যিহোশূয় 10:39 - Chakma Bible

³⁹ তারা সে শঅ‌রান, তার্‌ রাজাবো আর আদামানি গজক্ গুরি নেযেইনে সে জাগার বেক্কুনোরে মারে ফেলেল। তারা সে জাগার বেক্‌ জেদা পরাণবলাগুনোরে এক্কুবারে শেজ্‌ গুরি দিলাক্। যিহোশূয় কাররে বাঁজেই ন-রাগেল; তে লিব্‌না আর সে রাজাবো আহ্‌ হিব্রোণর অবস্থা যেধোক্ক্যেন্‌ গোজ্যে দবীর আর তার রাজাবোর অবস্থায়ো সেধোক্ক্যেন্‌ গুরিলো।

যিহোশূয় 10:39 Iomraidhean Croise

২ রাজাবলী 10:11

পরেন্দি যেহূ যিষ্রিয়েলত্‌ আহাবর বংশর বাদ‌্‌বাগি মানুচ্চুনোরে, তার্‌ বেক্‌ মুরুব্বীগুনোরে, তার আজল সমাজ্যেগুনোরে আর তার ধর্মগুরুগুনোরে মারে ফেলেল। তারাত্তুন্‌ আর কনজনে বাঁজি ন-রলাক্‌।

ওবদিয় 1:18

যাকোবর বংশবো অবঅ আগুন আর যোষেফর বংশবো অবঅ আগুনো জ্বিল্; এষৌর বংশবো অবঅ নাড়া আর সেই আগুনানে সিয়েনরে পুড়ি ফেলেব। এষৌর বংশর কনজন বাঁজি ন-থেবাক্। মুই লগেপ্রভু এ কধাগান কোইয়োং।”

দ্বি’লম্বর বিররণ 3:3

এধোক্ক্যেনগুরি আমার গোজেন লগেপ্রভু বাশনর রাজাবো ওগ আর তার্‌ বেক্‌ সৈন্যগুনোরে আমা আদত্‌ দি দিলো। আমি তারার্‌ বেক্কুনোরে মারে ফেলেয়্যেই; কাররে বাঁজেই ন-রাগেই।

যিহোশূয় 10:33

এ ভিদিরে গেষরর রাজা হোরম লাখীশর মানুচ্চুনোরে বল্‌ দিবাত্তে এচ্ছ্যে মাত্তর্‌ যিহোশূয় তারে আর তার সৈন্যদল্লোরে ওদেই দিলো। যেরেন্দি আর কনজনে বাঁজি ন-থেলাক্‌।

যিহোশূয় 10:37

তারা শঅ‌রান গজক্ গুরিনে সে জাগার মানুচ্চুনোরে, তারার রাজাবোরে, তা কায়কুরে আদামানির বেক্‌ মানুচ্চুনোরে আর হিব্রোণর বেক্‌ জেদা পরাণবলাগুনোরে মারে ফেলেল। যিহোশূয় ইগ্লোনত্‌ যেধোক্ক্যেন্‌ গোজ্যে সেধোক্ক্যেন্‌ সিদু কাররে বাঁজেই ন-রাগেল; তে হিব্রোণ আর তার্‌ বেক্‌ মানুচ্চুনোরে এক্কুবারে শেজ্‌ গুরি দিলো।

যিহোশূয় 10:38

পরেন্দি যিহোশূয় ইস্রায়েলীয়গুনোরে বেক্কুনোরে নিইনে ঘুরিনে দবীর শঅ‌রান আক্রমণ গুরিলো।

যিহোশূয় 10:40

এবাবোত্যেগুরি যিহোশূয় বেক্‌ চাগালাগান্‌ জিদি নেযেল। সে ভিদিরে এলদে অজল্‌ মুড়ো-মুড়ি চাগালা, নেগেভ, তলেদি মুড়ো-মুড়ি চাগালা আর মুড়ো-মুড়ির কামা জাগানি। তে সে চাগালার রাজাগুনোরেয়ো ওদেই দিলো আর সিদুগোর্ কাররে বাঁজেই ন-রাগেল। ইস্রায়েলীয়গুনোর গোজেন লগেপ্রভু যেধোক্ক্যেন্‌ উগুম গোজ্যে সেধোক্ক্যেন্‌ তে বেক্‌ জেদা পরাণবলাগুনোরে এক্কুবারে শেজ্‌ গুরি দিলো।

যিহোশূয় 11:8

লগেপ্রভু ইস্রায়েলীয়গুনোর আদত্‌ তারারে তুলি দিলো। ইস্রায়েলীয়গুনে তারারে মাত্তে মাত্তে মহাসীদোন, মিষ্রফোৎ-ময়িম আর পূগেন্দি মিস্পী কিজিঙোত্‌ সং লোড়েই নেযেলাক্‌। শেজন্দি আর কনজনে বাঁজি ন-রলাক্‌।

যিহোশূয় 12:13

দবীরোর রাজা, গেদরর রাজা,

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”

১ শমূয়েল 15:8

তে অমালেকীয়গুনোর রাজা অগাগরে জেদাবাদে ধুরিলো আর অন্য বেক্কুনোরে মারে ফেলেল।