যিহোশূয় 13:22 - Chakma Bible

²² যুদ্ধোত্‌ যিগুনোরে মারে ফেলা ওইয়্যে তারা বাদে ইস্রায়েলীয়গুনে বিয়োরর পূঅ‌ গণকে বিলিয়মরেয়ো মারে ফেলেয়্যে।

যিহোশূয় 13:22 Iomraidhean Croise

গণাণা 23:23

যাকোব উগুরে কনঅ যাদুবিদ্যে ন-খাদেব; ইস্রায়েল উগুরে ন-খাদেবে কনঅ তন্ত্রমন্ত্র। যাকোব, অত্তাৎ ইস্রায়েল পৌইদ্যেনে ইক্কিনে এই কধানি কুয়া যায়, ‘গোজেনে যিয়েনি গোজ্যে সিয়েনি চাহ্।’

গণাণা 24:1

বিলিয়মে যেক্কে দেগিলো, ইস্রায়েলীয়গুনোরে আশিদ্‌বাদ গরানা লগেপ্রভুর্‌ আওজ্ আঘে সেক্কে তে অন্য বার ধোক্ক্যেন যাদুমন্ত্রর্ সাহায্য নিবার্‌ চেট্ট্যা ন-গুরিলো। তে ধূল্যেচর-চাগালা ইন্দি তার্‌ মুয়োন্‌ ফিরেল।

গণাণা 24:14

মুই ইক্কিনে মর্‌ মানুচ্চুনো ইদু ফিরি যাঙর্‌, মাত্তর্‌ তা আগেন্দি মুই তরে উজিয়ার্‌ গুরি কোই দি যাঙর্‌ এই জাদ্‌তো আগামিদি তর্‌ জাদ্‌তো উগুরে কি গুরিবো।”

গণাণা 31:8

অন্যগুনো লগে মিদিয়নীয়গুনোর্‌ পাঁচজন রাজারেয়ো তারা মারে ফেলেলাক্। তারার্‌ নাঙানি অলঅ ইবি, রেকম, সূর, হূর আর রেবা। ইস্রায়েলীয়গুনে বিয়োরর পূঅ বিলিয়মরেয়ো মারে ফেলেলাক্।

যিহোশূয় 13:23

যর্দন গাঙান্‌ এলদে রূবেণীয়গুনোর চাগালার পোজিম দুযিত্‌। এ বেক্‌ শঅ‌রানি আর সিয়েনর্‌ কায়-কুরে আদামানি রূবেণ-গুট্টির নানান্‌ বংশর মানুচ্চুনে সোম্বোত্তি ইজেবে পেইয়োন্‌।

২ পিতর 2:15

তারা বিয়োরর্ পুয়ো বিলিয়মর্ পধ্‌থান ধোজ্জ্যন্। বিলিয়মে ভান্ন্যেই কামর্ বকশিজ্ পেবাত্যে চেইয়্যে,

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 2:14

মাত্তর্ তো তঅ বিরুদ্ধে মর্ কিজু কবার আঘে। তইধু এমন্‌ মানুচ্চুন আঘন যিগুনে বিলিয়মর শিক্ষ্যে মজিম চলন্। বালাক রাজারে বিলিয়মে শিক্ষ্যে দিয়্যে যেনে তে মূত্তি মুজুঙোত্ উৎসর্ব গোজ্জ্যে হেবার হানা আর পর্‌পাগোল্যে অনালোই ইস্রায়েলীয়গুনোরে পাপ পধেদি নেযায়।