যিহোশূয় 11:23 - Chakma Bible

²³ লগেপ্রভু মোশিরে যে উগুমান দিয়্যে সেই মজিম যিহোশূয় পুরো দেজ্‌চান গজক্ গুরি নেযেল আর গুট্টি মজিম সোম্বোত্তি ইজেবে সিয়েনি ইস্রায়েলীয়গুনো ভিদিরে ভাগ্‌ গুরি দিলো। দেজত্‌ সেক্কে যুদ্ধো থামেই গেলঅ‌।

যিহোশূয় 11:23 Iomraidhean Croise

নহিমিয় 9:24

তারার্‌ পূঅ-ছাগুনে সে দেজত্‌ যেইনে সিয়েন্‌ গজক্‌ গুরি নেযেয়োন। সে দেজত্‌ বজত্তিগুরিয়্যে কনানীয়গুনোরে তুই তারার্‌ মুজুঙোত্‌ চিগোন্‌ গোজ্যস্‌। কনানীয়গুনোরে, তারার্‌ রাজাগুনোরে আর দেজর্‌ অন্য জাদ্‌তুনোরে তুই তারার্‌ আঢত্‌ তুলি দুয়োজ্‌ যেনে তারা তারার্‌ উগুরে যিয়েনি হুজি সিয়েনি গুরি পারন্‌।

গীতসংহিতা 46:9

তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।

যাত্রা 34:11

এচ্চ্যে মুই তমারে যে উগুমানি দিম্‌ সিয়েনি তুমি পালেবা। ইমোরীয়, কনানীয়, হিত্তীয়, পরিষীয়, হিব্বীয় আর যিবুষীয়গুনোরে মুই তমা মুজুঙোত্তুন্‌ ধাবেই দিম্‌।

যিহিষ্কেল 45:8

এ জাগায়ান ইস্রায়েল দেজর্ শাজন্‌ গুরিয়্যেবোর্ অধিকারত্ থেবঅ। মর্ শাজন্‌গুরিয়্যেগুনে মঅ মানুচ্চুনো উগুরে আর্ অত্যেচার ন-গুরিবাক্, বরং ইস্রায়েল জাদরে তার গুট্টিগুন অনুসারে ভূই ভোগ্ গুরিবাত্যে দিবা।

দ্বি’লম্বর বিররণ 1:38

মাত্তর্‌ তর্‌ এজাল্‌ দিয়্যে নূনোর পূঅ যিহোশূয় সুমিবো। তুই যিহোশূয়রে উচ্ছোমি তুলি দে, কিত্যে তেয়ই দেজ্‌ছান গজক্ গুরিনে ইস্রায়েলীয়গুনোর্‌ অধিকার্‌ ইজেবে দিবো।

দ্বি’লম্বর বিররণ 25:19

তমার গোজেন লগেপ্রভু যে দেজ্‌ছান সোম্বোত্তি ইজেবে গজক্ গুরিবাত্তে তমারে দিবাত্তে যার্‌ সিয়েনত্‌ তমার চেরোকিত্তে শত্রুগুনো সমারে লাড়ে বাজানাত্তুন তে যেক্কে তমারে জিরেবাত্তে দিবো সেক্কে পিত্‌থিমী উগুরেত্তুন্‌ অমালেকীয়গুনোর চিহ্নোগান তমাত্তুন এক্কুবারে পুঝি ফেলা পুরিবো। এ কধাগান তুমি পুরি ন-ফেলেয়ো।

যিহোশূয় 11:18

যিহোশূয় ভালোক্‌ দিন ধুরিনে এ রাজাগুনো সমারে যুদ্ধো গোজ্যে।

যিহোশূয় 12:7

লেবানন কিজিঙোর্‌ বাল্‌গাদত্তুন সেয়ীর মুড়োবোন্দি উদি যেইয়্যে হালক মুড়োবো সং যর্দন গাঙর্‌ পোজিমেন্দি চাগালার্‌ রাজাগুনোরে যিহোশূয় আর ইস্রায়েলীয়গুনে ওদেই দুয়োন্‌। তারার জাগায়ানি যিহোশূয় সোম্বোত্তি ইজেবে ইস্রায়েলীয়গুনোর নানান্‌ গুট্টি মজিম্ ভাগ গুরি দিলো।

যিহোশূয় 18:10

যিহোশূয় শীলোত লগেপ্রভুর মুজুঙোত্‌ ইস্রায়েলীয়গুনোত্তে চাম্বা চেই দিলো আর সিয়েনত্‌ তারার গুট্টি মজিম দেজ্‌চান ভাগ গুরি দিলো।

যিহোশূয় 22:4

তমা গোজেন লগেপ্রভুর এগেম্ মজিম তে যুদ্ধোত্তুন্‌ তমা ভেইয়ুনোরে জিরেবাত্তে দিয়্যে; সেনত্তেই লগেপ্রভুর চাগর্‌ মোশি যর্দনর উইপারত্‌ তমারে যে জাগায়ান্‌ দিয়্যে সে জাগানর ঘরানত্‌ এবেরা তুমি ফিরি যঅ।

যিহোশূয় 23:1

ইস্রায়েলীয়গুনোর চেরোকিত্তে শত্রুগুনোর আঢত্তুন্‌ লগেপ্রভু তারারে জিরেন্ দেনার্‌ পরেন্দি ভালোক্‌ দিন বিদি গেলঅ‌। এ ভিদিরে যিহোশুয়র বয়স বোউত্‌ ওই যেইয়্যে, তে বুড়ো ওই যেইয়্যে।