যিহোশূয় 11:16 - Chakma Bible

¹⁶ এধোক্ক্যেনগুরি যিহোশূয় পুরো দেজ্‌চানি গজক্ গুরি নেযেল। সিয়েন ভিদিরে এলঅ অজল্ মুড়ো-মুড়ি চাগালা, পুরো নেগেভ্‌পান, পুরো গোশন চাগালাগান্‌, কামা মুড়ো-মুড়ি জাগায়ানি, অরাবা সং জাগায়ান্‌ আর ইস্রায়েলর উত্তরেন্দি অজল্‌ মুড়ো-মুড়ি চাগালাগান্‌ আর সে তলে জাগায়ানি।

যিহোশূয় 11:16 Iomraidhean Croise

গীতসংহিতা 105:44

তে অন্য জাদ্‌তুনোর দেজ্‌ছানি ইস্রায়েলীয়গুনোরে দিলো আর সে জাদ্‌তুনোর কামর্ ফল তা মানুচ্চুনোরে নিবাত্তে দিলো,

গীতসংহিতা 78:55

তারা মুজুঙোত্তুন অন্য জাদ্‌তুনোরে তে ধাবেই দিলো, আর সে জাদ্‌তুনোর জাগা-জোমিগানি তে জরীপ গুরিনে সোম্বোত্তি ইজেবে তারারে ভাগ গুরি দিলো; তারার ঘরানিত্ ইস্রায়েলর গুট্টিগুনোরে বজত্তি গরা বাজেই দিলো।

যিহিষ্কেল 17:23

ইস্রায়েলর অজল্ মুড়ো উগুরেত্তুন্ ডেলা নিগিলিনে ফল ধুরিবাক্; সিবে এক্কো বেগত্তুন দোল্ এরস গাজ্ ওই উদিবো। নানান্ বাবোত্যে পেগ্ তা ডেলাগুনো ভিদিরে ঘর্ বানেবাক্ আর তা ছাবাত্ বজত্তি গুরিবাক্।

যিহিষ্কেল 36:8

মাত্তর্ ও ইস্রায়েলর মুড়ো-মুড়িগুন্, তুমি তমার গাজ ডেলাগুন ছিদি দিইনে মর্ মানুচ্ ইস্রায়েলীয়গুনোরে বোউত্ গুলোগুলি দিবে, কিত্যে তারা যাদিমাদি ফিরি এবাক্।

দ্বি’লম্বর বিররণ 1:7

ইক্কিনে তুমি তাম্বুলানি তুলি নেযেইনে ইমোরীয়গুনোর মুড়োমুড়ি চাগালাত্‌ আর তার্‌ কায়-কুরে জাগায়ানির্‌ মানুচ্চুনো ইদু যঅ‌। তারা অরাবাতত্‌, উজু মুড়ো চাগালাত্‌, তলে মুড়োমুড়ি চাগালাত্‌, নেগেভ আর সাগরর্‌ পারত্‌ বজত্তি গরন। এই জাগায়ানি অলদে কনানীয়গুনোর্‌ দেজ্‌ছানি সুদ্দো লেবানন ওইনে বড়্‌গাঙ্‌ ইউফ্রেটিস সং বেক্‌ জাগাগান।

যিহোশূয় 10:40

এবাবোত্যেগুরি যিহোশূয় বেক্‌ চাগালাগান্‌ জিদি নেযেল। সে ভিদিরে এলদে অজল্‌ মুড়ো-মুড়ি চাগালা, নেগেভ, তলেদি মুড়ো-মুড়ি চাগালা আর মুড়ো-মুড়ির কামা জাগানি। তে সে চাগালার রাজাগুনোরেয়ো ওদেই দিলো আর সিদুগোর্ কাররে বাঁজেই ন-রাগেল। ইস্রায়েলীয়গুনোর গোজেন লগেপ্রভু যেধোক্ক্যেন্‌ উগুম গোজ্যে সেধোক্ক্যেন্‌ তে বেক্‌ জেদা পরাণবলাগুনোরে এক্কুবারে শেজ্‌ গুরি দিলো।

যিহোশূয় 10:41

যিহোশূয় কাদেশ-বর্ণেয়ত্তুন গাজা সং আর গোদা গোশন চাগালাগান্‌, এন্‌ কি, গিবিয়োন সং বেক্‌ মানুচ্চুনোরে ওদেই দিলো।

যিহোশূয় 11:15

লগেপ্রভু তা চাগর্‌ মোশিরে যেদক্কানি উগুম দিয়্যে মোশি যিহোশূয়রে সিয়েনি জানেইয়্যে, আর যিহোশূয় সে বেক্‌ উগুমানি পালেয়্যে। লগেপ্রভু মোশিরে যেদক্কানি উগুম দিয়্যে যিহোশূয় সিয়েনির্‌ এক্কান অমান্য ন-গরে।

যিহোশূয় 11:2

ইয়েন বাদে তে উত্তর মিক্যে অন্য যিদুক্কুন রাজা এলাক্‌ তারা ইদুয়ো হবর্ পাদেল। সে রেজ্যনি এলদে অজল্ মুড়ো-মুড়ি চাগালাত্‌, কিন্নেরতর দোগিণে অরাবা সংজাগানত, তলে মুড়ো-মুড়ি চাগালাত্‌‌ আর পোজিমেন্দি দোরর্‌ মুড়ো-মুড়ি জাগানত্‌।

যিহোশূয় 11:21

ইয়েনর্ পরেন্দি যিহোশূয় যেইনে মুড়ো-মুড়ি চাগালাত্‌‌ অনাকীয়গুনোরেয়ো মারে ফেলেল। এ চাগালাগান ভিদিরে এলাক্‌ হিব্রোণ, দবীর আর অনাব শঅ‌র আর যিহূদা আর ইস্রায়েলর বেক্‌ মুড়ো-মুড়ি জাগায়ানি। তে অনাকীয়গুনোরে আর তারার শঅ‌রানি আর আদামানি এক্কুবারে ভস্ত গুরি দিলো।

যিহোশূয় 12:8

এ জাগায়ানি অলঅ‌ অজল্‌ মুড়ো-মুড়ি চাগালাত্‌, তলে মুড়ো-মুড়ি জাগাত্‌, অরাবা, মুড়ো-মুড়ির্‌ তলে জাগায়ানি, পূগেদি ধূল্যেচরর্‌ চাগালাগান্‌ আর নেগেভ। ইয়েনি এলদে হিত্তীয়, ইমোরীয়, কনানীয়, পরিষীয়, হিব্বীয় আর যিবূষীয়গুনোর জাগা।

যিহোশূয় 9:1

যর্দন গাঙর্‌ পোজিমেন্দি রাজাগুনে এ বেক্‌ কধানি শুনিলাক্‌। ইগুনে এলাক্‌ অজল্‌ মুড়ো চাগালাত্‌‌ আর তা তলেদি মুড়ো চাগালার্‌ দেজ্‌চানিত্‌ আর লেবানন সং ভূমধ্য সাগরর্‌ বেক্‌ দুযিগুন্‌ ধুরিনে যে দেজ্‌চানি এলঅ‌ সিগুনোর রাজাগুন্‌। ইগুনে এলাক্‌ হিত্তীয়, ইমোরীয়, কনানীয়, পরিষীয়, হিব্বীয় আর যিবূষীয়গুনোর রাজাগুন্‌।