যিহোশূয় 10:40 - Chakma Bible

⁴⁰ এবাবোত্যেগুরি যিহোশূয় বেক্‌ চাগালাগান্‌ জিদি নেযেল। সে ভিদিরে এলদে অজল্‌ মুড়ো-মুড়ি চাগালা, নেগেভ, তলেদি মুড়ো-মুড়ি চাগালা আর মুড়ো-মুড়ির কামা জাগানি। তে সে চাগালার রাজাগুনোরেয়ো ওদেই দিলো আর সিদুগোর্ কাররে বাঁজেই ন-রাগেল। ইস্রায়েলীয়গুনোর গোজেন লগেপ্রভু যেধোক্ক্যেন্‌ উগুম গোজ্যে সেধোক্ক্যেন্‌ তে বেক্‌ জেদা পরাণবলাগুনোরে এক্কুবারে শেজ্‌ গুরি দিলো।

যিহোশূয় 10:40 Iomraidhean Croise

১ রাজাবলী 15:29

তে রাজা ওইনে যারবিয়ামর্‌ ঘোর্‌বোগুনোর্‌ বেক্কুনোরে মারে ফেলেল। লগেপ্রভু তা চাগর্‌ শীলোনীয় ভাববাদী অহিয়োর্‌ মাধ্যমে যে কধানি কোইয়্যে সেই মজিম বাশা যারবিয়ামর ঘরবোগুনোর বেক্কুনোরে ভস্ত গুরি ফেলেল।

নহিমিয় 9:24

তারার্‌ পূঅ-ছাগুনে সে দেজত্‌ যেইনে সিয়েন্‌ গজক্‌ গুরি নেযেয়োন। সে দেজত্‌ বজত্তিগুরিয়্যে কনানীয়গুনোরে তুই তারার্‌ মুজুঙোত্‌ চিগোন্‌ গোজ্যস্‌। কনানীয়গুনোরে, তারার্‌ রাজাগুনোরে আর দেজর্‌ অন্য জাদ্‌তুনোরে তুই তারার্‌ আঢত্‌ তুলি দুয়োজ্‌ যেনে তারা তারার্‌ উগুরে যিয়েনি হুজি সিয়েনি গুরি পারন্‌।

গীতসংহিতা 9:17

যিদুক্কুন জাদে গোজেনরে ভুলি যান্ সেই পাজিগুনে মুরিনে গোরত্ যেবাক্।

যাত্রা 34:12

উজিয়ার্‌! যে দেজত্‌ তুমি যর্‌ সেই দেজর্‌ মানুচ্চুনো লগে তুমি কনঅ‌ চুক্তি ন-গুরিবা; সিয়েন্‌ গুরিলে তারা তমা ভিদিরে এক্কো ফাল্‌ ওইনে থেবাক্‌।

গণাণা 13:17

কনান দেজত্‌ পাদেবার্‌ সময় মোশি তারারে কোই দিলো, “তুমি নেগেভর ভিদিরেন্দি যেইনে মুড়োমুড়ি চাগালাত্‌ চুমিবা।

দ্বি’লম্বর বিররণ 1:7

ইক্কিনে তুমি তাম্বুলানি তুলি নেযেইনে ইমোরীয়গুনোর মুড়োমুড়ি চাগালাত্‌ আর তার্‌ কায়-কুরে জাগায়ানির্‌ মানুচ্চুনো ইদু যঅ‌। তারা অরাবাতত্‌, উজু মুড়ো চাগালাত্‌, তলে মুড়োমুড়ি চাগালাত্‌, নেগেভ আর সাগরর্‌ পারত্‌ বজত্তি গরন। এই জাগায়ানি অলদে কনানীয়গুনোর্‌ দেজ্‌ছানি সুদ্দো লেবানন ওইনে বড়্‌গাঙ্‌ ইউফ্রেটিস সং বেক্‌ জাগাগান।

দ্বি’লম্বর বিররণ 2:34

সে অক্তত্‌ আমি তার্‌ বেক্‌ আদামান আর শঅরান্‌ গজক্ গুরি নেযেলং আর তারার্‌ মরদ, মিলে আর ঝি-পূঅগুনোরে এক্কুবারে শেজ্ গুরি ফেলেলং; তারার্‌ কনজনরে আমি বাঁজেই ন রাগেলং।

দ্বি’লম্বর বিররণ 7:24

তারার্‌ রাজাগুনোরে তে তমা আঢত্‌ তুলি দিবো আর তুমি তারার্‌ নাঙানি পিত্‌থিমীত্তুন্‌ পুজি ফেলেবা। কনজনে তমারে মানা গুরিনে রাগেই ন-পারিবাক্‌; তুমি তারারে ভস্ত গুরি ফেলেবা।

যিহোশূয় 10:35

সেদিন্যে তারা ইগ্লোনান্‌ গজক্ গুরিনে নেযেলাক্‌ আর সে জাগার মানুচ্চুনোরে মারে ফেলেলাক্‌। লাখীশোত্‌ যিহোশূয় যেধোক্ক্যেন্‌ গোজ্যে সেধোক্ক্যেন্‌ তে ইগ্লোনর বেক্‌ জেদা পরাণবলাগুনোরে এক্কুবারে শেজ্‌ গুরি দিলো।

