যিহোশূয় 11:20 - Chakma Bible

²⁰ লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।

যিহোশূয় 11:20 Iomraidhean Croise

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

১ রাজাবলী 12:15

এবাবোত্যেগুরি রাজা মানুচ্চুনোর কধালোই কান ন-পাদিলো। শীলোনীয় অহিয়োর মাধ্যমে লগেপ্রভু নবাটর পূঅ যারবিয়ামরে যে কধাগান কোইয়্যে সিয়েন্‌ পূরোণ গুরিবাত্তে লগেপ্রভুর ইত্তুন্‌ ঘটনাগান এবাবোত্যেগুরি গুদিলো।

২ বংশধর 22:7

ইয়েনর্‌ মাধ্যমে গোজেনে অহসিয়র পতন ঘোদেল। অহসিয় সিদু লুমিনে যোরাম লগে নিম্‌শির পুয়ো যেহূর বিরুদ্ধে যুদ্ধো গুরিবাত্তে গেলঅ। এ যেহূরে লগেপ্রভু আহাবর বংশবোরে ভস্ত গুরিবাত্তে অভিষেগ্ গোজ্যে।

২ বংশধর 25:16

ভাববাদীবোর্‌ কধাগান থুম্‌ অদে ন-অদে রাজা তারে কলঅ, “আমি কি রাজারে শল্লা দিয়্যে ইজেবে তরে নেযেয়্যেই? তুই মঅ অ, নলে তরে মারে ফেলা অবঅ।” সেক্কে সে ভাববাদীবো মঅ অলঅ, তো কলে, “মুই হবর্‌ পাং, তুই এ কামান্‌ গোজ্যস্‌ আর মঅ শল্লাগান্‌ কান ন-পাদচ্‌ বিলিনে গোজেনে তরে ভস্ত গুরিবাত্তে ঠিগ্‌ গোজ্যে।”

যাত্রা 10:1

ইয়েন পরেদি লগেপ্রভু মোশিরে কলঅ, “তুই ফরৌণ ইধু যাহ্। মুই ফরৌণ আর তা কাম্‌গুরিয়্যেগুনোর্‌ মনানি দর গুরি দুয়োং যেনে তারা মর্‌ এ খেমতাগানর্‌ চিহ্নোগানি দেগন্‌ আর যেনে পরেদি তুই তঅ পূয়োগুনো ইধু আর নাদিনুনো ইধু কোই পারচ্‌ মিসরীয়গুনোরে মুই কেধোক্ক্যেন গুরিনে ভুল্‌ বানেয়োং আর মঅ খেমতার্‌ চিহ্নোগানি দেগেয়োং। ইয়েন্দোই তুমি বুঝি পারিবাদে, মুয়ই লগেপ্রভু।”

যাত্রা 11:10

এ আমক্‌ অবার কামানি মোশি আর হারোণে ফরৌণ মুজুঙোত্‌ গুরিলাক্, মাত্তর্‌ লগেপ্রভু ফরৌণ মনান্‌ দর গুরি দিলো বিলিনে তে তার্‌ দেজছানত্তুন্‌ ইস্রায়েলীয়গুনোরে যেবাত্তে ন-দিলো।

যাত্রা 14:17

মাত্তর্‌ মুই মিসরীয়গুনোর্‌ মনানি এমন্‌ দরঅ‌ গুরি দিম, তারা ইস্রায়েলীয়গুনোর পিজে পিজে বড়গাঙত্ চমেবাক্‌। সেক্কে ফরৌণ আর তার্‌ বেক্‌ সৈন্যদলুন, রথ আর ঘোড়াবাহিনীগুনে মর্‌ বাঈনী ফগদাঙ্‌ গুরিবার্‌ পথ অবাক্।

যাত্রা 14:4

মুই ফরৌণর মনান্‌ দরঅ গুরি দিম্‌ আর তে তারা পিজেদি লোড়েব। মাত্তর্‌ ফরৌণে আর তার্‌ সৈন্যদলুনে মর্‌ বাঈনী ফগদাঙ্‌ গুরিবার্‌ পথ অবাক্। ইয়েনত্তুন্‌ মিসরীয়গুনে জানি পারিবাক্, মুই লগেপ্রভু।” ইস্রায়েলীয়গুনে লগেপ্রভুর্‌ কধা মজিম কাম্‌ গুরিলাক্।

