যিহোশূয় 12:7 - Chakma Bible

⁷ লেবানন কিজিঙোর্‌ বাল্‌গাদত্তুন সেয়ীর মুড়োবোন্দি উদি যেইয়্যে হালক মুড়োবো সং যর্দন গাঙর্‌ পোজিমেন্দি চাগালার্‌ রাজাগুনোরে যিহোশূয় আর ইস্রায়েলীয়গুনে ওদেই দুয়োন্‌। তারার জাগায়ানি যিহোশূয় সোম্বোত্তি ইজেবে ইস্রায়েলীয়গুনোর নানান্‌ গুট্টি মজিম্ ভাগ গুরি দিলো।

যিহোশূয় 12:7 Iomraidhean Croise

পত্থম 32:3

যাকোবে তা আগে আগে সেয়ীর, অত্তাৎ ইদোম দেজত্‌ তার্ ভেই এষৌ ইধু কয়েক্কো মানুচ্ পাদেল।

পত্থম 36:20

হোরীয় সেয়ীর পুয়োগুনোর্‌ নাঙানি এলঅ লোটন, শোবল, শিবিয়োন, অনা, দিশোন, এৎসর আর দীশন। ইগুনে ইদোম দেজত্‌ বজত্তি গোজ্যন্‌। ইদোম দেজত্‌ সেয়ীরো এ বেক্‌ পুয়োগুন হোরীয় গুট্টির নেতা এলাক।

পত্থম 36:30

দিশোন, এৎসর আর দীশন। ইগুনে এলাক সেয়ীর, অত্তাৎ ইদোম দেজর হোরীয় জাদর ভালোক্কুন্‌ গুট্টির নেতা।

পত্থম 36:8

সেনত্তে এষৌ সেয়ীরো মুড়ো-মুড়ি চাগালাত্‌ যেইনে গমেডালে বজত্তি গরা ধুরিলো। এষৌর আর এক্কান্‌ নাঙ্‌ এলদে ইদোম।

গীতসংহিতা 135:11

তে ইমোরীয়গুনোর রাজা সীহোনরে, বাশনর রাজা ওগরে, আর কনানর বেক্ রাজাগুনোরে মারে ফেলেয়্যে।

দ্বি’লম্বর বিররণ 2:1

লগেপ্রভু মরে যেধোক্ক্যেন গুরি উগুম্‌ দিয়্যে সেধোক্ক্যেন গুরি আমি সে পরেন্দি পিচ্ছো ফিরিনে আকাবা চিগোন্‌ সাগরর্‌ পথ্‌তান্ ধুরিনে ধূল্যেচর-চাগালান্দি রওনা অলং। সেয়ীরোর্‌ মুড়ো-মুড়ি চালাগাত্‌ ঘুরি যাদে আমার্‌ ভালোক্‌ দিন কাদি গেলঅ।

দ্বি’লম্বর বিররণ 2:4

সে পরেন্দি তে মরে তমারে কবাত্তে কলদে, তমা ভেই সেয়ীরর আদাম্মে এষৌর বংশধরুনোর রেজ্যর্‌ ভিদিরেন্দি ইক্কিনে তমাত্তুন্‌ যাহ্ পুরিবো। তমারে দেগিনে তারা দোরেবাক্‌ মাত্তর্‌ তুমি উঝিয়ারে থেবা।

যিহোশূয় 11:17

এক কধায় সেয়ীর মুড়োবো ইন্দি উদি যেইয়্যে হালক মুড়োত্তুন হর্মোণ মুড়োবোর্‌ তলেদি লেবানন কিজিঙোর্‌ বাল্‌গাদ সং বেক্‌ জাগায়ানি যিহোশূয় গজক্ গুরি নেযেল। তে বেক্‌ জাগায়ানির্‌ রাজাগুনোরে ধুরিনে মারে ফেলেল।

যিহোশূয় 11:23

লগেপ্রভু মোশিরে যে উগুমান দিয়্যে সেই মজিম যিহোশূয় পুরো দেজ্‌চান গজক্ গুরি নেযেল আর গুট্টি মজিম সোম্বোত্তি ইজেবে সিয়েনি ইস্রায়েলীয়গুনো ভিদিরে ভাগ্‌ গুরি দিলো। দেজত্‌ সেক্কে যুদ্ধো থামেই গেলঅ‌।

যিহোশূয় 3:17

যেদক্ষণ সং বেক ইস্রায়েলীয়নে যর্দন গাঙান্‌ পার্‌ ন-অলাক্‌ সেদক্ষণ সং লগেপ্রভুর সাক্ষ্য-সুন্দুক বোইয়্যে ধর্মগুরুগুনে যর্দন গাঙত্‌ শুগুনো মাদি উগুরে থিয়্যেই রলাক; আর পুরো জাদ্‌তোই শুগুনো মাদি উগুরেন্দি পার্‌ ওই গেলাক্‌।

যিহোশূয় 9:1

যর্দন গাঙর্‌ পোজিমেন্দি রাজাগুনে এ বেক্‌ কধানি শুনিলাক্‌। ইগুনে এলাক্‌ অজল্‌ মুড়ো চাগালাত্‌‌ আর তা তলেদি মুড়ো চাগালার্‌ দেজ্‌চানিত্‌ আর লেবানন সং ভূমধ্য সাগরর্‌ বেক্‌ দুযিগুন্‌ ধুরিনে যে দেজ্‌চানি এলঅ‌ সিগুনোর রাজাগুন্‌। ইগুনে এলাক্‌ হিত্তীয়, ইমোরীয়, কনানীয়, পরিষীয়, হিব্বীয় আর যিবূষীয়গুনোর রাজাগুন্‌।