যিহোশূয় 11:6 - Chakma Bible

⁶ সেক্কে লগেপ্রভু যিহোশূয়রে কলঅ‌, “তুই তারারে ন-দোরেচ্‌, কিত্যে এযেত্যে কেল্যে মুই এই সময়ো ভিদিরে ইস্রায়েলীয়গুনোর মুজুঙোত্‌ তারারে বেক্কুনোরে শেজ্‌ গুরি দিম্‌। তুই তারার্‌ ঘোড়াগুনোরে টেঙঅ রক্কুন্‌ কাবি দিবে আর রথ্‌তানি পুড়ি দিবে।”

যিহোশূয় 11:6 Iomraidhean Croise

২ শমূয়েল 8:4

দায়ূদে তার এক আজার সাতশ ঘোড়াবলা সৈন্য আর কুড়ি আজার অার্মি আক্‌সোই রাগেল। তারার একশত্‌তুয়ো ঘোড়ার রথ রাগেইনে তে বাগি বেক্‌ ঘোড়ার টেঙঅ রক্কুন্‌ কাবি দিলো।

২ রাজাবলী 6:16

জোবত্‌ ভাববাদীবো কলঅ, “ন-দোরেচ্‌। যিগুনে আমা লগে আগন্‌ তারা সিগুনোত্তুন্‌অ জনেদি বেশ্‌।”

২ বংশধর 20:16

এজেত্তে কেল্যে তুমি তারা বিরুদ্ধে নিগিলিবা। সেক্কে তারা সীস নাঙে মুড়োবোর্‌ পথ্‌তানন্দি উদি এবাক্‌। তুমি যিরূয়েল নাঙে ধূল্যেচর-চাগালা ইদু কিজিঙোর্‌ থুমো ইন্দি তারারে পেবা।

গীতসংহিতা 46:10

লগেপ্রভু কয়দে, “তুমি থাম; তুমি এ কধাগান জানি লঅ, মুয়ই গোজেন; বেক্ জাদ্‌তুনে মরে বাঈনী গুরিবাক্, বাঈনী দান গুরিবো পিত্‌থিমীগানে।”

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:9

তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।

গম্ উপদেজ্ 20:7

গোজেন ভক্ত মান্‌জ্যে গমেডালে চলে; বর্ পেইয়্যে তার বংশগুন!

যিশাইয় 30:16

তুমি কলা, “না, আমি ঘোড়াত্ চড়িনে ধেই যেবং।” সেনত্তে তমাত্তুন্ ধেই যাহ্ পুরিবো। তুমি কলা, “যে ঘোড়াবো জদবদে জুরে যায় সিয়োত্ চড়িনে আমি যেবং।” সেনত্তে যিগুনে তমারে লোড়েবাক্ তারা উজেই এবাক্।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিহিষ্কেল 39:9

সেক্কে যিগুনে ইস্রায়েল শঅরত্ বজত্তি গত্তন্ তারা বারেদি যেইনে দার্‌‌‌‌‌বো ইজেবে আত্যের্ পুড়িবাক্। তারা চিগোন আর দাঙর্ ঢাল, সেল্ আর ধনু আহ্ যুদ্ধোর লুদিক্ আর সেল্ সাত বজর্ সং ধার্‌‌বো বদলে পড়িবাক্।

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

নহূম 2:13

বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

দ্বি’লম্বর বিররণ 7:16

তমার গোজেন লগেপ্রভু তমা আদঅ মুদোত্‌ যিদুক্কুন্‌ জাদরে আনি দিবো বেক্কুনোরে তমাত্তুন্‌ ভস্ত গুরি ফেলা পুরিবো। তারারে তুমি মেইয়্যে ন-দেগেবা আর তারার্‌ দেবেদাগুনোরেয়ো পূজো ন-গুরিবা, কিত্যে সিয়েনি তমা পক্ষে ইদি ওইনে থেবঅ।

যিহোশূয় 10:8

লগেপ্রভু যিহোশূয়রে কলঅ‌, “তুই তারারে ন-দোরেচ্‌; মুই তারারে তঅ‌ আঢত্‌ তুলি দুয়োং। তারা কনজনে তঅ মুজুঙোত্‌ থিয়্যেই ন-পারিবাক্‌।”

যিহোশূয় 11:5

এ বেক্‌ রাজাগুনে এক্কান্‌ ঠিগ্‌ গোজ্যে জাগানত্‌ এগত্তর্‌ ওইনে ইস্রায়েলীয়গুনো বিরুদ্ধে যুদ্ধো গুরিবাত্তে মেরোম নাঙে এক্কো উইফুদোর্‌ কায়কুরে তাম্বুল ফেলোক্।

যিহোশূয় 11:7

সেক্কে যিহোশূয় তার বেক্‌ সৈন্যগুন লোইনে মেরোম উইফুদোর্‌ কায়-কুরে তারার্‌ বিরুদ্ধে আদিক্কেগুরি আজিল্ ওইনে তারা উগুরে আক্রমণ চালেল।

যিহোশূয় 11:9

লগেপ্রভু যিহোশূয়রে যে উগুমান দিয়্যে যিহোশূয় শত্রুগুনো উগুরে সেধোক্ক্যেন্‌ গুরিলো। তে তারার্‌ ঘোড়াগুনোর টেঙঅ‌ রক্কুন কাবি দিলো আর রথ্‌তানি পুড়ি ফেলেল।

যিহোশূয় 3:5

ইয়েনর্ পরেন্দি যিহোশূয় মানুচ্চুনোরে কলঅ‌, “তুমি নিজোরে সিজি গুরি নেযঅ‌, কিত্যে এযেত্যেকেল্যে লগেপ্রভু তমা ভিদিরে ভালক্কানি আমক্‌ কাম্‌ গুরিবো।”

বিচের গুরিয়্যেগুন 7:9

সে রেদোত্‌ লগেপ্রভু গিদিয়োনরে কলদে, “উঠ্‌, তুই লামিনে তারার্‌ তাম্বুলান আক্রমণ গর্‌। মুই সিয়েন তঅ আঢত্‌ তুলি দুয়োঙ্‌।

১ শমূয়েল 11:9

যাবেশত্তুন যে মানুচ্চুনে হবর্ আন্যন্‌ গিবিয়ার মানুচ্চুনে তারারে কলাক্, “যাবেশ-গিলিয়দর মানু্‌চ্চুনোরে যেইনে জানেবাদে, এযেত্যে কেল্যে দিবুজ্যেমাদান ভিদিরে তারারে উদ্ধোর্ গরা পুরিবো।” এই কধাগান যাবেশর্ মানুচ্চুনোরে কুয়া অলে পরেন্দি তারা অমহদ হুুজি অলাক্।