যিহোশূয় 11:3 - Chakma Bible

³ তে পূগ্‌ আর পোজিমেন্দি কনানীয়গুনোর কায়-কুরে আর মুড়ো-মুড়ি চাগালার্‌ ইমোরীয়, হিত্তীয়, পরিষীয় আর যিবূষীয়গুনো ইদু আর হর্মোণ মুড়োবোর্‌ তলে মিস্পা চাগালার হিব্বীয়গুনো ইদুয়ো হ্‌বর পাদেল।

যিহোশূয় 11:3 Iomraidhean Croise

পত্থম 31:49

সিয়েনবাদে সিয়েনর্‌ আর এক্কান্‌ নাঙ্‌ দিয়া অলঅ মিস্পা (যিয়েনর্ ভেদ্‌তান্ “চুগিদার-জাগা”), কিত্তে লাবনে কোইয়েদে, “আমি যেক্কে আর একজন অন্যজনরে ন-দেবং সেক্কে লগেপ্রভুই যেন আমা উগুরে চোখ্ রাগায়।

২ শমূয়েল 24:16

যিরূশালেমান ভস্ত গুরিবাত্তে স্বর্গদূত্তো যেক্কে আঢ্‌তান্‌ বাড়েল সেক্কে লগেপ্রভু সে জদবদে সাজা দেনাত্তুন মনান্‌ ফিরেল। যে স্বর্গদূত্তো মানুচ্চুনোরে ভস্ত গোজ্যে তে তারে কলদে, “থোক্‌, যদেষ্ট ওইয়্যে। তঅ আঢ্‌তান্‌ বুদি নেযা।” সে অক্তত্‌ লগেপ্রভুর দূত্তো যিবূষীর অরৌণার খামার ইদু এলঅ।

২ শমূয়েল 24:7

সে পরেন্দি তারা সোরর্‌ তাম্বুলোত্‌ আর হিব্বীয় আর কনানীয়গুনোর বেক্‌ শঅরানিত্‌ গেলাক্। যেরেন্দি তারা যিহূদার দোগিণে বের্‌-শেবাত্‌ গেলাক্।

১ রাজাবলী 15:22

সে পরেন্দি রাজা আসা যিহূদার বেক্কুনো উগুরে এক্কান উঘুম্‌ জানেই দিলো, কাররে বাদ ন-দিলো। সেক্কে মানুচ্চুনে রামাত্‌ বাশার বেবহার গোজ্যে পাত্তর্‌ আর তক্তা বেক্কানি নেযেলাক্। রাজা আসা সিয়েনিলোই বিন্যামীনোর্‌ গেবা আর মিস্পা আদামান তাম্বুলো ধোক্ক্যেন্ গুরি বানেল।

১ রাজাবলী 9:20

যিগুনে ইস্রায়েলীয় ন-এলাক্‌, অত্তাৎ যিদুক্কুন্‌ ইমোরীয়, হিত্তীয়, পরিষীয়, হিব্বীয় আর যিবূষীয়গুনোর গুট্টিগুনে সেক্কেয়ো দেজত্‌ বাঁজি এলাক্‌, যিগুনোরে ইস্রায়েলীয়গুনে পুরোপুরিভাবে শেজ্‌ গুরি ন-পারন্‌, তারারে শলোমনে চাগর্‌ ইজেবে কাম গুরিবাত্তে জোড়্ গোজ্যে, আর তারা এজঅ সং সে কামানি গত্তন্‌।

গীতসংহিতা 133:3

মনে অয় সিয়েন হর্মোণ মুড়োবোত্ পোজ্যে শিরপানি যিয়েন ঝুরি পোজ্যে সিয়োন মুড়োবোত্; কিত্তে লগেপ্রভু সিয়েনত্ বর্ দিয়্যে, আর সেই বরান্ অলঅ উমরর্ জিংকানি।

গীতসংহিতা 89:12

উত্তোর দোগিণ তরই বানেয়্যে; তাবোর আর হর্মোণ মুড়োগুনে তরে নিইনে হুজির গীদ্ গান।

পরমগীত 4:8

মেলা ঘরর্ মর্ বৌবো, লেবাননত্তুন্ মঅ সমারে আয়, মঅ সমারে লেবাননত্তুন্ আয়। অমানার্ মুড়ো চুক্কোত্তুন্, শনীর আর হর্মোণ মুড়োবোর্ উগুরেত্তুন্, সিংহ গাদত্তুন্, হোক্যে বাঘর্ মুড়োমুড়ি থেবার্ জাগানত্তুন্ তুই লামি আয়।

