যিহোশূয় 12:2 - Chakma Bible

² ইমোরীয়গুনোর্‌ রাজা সীহোনে হিষ্‌বোনত্তুন রাজাগিরি গুরিদো। অর্ণোন কিজিঙোর্‌ পারত্‌ অরোয়রত্তুন্‌, অত্তাৎ কিজিঙোর্‌ সংমোধ্যেত্তুন অম্মোনীয়গুনোর দেজর দুযি যব্বোক গাঙান সং বেক্‌ চাগালাগান্‌ তার্‌ শাজনর অধীনোত্‌ এলঅ‌। এ চাগালাগান ভিদিরে এলঅ‌ গিলিয়দর অদ্দেক্‌ ভাগ।

যিহোশূয় 12:2 Iomraidhean Croise

পত্থম 32:22

সেই রেদোত্‌ যাকোবে উদিনে তার্‌ দ্বিবে মোক্, দ্বিবে চাগরানী আর এগারবো পুয়োরে আঢি আঢি পার্‌ উয়ো যায়্‌ এবাবোত্ত্যে এক্কান্‌ জাগাইন্দি যব্বোক গাঙ উইপারত্‌ থোই এলগোই।

নহিমিয় 9:22

পরেন্দি তুই বোউত্‌ রেজ্য আর জাত্‌ তারার্‌ আঢত্‌ দুয়োজ্‌, এন্‌ কি, তারার্‌ বেক্‌ জাগানিয়ো তারারে ভাগ্‌ গুরি দুয়োজ্‌। তারা হিষ্‌বোণর রাজা সীহোনর দেজ্‌ছান আর বাশনর রাজা ওগের দেজ্‌ছান্‌ অধিকার গোজ্যন।

গীতসংহিতা 135:11

তে ইমোরীয়গুনোর রাজা সীহোনরে, বাশনর রাজা ওগরে, আর কনানর বেক্ রাজাগুনোরে মারে ফেলেয়্যে।

যিরমিয় 48:19

ও অরোয়েরর আদাম্মেগুন, তুমি পধ কায়-কুরে থিয়্যেইনে চঅ। ধেই যেইয়্যে মরদ আর মিলেগুনোরে পুযোর্ গরঅ, কি ওইয়্যে?

দ্বি’লম্বর বিররণ 1:4

ইমোরীয়গুনোর রাজা সীহোনরে আর ইদ্রিয়ী শঅরত্‌ বাশন দেজর রাজা ওগকরে অদেই দেনার পরেন্দি তে সিয়েন ফগদাং গুরিলো। সীহোনে রাজাগিরি গুরিদো হিষ্‌বোনোত্‌ আর ওগ রাজাগিরি গুরিদো অষ্টারোতত্‌।

বিচের গুরিয়্যেগুন 11:13

অম্মোনীয় রাজা যিপ্তহর পাদেয়্যে মানুচ্চুনোরে কলঅ, “ইস্রায়েলীয়গুনে মিসর দেজত্তুন্‌ নিগিলি এইনে যর্দন গাঙর্‌ পাড়্‌ ধুরিনে অর্ণোন গাঙত্তুন যব্বোক গাঙ্‌ সং মর্‌ বেক্‌ জাগায়ান গজক্‌ গুরি নেযেয়োন। ইক্কিনে গমেডালে সিয়েনি ফিরেই দে।”

বিচের গুরিয়্যেগুন 11:22

তারা অর্ণোনত্তুন্‌ যব্বোক সং আর ধূল্যে-চর চাগালাত্তুন যর্দন সং ইমোরীয়গুনোর বেক জাগায়ানি গজক্‌ গুরি নেযেলাক্‌।