যিহোশূয় 11:12 - Chakma Bible

¹² যিহোশূয় বেক্‌ রাজাগুনোর্‌ শঅ‌রানি গজক্ গুরি নিইনে সিদুগোর্ রাজাগুনোরে বন্দী গুরিলো। তে সেই রাজাগুনোরে আর সিদুগোর্ মানুচ্চুনোরে মারে ফেলেল। লগেপ্রভুর চাগর্‌ মোশির উগুম মজিম তে তারারে এক্কুবারে ভস্ত গুরি দিলো।

যিহোশূয় 11:12 Iomraidhean Croise

দ্বি’লম্বর বিররণ 7:2

তে যেক্কে তারারে তমা আঢর্‌ মুদোত্‌ আনি দিবো আর তুমি তারারে অদেই দিবা সেক্কে তুমি তারারে এক্কুবারে ভস্ত গুরি ফেলেবা। তুমি তারা সমারে কনঅ চুক্তি ন-গুরিবা আর তারা উগুরে কনঅ মেইয়্যে ন-দেগেবা।

দ্বি’লম্বর বিররণ 9:3

মাত্তর্‌ তুমি এ কধাগান মনত্‌ রাগেয়ো, তমার গোজেন লগেপ্রভুই ভস্তগুরিয়্যে আগুনো ধোক্ক্যেন তমার আগে আগে যর্দন গাঙান্‌ পার্‌ ওইনে যার্‌। তে তারারে ভস্ত গুরি দিবো; তেয়ই তমা ইদু তারারে অদেই দিবো। তমা ইদু লগেপ্রভু যে আশ্বাজ্ দিয়্যে সেই মজিম তুমি তারারে ধাবেই দিবা আর কম্‌ সময়োর্‌ ভিদিরে তারারে শেজ গুরি ফেলেবা।

যিহোশূয় 10:20

এধোক্ক্যেনগুরি যিহোশূয় আর ইস্রায়েলীয়গুনে ইমোরীয়গুনোরে ভস্ত গুরি ফেলেলাক্‌। সেক্কে প্রায় বেক্কুনে মুরি গেলাক্‌; মাত্তর্ যে কয়েকজন বাদ্‌ এলাক্‌ তারা তারার দেবাল-ঘিজ্যে শঅ‌রত্‌ যেইনে চমিলাক্‌।

যিহোশূয় 10:28

যিহোশূয় সেদিন্যে মক্কেদাগান্ অধিকার গুরি নিলো। তে সে শঅরর্‌ রাজা আর বেক্‌ মানুচ্চুনোরে মারে ফেলেল আর সিদুগোর্ বেক্‌ জেদা পরাণবলাগুনোরে শেজ্‌ গুরি দিলো, কাররে বাজে ন-রাগেল। তে যিরীহো রাজার যে অবস্থা গোজ্যে মক্কেদার রাজার অবস্থায়ো সেধোক্ক্যেন্‌ গুরিলো।

যিহোশূয় 10:30

লগেপ্রভু সে শঅরান আর সিদুগোর্ রাজাবোরে ইস্রায়েলীয়গুনো আঢত্‌ তুলি দিলো। যিহোশূয় সে শঅরর্‌ মানুচ্চুনোরে আর বেক্‌ জেদা পরাণবলাগুনোরে মারে ফেলেল, কাররে বাঁজেই ন-রাগেল। তে যিরীহো রাজার যে অবস্থা গোজ্যে সিদুগোর্ রাজার অবস্থায়ো সেধোক্ক্যেন্‌ গুরিলো।

যিহোশূয় 10:32

লগেপ্রভু লাখীশছানরে ইস্রায়েলীয়গুনোর আঢত্‌ তুলি দিলো। দ্বিদিনোত্‌ যিহোশূয় সিয়েন গজক্ গুরি নিলো। যিহোশূয় লিব্‌না শঅ‌রত্‌ যেধোক্ক্যেন্‌ গোজ্যে সেধোক্ক্যেন্‌ লাখীশ মানুচ্চুনোরে আর বেক্‌ জেদা পরাণবলাগুনোরে মারে ফেলেল।