যিরমিয় 40:10

মুই নিজে মিসপাত থেম্ আর যিদুক্কুন বাবিলীয় আমা ইধু এবাক্ তারা ইধু মুই তমা তপ্পে ওইনে কধা কোম্; মাত্তর্ তুমি আংগুর-রস, গরম কাল ফল আর তেল থুবেইনে তমা পিলেত্ জমা গুরিবা আর তুমি যেদক্কানি আদাম আর শঅর গজক্ গুরি নিবা সিয়েনিত্ বজত্তি গুরিবা।”

যিরমিয় 40:6

সেক্কে যিরমিয় মিসপাত অহীকামর পুয়ো গদলিয় ইধু যেইনে তা সমারে দেজত্ থোই যেইয়্যে মানুচ্চুনো ভিদিরে রলঅ।

যিরমিয় 41:3

ইয়েন বাদেয়ো মিসপাত গদলিয় সমারে যিদুক্কুন যিহূদী এলাক্ আর সিয়েনত্ যিদুক্কুন বাবিলীয় সৈন্য এলাক্ ইশ্মায়েল তারারে বেক্কুনোরে মারে ফেলেল।

গণাণা 13:29

অমালেকীয়গুনে থান্দে নেগেভত; হিত্তীয়, যিবূষীয় আর ইমোরীয়গুনে থান্দে মুড়ো-মুরি চাগালাত্‌ আর কনানীয়গুনে থান্দে বড়সাগর ইদু আর যর্দন গাঙর্‌ পাড়ত্‌।”

দ্বি’লম্বর বিররণ 4:48

অর্ণোন কিঝিঙোর্‌ দুঝিত্‌ অরোয়র্‌ শঅরত্তুন্‌ সীওন মুড়ো, অত্তাৎ হর্মোণ মুড়োবো সং এলদে এ দ্বিয়ান্‌ রেজ্য।

দ্বি’লম্বর বিররণ 7:1

তুমি যে দেজ্‌ছান গজক্ গুরিবাত্তে যর্‌ সিদু তমার্‌ গোজেন লগেপ্রভু তমারে নেযেব আর নানান্‌ জাদরে তমা মুজুঙোত্তুন্‌ ধাবেই দিবো। এ জাদ্‌তুনে অলাক্‌ হিত্তীয়, গির্গাষীয়, ইমোরীয়, কনানীয়, পরিষীয়, হিব্বীয় আর যিবূষীয়। এ সাত্তো জাদ মান্‌জ্যর সোংখ্যেন্দি আর বলেদি তমাত্তুন্‌ দাঙর্‌।

যিহোশূয় 11:17

এক কধায় সেয়ীর মুড়োবো ইন্দি উদি যেইয়্যে হালক মুড়োত্তুন হর্মোণ মুড়োবোর্‌ তলেদি লেবানন কিজিঙোর্‌ বাল্‌গাদ সং বেক্‌ জাগায়ানি যিহোশূয় গজক্ গুরি নেযেল। তে বেক্‌ জাগায়ানির্‌ রাজাগুনোরে ধুরিনে মারে ফেলেল।

যিহোশূয় 11:8

লগেপ্রভু ইস্রায়েলীয়গুনোর আদত্‌ তারারে তুলি দিলো। ইস্রায়েলীয়গুনে তারারে মাত্তে মাত্তে মহাসীদোন, মিষ্রফোৎ-ময়িম আর পূগেন্দি মিস্পী কিজিঙোত্‌ সং লোড়েই নেযেলাক্‌। শেজন্দি আর কনজনে বাঁজি ন-রলাক্‌।

যিহোশূয় 13:11

গিলিয়দ চাগালাগান্‌, গশূরীয় আর মাখাথীয়গুনোর জাগায়ান্‌, পুরো হর্মোণ মুড়োবো আর সল্‌খা সং পুরো বাশন দেজ্‌চানঅ‌ সে ভিদিরে এলঅ।

যিহোশূয় 13:5

গিব্‌লীয়গুনোর চাগালা, পূগেদি হর্মোণ মুড়োবোর তলেদি বাল্‌গাদত্তুন হমাৎ সং পুরো লেবানন আর লেবাননত্তুন্‌ মিষ্রফোৎ-ময়িম সং মুড়ো-মুড়ি চাগালাগান্‌, অত্তাৎ সীদোনীয়গুনোর বেক্‌ দেজ্‌চানি। মুই নিজেই ইস্রায়েলীয়গুনো মুজুঙোত্তুন্‌ বেক্কুনোরে ধাবেই দিম্‌। মুই তরে যেধোক্ক্যেন্‌ উগুম্‌ দুয়োং সেই মজিম তুই এ দেজ্‌চান সোম্বোত্তি ইজেবে ইস্রায়েলীয়গুনোরে দিবে।

