যিহোশূয় 13:14 - Chakma Bible

¹⁴ মাত্তর্‌ লেবি-গুট্টিবোরে মোশি কনঅ সোম্বোত্তির অধিকারী ন-গরে, কিত্যে লগেপ্রভুর শমক্‌ মজিম্ ইস্রায়েলীয়গুনোর গোজেন্‌ লগেপ্রভুর নাঙে আগুন্দোই-গোজ্যে উৎসর্বর্‌ জিনিস্‌চানি অলঅ‌ তারার্‌ সোম্বোত্তি।

যিহোশূয় 13:14 Iomraidhean Croise

যিহিষ্কেল 44:28

ধর্মগুরুগুনোর সোম্বোত্তি কদে বানা মুয়ই থেইম্। তুমি ইস্রায়েলীয়গুন তমা দেজত্ তারারে কনঅ সোম্বোত্তি ন-দিবা; মুয়ই ওম্ তারার সোম্বোত্তি।

যিহিষ্কেল 44:29

তারা শোজ্য-উৎসর্ব, পাপ-উৎসর্ব আর দুষ-উৎসর্বর্ জিনিস হেবাক্; ইস্রায়েল দেজত্ লগেপ্রভুর নাঙে দিয়্যে বেক্ জিনিস্‌‌‌‌‌চানি তারার্ অবঅ; সিয়েনি ছাড়েই আনানা ন-যেবঅ।

দ্বি’লম্বর বিররণ 10:9

সেনত্যেই লেবীয়গুনে তারার্‌ ইস্রায়েলীয় ভেইয়ুনো ভিদিরে সোম্বোত্তির্‌ কনঅ ভাগ বা অধিকার্‌ ন-পান; তমা গোজেন লগেপ্রভুর কধা মজিম লগেপ্রভুই তারার্‌ সোম্বোত্তি।

দ্বি’লম্বর বিররণ 12:12

সিয়েনত্ তমার গোজেন লগেপ্রভুর মুজুঙোত্‌ তুমি, তমার ঝি-পূঅগুনে, তমার চাগর আর চাগরানীগুনে আর তমার আদাম্মে আর শঅরর লেবীয়গুনে যিগুনোর নিজোর বিলিনে কনঅ জাগা-জোমিন বা সোম্বোত্তি নেই তুমি বেক্কুনে ফুুত্তি গুরিবা।

দ্বি’লম্বর বিররণ 12:19

তমা দেজত্‌ তুমি যেদকদিন সং বজত্তি গুরিবা সেদকদিন লেবীয়গুনো উগুরে তমাত্তুন্‌ খিয়েল রাগা পুরিবো।

যিহোশূয় 13:13

মাত্তর্‌ ইস্রায়েলীয়গুনে এই গশূরীয় আর মাখাথীয়গুনোরে ধাবেই ন-দুয়োন্‌; সেনত্তেই তারা এজঅ সং ইস্রায়েলীয়গুনো ভিদিরে বজত্তি গত্তন্‌।

যিহোশূয় 13:15

মোশি রূবেণ-গুট্টির নানান্‌ বংশধরুনোরে যে জাগায়ানি দিয়্যে সিয়েনি অর্ণোন কিজিঙোর্‌ দুযিত্‌ অরোয়র শঅ‌রত্তুন্‌ আর কিজিঙোর্‌ সং মোধ্যে আদামত্তুন্‌ আরাম্ভ ওইয়্যে। সে ভিদিরে এলদে মেদবার চেরোকিত্তে বেক্‌ সং জাগায়ানি,

যিহোশূয় 13:33

মাত্তর্‌ লেবি-গুট্টিরে তে কনঅ সোম্বোত্তি ন-দিলো; তারা ইদু লগেপ্রভু যে শমক্তান্‌ গোজ্যে সে মজিম্ ইস্রায়েলীয়গুনোর গোজেন লগেপ্রভু এলদে তারার্‌ সোম্বোত্তি।

যিহোশূয় 18:7

মাত্তর্‌ লেবীয়গুনে তমা লগে কনঅ‌ ভাগ ন-পেবাক্‌, কিত্যে লগেপ্রভু ধর্মগুরু ইজেবে সেবা-কাম্‌ গরানা অলঅ‌ তারার্‌ সোম্বোত্তি। গাদ-আর রূবেণ-গুট্টির মানুচ্চুনে আর মনঃশি-গুট্টির অদ্দেক মানুচ্‌ আগে যর্দন গাঙর্‌ পূগেন্দি তারার সোম্বোত্তিগানি পেইয়োন্‌। লগেপ্রভুর চাগর্‌ মোশি সিয়েন তারারে দি যেইয়্যে।”