যাত্রা 14:8

লগেপ্রভু মিসরর্‌ রাজা ফরৌণর মনান্‌ দরঅ‌ গুরি দিলো। সেনে ইস্রায়েলীয়গুনে যেক্কে ন-দোরেয়েগুরি মুজুঙেদি উজেই যাদন্‌ সেক্কে তে তারার্‌ পিজেদি লোড়েই নেযেল।

যাত্রা 4:21

লগেপ্রভু মোশিরে কলঅ, “মুই তরে যেদক্কানি আমক্‌ অইদে কাম্‌ গুরিবার্‌ খেমতা দুয়োং তুই মিসর্‌ দেজত্‌ ফিরি যেইনে ফরৌণ মুজুঙোত্‌ সিয়েনি বেক্কানি গুরিবে। মাত্তর্‌ মুই তা মনান্‌ এন্‌ চিৎনপুজ্যে গুরি দিম্‌ যেনে তে মানুচ্চুনোরে যেবাত্তে ন-দিবো।

যাত্রা 9:12

মাত্তর্‌ লগেপ্রভু ফরৌণ মনান্‌ দরঅ গুরি দিলো। সেক্কে লগেপ্রভু যিয়েনি কোইয়্যে সিয়েনি অলঅ। মোশি আর হারোণ কধা ফরৌণে ন-শুনিলো।

যাত্রা 9:16

মাত্তর্‌ মুই তরে বাজেই রাগেয়োং যেনে তরে মঅ বলান্‌ দেগেই পারং আর গোদা পিত্‌থিমীত্‌ যেন মঅ নাঙান্‌ ফগদাঙ্‌ অয়।

যিশাইয় 14:24

বেগত্তুন্ খেমতাবলা লগেপ্রভু শমক্ গুরি কোইয়্যেদে, “ঘেচ্চেকগুরি, মুই যেবাবোত্যেগুরি ঠিগ্ গোজ্যং সেবাবোত্যেগুরি ঘুদিবো, আর সিয়েন থির্ থেবঅ।

যিশাইয় 34:2

বেক্ জাদ্‌‌তুনো উগুরে লগেপ্রভু অমকদ বেজার্ ওইয়্যে; তারার বেক্ সৈন্যদলুনো উগুরে তার রাগ্‌কান রোইয়্যে। তে তারারে এক্কুবারে শেজ্ গুরি ফেলেব, ভস্তর্ আঢত্ তারারে তুলি দিবো।‌

রোমীয় 9:18

সালে দেগা যাত্তে, গোজেনে নিজোর্ আওজ্ মজিম কাররে দোয়্যে গরে আর কারর্ মনানি দরমর গরে।

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

দ্বি’লম্বর বিররণ 7:16

তমার গোজেন লগেপ্রভু তমা আদঅ মুদোত্‌ যিদুক্কুন্‌ জাদরে আনি দিবো বেক্কুনোরে তমাত্তুন্‌ ভস্ত গুরি ফেলা পুরিবো। তারারে তুমি মেইয়্যে ন-দেগেবা আর তারার্‌ দেবেদাগুনোরেয়ো পূজো ন-গুরিবা, কিত্যে সিয়েনি তমা পক্ষে ইদি ওইনে থেবঅ।

বিচের গুরিয়্যেগুন 14:4

তা মা-বাবে বুঝি ন-পারন্‌, এ ঘটনাগান্‌ লগেপ্রভুরত্তুন্‌ ওইয়্যে, কিত্যে তে পলেষ্টীয়গুনোর বিরুদ্ধে যুদ্ধো গুরিবাত্তে এক্কান সুযোগ তগার্‌। সে সময়োত্‌ পলেষ্টীয়গুনে ইস্রায়েলীয়গুনোরে শাজন্ গুরিদাক্‌।

১ শমূয়েল 2:25

মান্‌‌জ্যে যুনি মান্‌জ্য বিরুদ্ধে পাপ গরন্‌ সালে গোজেনে সিয়েনর মীমাংসা গুরি দি পারে; মাত্তর্‌ মান্‌জ্যে যুনি লগেপ্রভুর বিরুদ্ধে পাপ গরন্‌ সালে তাত্তে কনা কোজোলী গুরি পারিবো?” মাত্তর্‌ তারা তারার বাবর্‌ কধালোই কান ন-পাদিলাক্, কিত্যে লগেপ্রভু তারারে মারে ফেলেব বিলি ঠিগ্ গোজ্যে।