যিহোশূয় 10:35

সেদিন্যে তারা ইগ্লোনান্‌ গজক্ গুরিনে নেযেলাক্‌ আর সে জাগার মানুচ্চুনোরে মারে ফেলেলাক্‌। লাখীশোত্‌ যিহোশূয় যেধোক্ক্যেন্‌ গোজ্যে সেধোক্ক্যেন্‌ তে ইগ্লোনর বেক্‌ জেদা পরাণবলাগুনোরে এক্কুবারে শেজ্‌ গুরি দিলো।

যিহোশূয় 10:37

তারা শঅ‌রান গজক্ গুরিনে সে জাগার মানুচ্চুনোরে, তারার রাজাবোরে, তা কায়কুরে আদামানির বেক্‌ মানুচ্চুনোরে আর হিব্রোণর বেক্‌ জেদা পরাণবলাগুনোরে মারে ফেলেল। যিহোশূয় ইগ্লোনত্‌ যেধোক্ক্যেন্‌ গোজ্যে সেধোক্ক্যেন্‌ সিদু কাররে বাঁজেই ন-রাগেল; তে হিব্রোণ আর তার্‌ বেক্‌ মানুচ্চুনোরে এক্কুবারে শেজ্‌ গুরি দিলো।

যিহোশূয় 11:13

মাত্তর্‌ লাঙেল উগুরে যেদক্কানি শঅ‌র এলঅ সিয়েনির্‌ কনঅগান্‌ ইস্রায়েলীয়গুনে পুড়ি ন দিলাক্‌, বানা হাৎসোরান্‌ যিহোশূয় পুড়ি দিলো।

যিহোশূয় 11:15

লগেপ্রভু তা চাগর্‌ মোশিরে যেদক্কানি উগুম দিয়্যে মোশি যিহোশূয়রে সিয়েনি জানেইয়্যে, আর যিহোশূয় সে বেক্‌ উগুমানি পালেয়্যে। লগেপ্রভু মোশিরে যেদক্কানি উগুম দিয়্যে যিহোশূয় সিয়েনির্‌ এক্কান অমান্য ন-গরে।

যিহোশূয় 21:44

তারার্‌ পূরোণিমানুচ্চুনো ইদু লগেপ্রভুর শমক্‌ মজিম্ তে চেরোকিত্তে বেক্‌ যুদ্ধোগানিত্তুন্‌ তারারে জিরেবাত্তে দিলো। কনঅ শত্রু তারার্‌ মুজুঙোত্‌ থিয়্যেই ন-পারে। লগেপ্রভু তারার্‌ বেক্‌ শত্রুগুনোরে তারা আদত্‌ তুলি দিলো।

যিহোশূয় 8:8

তুমি শঅ‌রান গজক্ গুরি নেযেইনে সিয়েনত্‌ আগুন লাগেই দিবা। লগেপ্রভু যিয়েন উগুম গোজ্যে তুমি সিয়েনই গুরিবা। তমা উগুরে ইয়েন মর্‌ উগুম্‌।”

যিহোশূয় 9:24

জোবত্‌ তারা যিহোশূয়রে কলাক্‌, “এই গোদা দেজ্‌ছানই তমারে দিবাত্তে আর তমা মুজুঙোত্তুন্‌ এ দেজছানর্‌ বেক্কুনোরে পুজি ফেলেবাত্তে যে উগুমান তঅ‌ গোজেন লগেপ্রভু তা চাগর্‌ মোশিরে দিয়্যে সিয়েন গমেডালেই তর্‌ এই চাগরুনোরে কুয়ো ওইয়্যে। সেনত্তে তমা পৌইদ্যেনে বেক্‌ কধানি শুনিনে পরাণর দরে আমি এ কামানি গোজ্যই।