যিহোশূয় 13:27 - Chakma Bible

²⁷ কিজিঙো ভিদিরে বৈৎ-হারম, বৈৎ-নিম্রা, সুক্কোৎ, সাফোন আর হিষ্‌বোনর রাজা সীহোনর রেজ্যর বাদবাগি ভাক্কান্‌ আর কিন্নেরত সাগরর দোগিণেন্দি সং যর্দন গাঙর পূগ দুযিগান ধুরিনে বেক্‌ চাগালাগান।

যিহোশূয় 13:27 Iomraidhean Croise

পত্থম 33:17

পরেদি যাকোবে যাহ্ ধুরিনে সুক্কোদত্‌ যেইনে লুমিলেগোই। তে নিজোত্তে সিয়েনত্‌ এক্কান্‌ ঘর্‌ বানেল আর তা য়েমানুনোত্তে কয়েক্কান্‌ আশ্রয়-ঘর্‌ বানেই দিলো। ইয়েনত্তে সে জাগাগান নাঙান ওয়্যেদে সুক্কোৎ (যিয়েনর্‌ ভেদ্‌‌তান “নাঢা মানজ্য-ঘর”)।

১ রাজাবলী 7:46

যর্দনর সংজাগাত্‌ সুক্কোৎ আর সর্তনর দ্বিসেরে এক্কান জাগাত্‌ রাজা এ জিনিসছানি মাদি গাদথ গোলে ফেলেইনে বানেয়্যে।

গীতসংহিতা 60:6

গোজেনে তার পবিত্র নাঙে কোইয়্যেদে, “মুই হুজিয়ে শিখিমান ভাগ গুরি দিম, সুক্কোতর সংজাগায়ান জরীপ গুরিনে ভাগ গুরি দিম।

গণাণা 32:3

“অটারোৎ, দীবোন, যাসের, নিম্রা, হিষ্‌বোন, ইলিয়ালী, সেবাম, নবো আর বিয়োন নাঙে যেদক্কানি জাগা লগেপ্রভু ইস্রায়েলীয়গুনোর্‌ অধীনোত্‌ আন্যে সে জাগায়ানি য়েমান্‌ পালেবাত্তে অমহদ দোল্‌, আর তর্‌ এই চাগরুনোরঅ য়েমানপাল আগন্‌।

গণাণা 32:36

বৈৎ-নিম্রা আর বৈৎ-হারণ নাঙে কদক্কানি আদাম আর শঅর্‌ দেবাল দিইনে ঘিরিনে ঠিগ গুরিলাক্ আর তারার্‌ গোরু-ভেড়াছাগলর ঘরঅ বানেলাক্।

গণাণা 34:11

এই দুঝির্ চিহ্নোগান্‌ শফামত্তুন্‌ ঐনর পূগেন্দি রিব্লা সং লামি যেবঅ আর কিন্নেরৎ সাগরর্‌ কামা জাগানি ধুরি যাহ্ ধুরিবাক্।

লূকে লেখ্যে গম্ হবর্ 5:1

এক সময়োত্ যীশু গিনেষর সাগর পারত্ থিয়্যেই এলঅ। মানুচ্চুনে গোজেন কধা শুনিবাত্তে তা চেরোকিত্তে ঠেলাঠিলি গত্তন্।

দ্বি’লম্বর বিররণ 3:17

পোজিমেন্দি তারার্‌ শেজ্ দুঝিগান এলদে অরাবার্‌ যর্দন গাঙর্‌ যে ভাগ্‌কান কিন্নেরৎত্তুন পিস্‌গা মুড়োবোর্‌ কামাগানর্‌ তলেন্দি অরাবার দোজ্যে সাগরর্‌, অত্তাৎ ধূল্যে-সাগর সং যেয়েগোই সে ভাগ্‌কান।

যিহোশূয় 11:2

ইয়েন বাদে তে উত্তর মিক্যে অন্য যিদুক্কুন রাজা এলাক্‌ তারা ইদুয়ো হবর্ পাদেল। সে রেজ্যনি এলদে অজল্ মুড়ো-মুড়ি চাগালাত্‌, কিন্নেরতর দোগিণে অরাবা সংজাগানত, তলে মুড়ো-মুড়ি চাগালাত্‌‌ আর পোজিমেন্দি দোরর্‌ মুড়ো-মুড়ি জাগানত্‌।

যিহোশূয় 12:3

ইয়েনবাদে কিন্নেরৎ সাগরত্তুন্‌ অরাবার সাগর, অত্তাৎ নুন্‌ সাগর্‌ আর বৈৎ-যিশীমোতর পথ্‌তান্‌ সং আর দোগিণেন্দি পিস্‌গা মুড়োবোর তলেদি সং অরাবা সং জাগানর পূগেদি ভাক্কান্‌ তার শাজনর্‌ অধীনোত্‌ এলঅ‌।

যিহোশূয় 13:26

ইয়েন বাদে সে ভিদিরে এলদে হিষ্‌বোনত্তুন্‌ রামৎ-মিস্পী আর বটোনীম সং আর মহনয়িমত্তুন্‌ দবীরর দুযি সং বেক্‌ জাগায়ানি,

যিহোশূয় 13:28

এ শঅ‌রানি আর তার কায়-কুরে আদামানি গাদ-গুট্টির নানান্‌ বংশর মানুচ্চুনে সোম্বোত্তি ইজেবে পেইয়োন্‌।