যিহোশূয় 10:6 - Chakma Bible

⁶ সেক্কে গিবিয়োনীগুনে গিল্‌গলর তাম্বুলত্‌ যিহোশূয় ইদু এ হবরান পাদেলাক্‌, “তঅ চাগরুনোরে ছাড়ি ন-দিবে। তুমি যাদিমাদি এইনে আমারে রোক্ষ্যে গরগি, আমারে বল্‌ দুয়ো, কিত্যে মুড়োমুড়ি চাগালাত্তুন্‌ ইমোরীয় রাজাগুনে এইনে আমা বিরুদ্ধে তারার সৈন্যদলুন এক সমারে এগত্তর্‌ গোজ্যন।”

যিহোশূয় 10:6 Iomraidhean Croise

২ রাজাবলী 4:24

সে পরেন্দি তে গাধা উগুরে বুজিনে তা চাগর্‌বোরে কলঅ, “গাধাবো জোরেই চালা, মুই নঅ-কলে লাড়ে নঅ-চালেবে।”

গীতসংহিতা 125:2

যিরূশালেম চেরোকিত্তে যেধোক্ক্যেন মুড়োমুড়িয়্যে ঘিজ্যে সেধোক্ক্যেন গুরি লগেপ্রভু তা মানুচ্চুনোরে ঘিরি রাগায়, ইক্কিনে রাগার্ আর উমরত্তে রাগেব।

যিশাইয় 33:22

লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।

গণাণা 13:29

অমালেকীয়গুনে থান্দে নেগেভত; হিত্তীয়, যিবূষীয় আর ইমোরীয়গুনে থান্দে মুড়ো-মুরি চাগালাত্‌ আর কনানীয়গুনে থান্দে বড়সাগর ইদু আর যর্দন গাঙর্‌ পাড়ত্‌।”

লূকে লেখ্যে গম্ হবর্ 1:39

সে পরেদি মরিয়মে যাদিমাদি গুরি যিহূদিয়া রেজ্যর্ এক্কান আদামত্ গেলঅ। আদামান্ মুড়ো-মুড়ি চাগালাত্ এলঅ।

দ্বি’লম্বর বিররণ 1:15

সেনত্যেই মুই তমা গুট্টিত্তুন্‌ জ্ঞানীবলা আর অভিজ্ঞতাবলা সর্দারুনোরে নেযেইনে তমা উগুরে আজার উগুরে নেতা, শত উগুরে নেতা, পঞ্চাশ উগুরে নেতা, দশজন উগুরে নেতা আর অন্য কাম্‌গুরিয়্যে মানুচ্‌ নেযেয়োং।

যিহোশূয় 10:5

এ কধাগান শুনিনে সেই পাঁচজন ইমোরীয় রাজা, অত্তাৎ যিরূশালেম, হিব্রোণ, যর্মূত, লাখীশ আর ইগ্লোনর রাজা তারার সৈন্যদলুনোরে এক্কান্‌ জাগাত্‌ এগত্তর্‌ গুরিলাক্‌। সে পরেন্দি তারার সৈন্যদলুন নিইনে তারা উজেই যেইনে গিবিয়োনর কায়-কুরে তাম্বুলান্‌ ফেলেলাক্‌ আর শঅরান আক্রমণ গুরিলাক্‌।

যিহোশূয় 10:7

এ হবরান পেইনে যিহোশূয় তার পুরো সৈন্যদলুন নিইনে গিল্‌গলত্তুন উজেই গেলঅ‌। তা ভিদিরে এলাক্কে ইস্রায়েলীয়গুনোর বেক্‌ বীর যোদ্ধাগুন্‌।

যিহোশূয় 21:11

যিহূদা-গুট্টির মুড়ো-মুড়ি চাগালাত্‌ কিরিয়ৎ-অর্ব, অত্তাৎ হিব্রোণ আর তার চেরোকিত্তে য়েমান চোড়েবার খলা তারারে দিয়্যে অলঅ‌। অর্ব এলদে অনাকীয়গুনোর পূরোণি মানুচ্‌।

যিহোশূয় 5:10

সে মাসর চৌদ্দো দিনোত্‌ সজোন্যা অক্তত্‌ যিরীহোর সং জাগানত্‌ গিল্‌গলত্‌ তাম্বুল্‌ ফেলেইনে থেবার অক্তত্‌ ইস্রায়েলীয়গুনে উদ্ধোর-পরব্‌ পালেলাক্‌।

যিহোশূয় 9:15

যিহোশূয় তারা সমারে আঢ্ মিলেল আর তারারে মারে ন-ফেলেব বিলিনে এক্কান্‌ চুক্তি গুরিলো, আর ইস্রায়েলীয় সমাজর নেতাগুনেয়ো সে পৌইদ্যেনে শমক্‌ খেলাক্‌।

যিহোশূয় 9:6

এধোক্ক্যেনগুরি তারা গিল্‌গলত্‌ ইস্রায়েলীয়গুনো তাম্বুলোত্‌ যিহোশূয়র মুজুঙোত্‌ আঝিল্ অলাক্‌। তারা তারে আর ইস্রায়েলীয়গুনোরে কলাক্‌, “আমি বোউত্‌ দূর দেজত্তুন্‌ এচ্ছ্যেই; তুমি আমা লগে আঢ্ মিলো।”

যিহোশূয় 9:8

তারা যিহোশূয়রে কলাক্‌, “চঅ, আমি তমা চাগর্‌।” সেক্কে যিহোশূয় তারারে পুজোর্‌ গুরিলো, “তুমি কন্না, আর কুত্তুন্‌ এচ্চ্য?”