যিহোশূয় 10:37

তারা শঅ‌রান গজক্ গুরিনে সে জাগার মানুচ্চুনোরে, তারার রাজাবোরে, তা কায়কুরে আদামানির বেক্‌ মানুচ্চুনোরে আর হিব্রোণর বেক্‌ জেদা পরাণবলাগুনোরে মারে ফেলেল। যিহোশূয় ইগ্লোনত্‌ যেধোক্ক্যেন্‌ গোজ্যে সেধোক্ক্যেন্‌ সিদু কাররে বাঁজেই ন-রাগেল; তে হিব্রোণ আর তার্‌ বেক্‌ মানুচ্চুনোরে এক্কুবারে শেজ্‌ গুরি দিলো।

যিহোশূয় 10:39

তারা সে শঅ‌রান, তার্‌ রাজাবো আর আদামানি গজক্ গুরি নেযেইনে সে জাগার বেক্কুনোরে মারে ফেলেল। তারা সে জাগার বেক্‌ জেদা পরাণবলাগুনোরে এক্কুবারে শেজ্‌ গুরি দিলাক্। যিহোশূয় কাররে বাঁজেই ন-রাগেল; তে লিব্‌না আর সে রাজাবো আহ্‌ হিব্রোণর অবস্থা যেধোক্ক্যেন্‌ গোজ্যে দবীর আর তার রাজাবোর অবস্থায়ো সেধোক্ক্যেন্‌ গুরিলো।

যিহোশূয় 11:16

এধোক্ক্যেনগুরি যিহোশূয় পুরো দেজ্‌চানি গজক্ গুরি নেযেল। সিয়েন ভিদিরে এলঅ অজল্ মুড়ো-মুড়ি চাগালা, পুরো নেগেভ্‌পান, পুরো গোশন চাগালাগান্‌, কামা মুড়ো-মুড়ি জাগায়ানি, অরাবা সং জাগায়ান্‌ আর ইস্রায়েলর উত্তরেন্দি অজল্‌ মুড়ো-মুড়ি চাগালাগান্‌ আর সে তলে জাগায়ানি।

যিহোশূয় 12:8

এ জাগায়ানি অলঅ‌ অজল্‌ মুড়ো-মুড়ি চাগালাত্‌, তলে মুড়ো-মুড়ি জাগাত্‌, অরাবা, মুড়ো-মুড়ির্‌ তলে জাগায়ানি, পূগেদি ধূল্যেচরর্‌ চাগালাগান্‌ আর নেগেভ। ইয়েনি এলদে হিত্তীয়, ইমোরীয়, কনানীয়, পরিষীয়, হিব্বীয় আর যিবূষীয়গুনোর জাগা।

যিহোশূয় 18:21

বিন্যামীন-গুট্টির নানান্‌ বংশর ভাগত্‌ যে আদামানি আর শঅরানি পোজ্যে সিয়েনি অলঅ যিরীহো, বৈৎ-হগ্লা, এমক-কশিশ,

যিহোশূয় 6:17

শঅ‌র আর তা ভিদিরে বেক্কানি লগেপ্রভুর দিয়্যে ভস্তর্ অভিশাবর তলেদি। বানা বেশ্যে রাহব আর তা ঘরত্‌ যিদুক্কুন মানুচ্‌ রোইয়োন তারা বাঁজি থেবাক্‌, কিত্যে আমার পাদেয়্যে মানুচ্চুনোরে তে লুগেই রাগেয়্যে।

যিহোশূয় 8:2

যিরীহো শঅ‌রান্ আর তা রাজাবো উগুরে তুই যিয়েনি গোজ্যচ্‌ অয় শঅর আর সেই রাজাবো উগুয়ো সিয়েনই গুরিবে। মাত্তর্ সিদুগোর্ লুদেয়্যে পযাবিরেনি আর এ্যমান পালুন্‌ তুমি নিজোত্তে নেযেই পারিবা। শঅরর্‌ পিজেন্দি তুই একদল সৈন্য লুগেই রাগেবে।”

যিহোশূয় 8:27

লগেপ্রভু যিহোশূয়রে যেধোক্ক্যেনগুরি উগুম দিয়্যে সেধোক্ক্যেনগুরি ইস্রায়েলীয়গুনে সে শঅরর্‌ এ্যমানর পালুন্‌ আর লুদেয়্যে পযাবিরেনি নিজোত্তেই নেযেলাক্‌।

যিহোশূয় 9:24

জোবত্‌ তারা যিহোশূয়রে কলাক্‌, “এই গোদা দেজ্‌ছানই তমারে দিবাত্তে আর তমা মুজুঙোত্তুন্‌ এ দেজছানর্‌ বেক্কুনোরে পুজি ফেলেবাত্তে যে উগুমান তঅ‌ গোজেন লগেপ্রভু তা চাগর্‌ মোশিরে দিয়্যে সিয়েন গমেডালেই তর্‌ এই চাগরুনোরে কুয়ো ওইয়্যে। সেনত্তে তমা পৌইদ্যেনে বেক্‌ কধানি শুনিনে পরাণর দরে আমি এ কামানি গোজ্যই।