌রানি আর তার কায়-কুরে আদামানি গাদ-গুট্টির নানান্‌ বংশর মানুচ্চুনে সোম্বোত্তি ইজেবে পেইয়োন্‌।

যিহোশূয় 17:5

যর্দনর পূগেন্দি গিলিয়দ আর বাশন বাদেয়ো মনঃশি-গুট্টির ভাগত্‌ পড়িলো আরঅ দশ ভাগ্‌ ভূই,

যিহোশূয় 17:6

কিত্যে মনঃশি-গুট্টির এই মিলেগুনে তারার্‌ গুট্টির পূঅগুনো সমারে সোম্বোত্তির অধিকার পেলাক্‌; আর মনঃশি-গুট্টির বাদবাগী বংশধরুনে গিলিয়দ চাগালাগান পেলাক্‌।

যিহোশূয় 22:7

মনঃশি-গুট্টির অদ্দেক্‌ মান্‌জ্যরে মোশি বাশন দেজ্‌চান দিয়্যে, আর যিহোশূয় বাদবাগি অদ্দেক্‌ মানুচ্চুনোরে জাগা দিলো তারার্‌ ইস্রায়েলীয় ভেইয়ুনোর সমারে যর্দনর পোজিমেন্দি। যিহোশূয় তারার্‌ ঘরত্‌ যেবাত্তে বিদেয় দিবার্‌ সময়ানত্‌ বর্ দিইনে কোইয়্যেদে,