যিহোশূয় 11:17 - Chakma Bible

¹⁷ এক কধায় সেয়ীর মুড়োবো ইন্দি উদি যেইয়্যে হালক মুড়োত্তুন হর্মোণ মুড়োবোর্‌ তলেদি লেবানন কিজিঙোর্‌ বাল্‌গাদ সং বেক্‌ জাগায়ানি যিহোশূয় গজক্ গুরি নেযেল। তে বেক্‌ জাগায়ানির্‌ রাজাগুনোরে ধুরিনে মারে ফেলেল।

যিহোশূয় 11:17 Iomraidhean Croise

পত্থম 32:3

যাকোবে তা আগে আগে সেয়ীর, অত্তাৎ ইদোম দেজত্‌ তার্ ভেই এষৌ ইধু কয়েক্কো মানুচ্ পাদেল।

গীতসংহিতা 89:12

উত্তোর দোগিণ তরই বানেয়্যে; তাবোর আর হর্মোণ মুড়োগুনে তরে নিইনে হুজির গীদ্ গান।

দ্বি’লম্বর বিররণ 1:7

ইক্কিনে তুমি তাম্বুলানি তুলি নেযেইনে ইমোরীয়গুনোর মুড়োমুড়ি চাগালাত্‌ আর তার্‌ কায়-কুরে জাগায়ানির্‌ মানুচ্চুনো ইদু যঅ‌। তারা অরাবাতত্‌, উজু মুড়ো চাগালাত্‌, তলে মুড়োমুড়ি চাগালাত্‌, নেগেভ আর সাগরর্‌ পারত্‌ বজত্তি গরন। এই জাগায়ানি অলদে কনানীয়গুনোর্‌ দেজ্‌ছানি সুদ্দো লেবানন ওইনে বড়্‌গাঙ্‌ ইউফ্রেটিস সং বেক্‌ জাগাগান।

দ্বি’লম্বর বিররণ 2:1

লগেপ্রভু মরে যেধোক্ক্যেন গুরি উগুম্‌ দিয়্যে সেধোক্ক্যেন গুরি আমি সে পরেন্দি পিচ্ছো ফিরিনে আকাবা চিগোন্‌ সাগরর্‌ পথ্‌তান্ ধুরিনে ধূল্যেচর-চাগালান্দি রওনা অলং। সেয়ীরোর্‌ মুড়ো-মুড়ি চালাগাত্‌ ঘুরি যাদে আমার্‌ ভালোক্‌ দিন কাদি গেলঅ।

দ্বি’লম্বর বিররণ 3:9

সীদোনীয়গুনে হর্মোণরে সিরিয়োণ বিলি কন্‌ আর ইমোরীয়গুনে কন্দে সনীর।

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।

দ্বি’লম্বর বিররণ 7:24

তারার্‌ রাজাগুনোরে তে তমা আঢত্‌ তুলি দিবো আর তুমি তারার্‌ নাঙানি পিত্‌থিমীত্তুন্‌ পুজি ফেলেবা। কনজনে তমারে মানা গুরিনে রাগেই ন-পারিবাক্‌; তুমি তারারে ভস্ত গুরি ফেলেবা।

যিহোশূয় 1:4

তমার দেজ্‌ছান্‌ অবঅ‌ ধূল্যেচর-চাগালাত্তুন লেবানন সং আর পূগেন্দি বড়গাঙ্‌ ইউফ্রেটিস আহ্‌ পোজিমেন্দি ভূমধ্য সাগর সং, অত্তাৎ হিত্তীয়গুনোর পুরো চাগালাগান্‌।

যিহোশূয় 11:18

যিহোশূয় ভালোক্‌ দিন ধুরিনে এ রাজাগুনো সমারে যুদ্ধো গোজ্যে।

যিহোশূয় 11:3

তে পূগ্‌ আর পোজিমেন্দি কনানীয়গুনোর কায়-কুরে আর মুড়ো-মুড়ি চাগালার্‌ ইমোরীয়, হিত্তীয়, পরিষীয় আর যিবূষীয়গুনো ইদু আর হর্মোণ মুড়োবোর্‌ তলে মিস্পা চাগালার হিব্বীয়গুনো ইদুয়ো হ্‌বর পাদেল।

যিহোশূয় 13:5

গিব্‌লীয়গুনোর চাগালা, পূগেদি হর্মোণ মুড়োবোর তলেদি বাল্‌গাদত্তুন হমাৎ সং পুরো লেবানন আর লেবাননত্তুন্‌ মিষ্রফোৎ-ময়িম সং মুড়ো-মুড়ি চাগালাগান্‌, অত্তাৎ সীদোনীয়গুনোর বেক্‌ দেজ্‌চানি। মুই নিজেই ইস্রায়েলীয়গুনো মুজুঙোত্তুন্‌ বেক্কুনোরে ধাবেই দিম্‌। মুই তরে যেধোক্ক্যেন্‌ উগুম্‌ দুয়োং সেই মজিম তুই এ দেজ্‌চান সোম্বোত্তি ইজেবে ইস্রায়েলীয়গুনোরে দিবে।