যিহোশূয় 10:3 - Chakma Bible

³ সেনত্যে হিব্রোণর রাজা হোহম, যর্মূতর রাজা পিরাম, লাখীশর রাজা যাফিয় আর ইগ্লোনর রাজা দবীরর কায়কুরে যিরূশালেমর রাজা অদোনী-ষেদকে এ কোজোলীগান্‌ গুরিনে পাদেল,

যিহোশূয় 10:3 Iomraidhean Croise

পত্থম 37:14

ইস্রায়েলে তারে আরঅ কলঅ, “তঅ ভেইয়ুনে আর ছাগল-ভেড়াগুন কি অবস্থাই আগন্‌ তুই যেইনে সে হবরান্‌ আন।” ইয়েন্‌ কোইনে তে যোষেফরে হিব্রোণ কিঝিঙোত্তুন্‌ পাদেল। যোষেফে যেক্কে শিখিমোত্‌ যেইনে লুমিলোগোই সেক্কে এক্কো মানুচ্‌ তারে মাঢ ভিদিরে ঘুরোঘুরি গত্যে দেগিনে পুযোর্‌ গুরিলো, “তুই কি তগর্?”

২ শমূয়েল 2:11

দায়ূদ হিব্রোণত্তুন্‌ যিহূদা-গুট্টিগুনো উগুরে সাড়ে সাত বজর রাজাগিরি গোজ্যে।

২ রাজাবলী 18:14

সেক্কে যিহূদার রাজা হিষ্কিয় লাখীশোত্‌ আসিরিয়ার রাজারে এ কধাগান কোই পাদেল, “মুই অন্যেয় গোজ্যং। তুই ফিরি যাহ্। তুই মইদু যিয়েনি দাবি গুরিবে মুই সিয়েনি দিম্‌।” সেক্কে আসিরিয়ার রাজা যিহূদার রাজা হিষ্কিয়োত্তুন্‌ পেরায় বার টন রূবো আর এক টনত্তুন্‌ কিজু বেশ্‌ সোনা দাবি গুরিলো।

২ রাজাবলী 18:17

আসিরিয়ার রাজা লাখীশত্তুন্‌ তর্তনরে, রব্‌সারীসরে আর রব্‌শাকিরে বিরাট একদল সৈন্যলোই যিরূশালেমত্‌ রাজা হিষ্কিয়ো ইদু পাধেই দিলো। তারা যিরূশালেমত্‌ এইনে কাবড় কাজেইয়্যে মাদ পধ পারত্‌ অজল্‌ জাগাত্‌ পুয়োরবো লগে বাস্যে পানি নাল ইদু থামেলাক্‌।

২ বংশধর 11:9

অদোরয়িম, লাখীশ, অসেকা,

যিরমিয় 34:7

সে অক্তত্ বাবিল রাজার সৈন্যগুনে যিরূশালেমত্, লাখীশোত আর অসেকার বিরুদ্ধে যুদ্ধো গোজ্যন্, কিত্তে যিহূদা দেজ ভিদিরে বানা এ দেবাল্-ঘিজ্যে শঅরানি গজক্ গুরি নিবাত্তে তারার বাগি এলঅ।

মীখা 1:13

ও লাখীশোত্ বজত্তি গুরিয়্যে মানুচ্চুন, তুমি রথ সমারে ঘোড়াগুনোরে লাগেই দুয়ো। ইস্রায়েলর অন্যেয়ান পত্তমে তমা ভিদিরে পাহ্ যেইয়্যে বিলি সিয়োন-ঝিবোরে তুমি পাপর্ পধেদি নেযেয়ো।

গণাণা 13:22

তারা নেগেভর ভিদিরেন্দি যেইনে হিব্রোণ শঅর ইদু আঝিল্ অলাক। হিব্রোণ শঅরান্‌ তুলো ওইয়্যেদে মিসরর্‌ সোয়ন শঅরান্‌ তুলিবার্‌ সাত বজর আগে। সিয়েনত্‌ অনাকর্‌ বংশর্‌ অহীমান, শেশয় আর তল্‌ময় নাঙে তিন্নো মানুচ্‌ এলাক।

যিহোশূয় 10:1

যিরূশালেমর রাজা অদোনী-ষেদকে শুনিল, যিহোশূয় অয় শঅরান গজক্ গুরি নিইনে সিয়েন এক্কুবারে ভস্ত গুরি দিয়্যে আর তে যিরীহো আহ্‌ সে রাজাবোর দযাাগান্ যেধোক্ক্যেন গোজ্যে অয় আর সে রাজাবোর দযাগান্অ সেধোক্ক্যেন্‌ গুরিলো। তে আরঅ শুনিলোদে, গিবিয়োনীগুনে ইস্রায়েলীয়গুনো লগে আঢ্ মিলেয়োন্‌ আর তারা তারার্‌ সমারে আগন্‌।

যিহোশূয় 10:23

সেক্কে সে গাত্তোত্তুন্‌ সে পাচজন রাজারে তারা নিগিলেনেই আনিলাক্‌। ইগুনে এলাক্‌ যিরূশালেম, হিব্রোণ, যর্মূত, লাখীশ আর ইগ্লোনর রাজা।

যিহোশূয় 10:34

সে পরেন্দি যিহোশূয় ইস্রায়েলীয়গুনোরে বেক্কুনোরে নিইনে লাখীশত্তুন ইগ্লোনর ইন্দি উজেই গেলঅ‌। তারা ইগ্লোনান্‌ ঘিরিনে সিয়েন আক্রমণ গুরিলাক্‌।

যিহোশূয় 10:5

এ কধাগান শুনিনে সেই পাঁচজন ইমোরীয় রাজা, অত্তাৎ যিরূশালেম, হিব্রোণ, যর্মূত, লাখীশ আর ইগ্লোনর রাজা তারার সৈন্যদলুনোরে এক্কান্‌ জাগাত্‌ এগত্তর্‌ গুরিলাক্‌। সে পরেন্দি তারার সৈন্যদলুন নিইনে তারা উজেই যেইনে গিবিয়োনর কায়-কুরে তাম্বুলান্‌ ফেলেলাক্‌ আর শঅরান আক্রমণ গুরিলাক্‌।

যিহোশূয় 14:15

অনাকীয়গুনো ভিদিরে অর্ব নাঙে এক্কো খেমতাবান্‌ মান্‌জ্যর নাঙ্‌ অনুসারে হিব্রোণরে আগে কিরিয়ৎ-অর্ব কুয়ো অদঅ‌। ইয়েনর্ পরেন্দি দেজত্‌ যুদ্ধো থামেল।

যিহোশূয় 15:63

মাত্তর্‌ যিহূদা-গুট্টিবো যিবূষীয়গুনোরে ধাবেই দি ন-পারন্‌। যিবূশীয়গুনে এলাক্‌ যিরূশালেমর আদাম্মে। যিহূদা-গুট্টির মানুচ্চুনোর্‌ লগে যিবূশীয়গুনে এজঅ‌ সিয়েনত্‌ বজত্তি গত্তন্‌।