যিহোশূয় 11:5 - Chakma Bible

⁵ এ বেক্‌ রাজাগুনে এক্কান্‌ ঠিগ্‌ গোজ্যে জাগানত্‌ এগত্তর্‌ ওইনে ইস্রায়েলীয়গুনো বিরুদ্ধে যুদ্ধো গুরিবাত্তে মেরোম নাঙে এক্কো উইফুদোর্‌ কায়কুরে তাম্বুল ফেলোক্।

যিহোশূয় 11:5 Iomraidhean Croise

২ শমূয়েল 10:15

অরামীয়গুনে ইস্রায়েলীয়গুনো ইদু উদিই যাদন্‌ দেগিনে আরঅ একসমারে এগত্তর্‌ অলাক্।

গীতসংহিতা 3:1

ও লগেপ্রভু, চাহ্, মর্ শত্রু কুদুক্কুন। চাহ্, মঅ বিরুদ্ধে কুদুক্কুন মানুচ্ থিয়্যেয়োন।

গীতসংহিতা 48:5

তারা সেই শঅরানরে দেগিনে উগুরি উদিলাক্ আর অমকদ দরে ধেই গেলাক্।

যিশাইয় 8:9

“ও জাদ্‌তুন্, তুমি এগত্তর্ অ, মাত্তর্ তুমি ভস্ত অবা; ও দূরোর্ দেজ্‌‌ছানি, শুনো, তুমি যুদ্ধোত্তে যুক্কোল্ অ, মাত্তর্ তুমি ভস্ত অবা; অয়, যুদ্ধোত্তে যুক্কোল অ, মাত্তর্ তুমি ভস্ত ন-অবা।

যিহোশূয় 11:4

এই বেক্‌ রাজাগুনে তারার সৈন্যদলুন নিইনে নিগিলি এলাক্‌। সেক্কে সাগর পারত্‌ ধূল্যেকণা ধোক্ক্যেন্‌ বোউত্‌ সৈন্যদলর্ এক্কো দাঙর দল্‌ অলঅ‌। তারা সমারে এলাক্‌ বোউত্‌ ঘোড়া আর রথ।

যিহোশূয় 11:6

সেক্কে লগেপ্রভু যিহোশূয়রে কলঅ‌, “তুই তারারে ন-দোরেচ্‌, কিত্যে এযেত্যে কেল্যে মুই এই সময়ো ভিদিরে ইস্রায়েলীয়গুনোর মুজুঙোত্‌ তারারে বেক্কুনোরে শেজ্‌ গুরি দিম্‌। তুই তারার্‌ ঘোড়াগুনোরে টেঙঅ রক্কুন্‌ কাবি দিবে আর রথ্‌তানি পুড়ি দিবে।”

যিহোশূয় 9:2

ইস্রায়েলীয়গুনো পৌইদ্যেনে বেক্‌ কধানি শুনিনে তারা এক মন ওইনে যিহোশূয় আর ইস্রায়েলীয়গুনোর বিরুদ্ধে যুদ্ধো গুরিবাত্তে এগত্তর্ অলাক্‌।

ফগদাং পেইয়্যে 16:14

সেই ভান্ন্যেই আত্মাগুনে আমক্ আমক্ কাম গত্তন্। বেগত্তুন্ খেমতাবলা সেই গোজেনর দাঙর্ দিনোত্ যুদ্ধো গুরিবাত্যে তারা সারা জগদর্ রাজাগুনোরে এগত্তর্ গুরিলাক্।