যিহোশূয় 15:63

মাত্তর্‌ যিহূদা-গুট্টিবো যিবূষীয়গুনোরে ধাবেই দি ন-পারন্‌। যিবূশীয়গুনে এলাক্‌ যিরূশালেমর আদাম্মে। যিহূদা-গুট্টির মানুচ্চুনোর্‌ লগে যিবূশীয়গুনে এজঅ‌ সিয়েনত্‌ বজত্তি গত্তন্‌।

যিহোশূয় 18:26

মিস্পী, কফীরা, মোৎসা, রেকম, যির্পেল, তরলা, নেতা, এলফ, যিবূষীয়গুনোর শঅর্‌ যিরূশালেম, গিবিয়াৎ আর কিরিয়ৎ পেইয়োন। তারা বেক্কানিয়ে চৌদ্দোগান শঅর্‌ আর সিয়েনির্ কায়-কুরে বেক্‌ আদামানি পেইয়োন।

যিহোশূয় 3:10

জেদা গোজেনে যে তমা ভিদিরে আঘে আর তেয়ই যে কনানীয়, হিত্তীয়, হিব্বীয়, পরিষীয়, গির্গাষীয়, ইমোরীয় আর যিবূষীয়গুনোরে হামাক্কায় তমা মুজুঙেত্তুন্‌ ধাবেই দিবো সিয়েন তুমি এধোক্ক্যেনগুরি বুঝি পারিবা।

বিচের গুরিয়্যেগুন 20:1

ইয়েনর্ পরেন্দি গিলিয়দর ইস্রায়েলীয়গুনে আর দানত্তুন বের্‌-শেবা সং পুরো চাগালায়ানর ইস্রায়েলীয়গুনে বেক্কুনে নিগিলি এলাক্‌ আর মিস্পাত্‌ লগেপ্রভুর ইদু এগত্তর অলাক্‌।

বিচের গুরিয়্যেগুন 21:5

মিস্পাত তারা ইয়েন কোইনে এক্কান দরমর শমক্‌ গুরিলাক্‌, কনঅ জনে যুনি মিস্পাত্‌ যেইনে লগেপ্রভুর ইদু ন-যান্‌ সালে হামাক্কাই তারে মারে ফেলা অবঅ। সেনত্তেই তারা একজন আরেকজনরে পুজোর্‌ গরা ধুরিলাক্‌, “ইস্রায়েলীয়গুনোর বেক্‌ গুট্টিত্তুন কন্না মিস্পাত্‌ লগেপ্রভুর ইদু ন-যায়?”

বিচের গুরিয়্যেগুন 21:8

তারা একজন আরেকজনরে পুজোর্‌ গুরিলাক্‌, “ইস্রায়েলীয় গুট্টি ভিদিরে এধোক্ক্যেন্‌ কি কনঅ মানুচ্‌ আগন্‌, যে মিস্পাত্‌ লগেপ্রভুর ইদু আঝিল্ ন-অয়?” সেক্কে তারা হবর্‌ পেলাক্‌, যাবেশ-গিলিয়দত্তুন কনজনে সিদু ন-যান,

বিচের গুরিয়্যেগুন 3:3

সে জাদ্‌তুন্‌ অলাক্‌, পলেষ্টীয়গুনে আর তারার্‌ পাচজন শাজন্‌গুরিয়্যে, বেক্‌ কনানীয়গুনে আর সীদোনীয়গুনে আহ্‌ হিব্বীয়গুনে। বাল্‌-হর্মোণ মুড়োত্তুন হমাৎ আদামান সং লেবাননর যে মুড়ো-মুড়ি চাগালাগান আঘে এ হিব্বীয়গুনে সিদু থেদাক্‌।

বিচের গুরিয়্যেগুন 3:5

সেনত্তেই ইস্রায়েলীয়গুনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনোর সমারে বজত্তি গরা ধোজ্যন্‌।

১ শমূয়েল 10:17

পরেন্দি শমূয়েলে মিস্পাদত্‌ লগেপ্রভুর মুজুঙোত্‌ ইস্রায়েলীয়গুনোরে ডাগিনে এগত্তর্‌ গুরিলো।