যিহোশূয় 11:14 - Chakma Bible

¹⁴ এ শঅরানিত্তুন যেদক্কানি পযাপিরা আর এ্যমানপাল লুদো ওইয়্যে সিয়েনি ইস্রায়েলীয়গুনে নিজোত্তে নেযেলাক্‌; মাত্তর্‌ বেক্‌ মানুচ্চুনোরে তারা এক্কুবারে শেজ্‌ গুরি দিলাক্‌, এক্কো জেদা প্রাণীরেয়ো তারা বাঁজেই ন-রাগেলাক্।

যিহোশূয় 11:14 Iomraidhean Croise

২ বংশধর 20:25

সেক্কে যিহোশাফটে আর তা মানুচ্চুনে লুদেয়্যে পযাপিরানি আনিবাত্তে যেইনে সে মরা কিয়্যেগানি লগে এদক্‌ বেশ্‌ পযাপিরা, কাবড়-চুগোড় আর ধন-রত্ন দেগিলাক্‌, তারা সিয়েনি বুয়োই নেযেই ন-পারিলাক্‌। লুদেয়্যে পযাপিরানি বেশ্‌ অনায় সিয়েনি নেযাদে তারার্‌ তিন দিন লাগিলো।

গণাণা 31:9

তারা মিদিয়নীয়গুনোর্‌ মিলেমানুচ্চুনোরে আর ঝি-পূঅগুনোরে বোন্দী গুরিলাক্ আর তারার্‌ বেক্‌ গোরু, ছাগল আর ভেড়াছাগলর পালুন আর পযাপিরানি লুদেলাক্।

দ্বি’লম্বর বিররণ 20:14

মাত্তর্‌ মিলেমানুচ্‌, ঝি-পূঅ, য়েমানপাল আর সিদুগোর্ অন্য বেক্কানি তুমি লুদেয়্যে জিনিস ইজেবে নিজোত্তে নেযেই পারিবা। শত্রুগুনোর দেজত্তুন লুদেয়্যে যেদক্কানি জিনিস তমার গোজেন লগেপ্রভু তমারে দিবো সিয়েনি তুমি ভোগ গুরি পারিবা।

দ্বি’লম্বর বিররণ 20:16

মাত্তর্‌ তমার গোজেন লগেপ্রভু সোম্বোত্তি ইজেবে যিদুক্কুন জাদরে আদাম বা শঅর তমারে দিবাত্তে যার্‌ সিদুগোর্ কাররে তুমি বাঁজেই ন রাগেবা।

যিহোশূয় 10:40

এবাবোত্যেগুরি যিহোশূয় বেক্‌ চাগালাগান্‌ জিদি নেযেল। সে ভিদিরে এলদে অজল্‌ মুড়ো-মুড়ি চাগালা, নেগেভ, তলেদি মুড়ো-মুড়ি চাগালা আর মুড়ো-মুড়ির কামা জাগানি। তে সে চাগালার রাজাগুনোরেয়ো ওদেই দিলো আর সিদুগোর্ কাররে বাঁজেই ন-রাগেল। ইস্রায়েলীয়গুনোর গোজেন লগেপ্রভু যেধোক্ক্যেন্‌ উগুম গোজ্যে সেধোক্ক্যেন্‌ তে বেক্‌ জেদা পরাণবলাগুনোরে এক্কুবারে শেজ্‌ গুরি দিলো।

যিহোশূয় 11:11

ইস্রায়েলীয়গুনে হাৎসোরর বেক্কুনোরে এক্কুবারে ভস্ত গুরি দিলো, এক্কো জেদা প্রাণীরেয়ো বাঁজেই ন-রাগেল। ইয়েনর্ পরেন্দি যিহোশূয় শঅ‌রান পুড়ি দিলো।

যিহোশূয় 11:13

মাত্তর্‌ লাঙেল উগুরে যেদক্কানি শঅ‌র এলঅ সিয়েনির্‌ কনঅগান্‌ ইস্রায়েলীয়গুনে পুড়ি ন দিলাক্‌, বানা হাৎসোরান্‌ যিহোশূয় পুড়ি দিলো।

যিহোশূয় 11:15

লগেপ্রভু তা চাগর্‌ মোশিরে যেদক্কানি উগুম দিয়্যে মোশি যিহোশূয়রে সিয়েনি জানেইয়্যে, আর যিহোশূয় সে বেক্‌ উগুমানি পালেয়্যে। লগেপ্রভু মোশিরে যেদক্কানি উগুম দিয়্যে যিহোশূয় সিয়েনির্‌ এক্কান অমান্য ন-গরে।

যিহোশূয় 8:2

যিরীহো শঅ‌রান্ আর তা রাজাবো উগুরে তুই যিয়েনি গোজ্যচ্‌ অয় শঅর আর সেই রাজাবো উগুয়ো সিয়েনই গুরিবে। মাত্তর্ সিদুগোর্ লুদেয়্যে পযাবিরেনি আর এ্যমান পালুন্‌ তুমি নিজোত্তে নেযেই পারিবা। শঅরর্‌ পিজেন্দি তুই একদল সৈন্য লুগেই রাগেবে।”

যিহোশূয় 8:27

লগেপ্রভু যিহোশূয়রে যেধোক্ক্যেনগুরি উগুম দিয়্যে সেধোক্ক্যেনগুরি ইস্রায়েলীয়গুনে সে শঅরর্‌ এ্যমানর পালুন্‌ আর লুদেয়্যে পযাবিরেনি নিজোত্তেই নেযেলাক্‌।