যিহোশূয় 10:35 - Chakma Bible

³⁵ সেদিন্যে তারা ইগ্লোনান্‌ গজক্ গুরিনে নেযেলাক্‌ আর সে জাগার মানুচ্চুনোরে মারে ফেলেলাক্‌। লাখীশোত্‌ যিহোশূয় যেধোক্ক্যেন্‌ গোজ্যে সেধোক্ক্যেন্‌ তে ইগ্লোনর বেক্‌ জেদা পরাণবলাগুনোরে এক্কুবারে শেজ্‌ গুরি দিলো।

যিহোশূয় 10:35 Iomraidhean Croise

ইয়োব 19:10

তে বেক্কানিত্তুন্‌ মরে আঘাত্‌ গোজ্যে যেদক্কণ সং মুই শেজ্‌ ওই ন-যাং; গাজ ধোক্ক্যেন্ গুরিনে তে মঅ আজাগান উগুরে ফেলেয়্যে।

লেবীয় 26:44

তো শত্রুগুনোর্‌ দেজত্‌ থেবার্‌ অক্তত্‌ মুই তারারে এধোক্ক্যেনগুরি অগ্রাজ্য ন-গুরিম বা ঘিনাইদে চোগেদি ন-চেম্‌ যেনে তারা এক্কুবারেই ভস্ত ওই যান্‌ আর ইঙিরিনে তারা সমারে মর্‌ সুদোমান্‌ ভাঙি যায়। মুই লগেপ্রভু তারার্‌ গোজেন।

যিহোশূয় 10:34

সে পরেন্দি যিহোশূয় ইস্রায়েলীয়গুনোরে বেক্কুনোরে নিইনে লাখীশত্তুন ইগ্লোনর ইন্দি উজেই গেলঅ‌। তারা ইগ্লোনান্‌ ঘিরিনে সিয়েন আক্রমণ গুরিলাক্‌।

যিহোশূয় 10:36

ইয়েনর্ পরেন্দি যিহোশূয় ইস্রায়েলীয়গুনোরে বেক্কুনোরে নিইনে ইগ্লোনত্তুন হিব্রোণত্‌ যেইনে শঅ‌রান আক্রমণ গুরিলো।

যিহোশূয় 10:37

তারা শঅ‌রান গজক্ গুরিনে সে জাগার মানুচ্চুনোরে, তারার রাজাবোরে, তা কায়কুরে আদামানির বেক্‌ মানুচ্চুনোরে আর হিব্রোণর বেক্‌ জেদা পরাণবলাগুনোরে মারে ফেলেল। যিহোশূয় ইগ্লোনত্‌ যেধোক্ক্যেন্‌ গোজ্যে সেধোক্ক্যেন্‌ সিদু কাররে বাঁজেই ন-রাগেল; তে হিব্রোণ আর তার্‌ বেক্‌ মানুচ্চুনোরে এক্কুবারে শেজ্‌ গুরি দিলো।