যিহোশূয় 10:24 - Chakma Bible

²⁴ তারা যেক্কে সে রাজাগুনোরে যিহোশূয় ইদু আনিলাক সেক্কে তে বেক্‌ ইস্রায়েলীয়গুনোরে ডাগিলো আর তা লগে যে সেনাপতিগুনে যুদ্ধোত্‌ যেইয়োন তারারে কলঅ‌, “তুমি ইদু এইনে সে রাজাগুনোর গত্তনাত্‌ তমা টেঙানি রাগঅ।” সেক্কে তারা উজেই যেইনে সে রাজাগুনোর গত্তনা উগুরে তারার টেঙানি রাগেলাক্‌।

যিহোশূয় 10:24 Iomraidhean Croise

২ শমূয়েল 22:39

মুই তারারে শেজ্‌ গোজ্যং, তারারে নিগুজ্ গোজ্যং, যেনে তারা আর উদি ন-পারন্‌; তারা মঅ টেঙত্‌ তলে পোজ্যন্‌।

২ শমূয়েল 22:41

মঅ শত্রুগুনোরে তুই মঅ কায়কুরেত্তুন্ ধেই যেবাত্তে বাধ্য গোজ্যস্‌; যিগুনে মরে ঈচ্ গরন্‌ তারারে মুই ভস্ত গোজ্যং।

গীতসংহিতা 107:40

তে বড়্ পোজিশন মানুচ্চুনো উগুরে অগমান আনে, ঝাড় ভিদিরে মানুচ্‌জন নেইয়্যে জাগানত্ তারারে ঘুরিবাত্তে দে;

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 110:5

প্রভু তঅ ডেন্ ডাগেন্দি আঘে; তার্ রাগ উদিলে তে রাজাগুনোরে শেজ্ গুরি ফেলেব।

গীতসংহিতা 18:40

মঅ শত্রুগুনোরে তুই মত্তুন্ পৌল্যেবাত্তে বাধ্য গোজ্যস্; যিগুনে মরে ঘিনান্ তারারে মুই ভস্ত গোজ্যং।

গীতসংহিতা 91:13

তুই সিংহ আর আজাব সাব উগুরেন্দি আঢি যেবে, দামারা সিংহ আর সাপ্‌পোরে টেঙোই দুলি পারিবে।

যিশাইয় 51:23

মুই সেই গলচ্চো তঅ অত্যেচারিগুনো আঢত্ তুলি দিম, যিগুনে তরে কদাক্, ‘মাঢা নিগিরিনে পড়, যেনে আমি তঅ উগুরেদি আঢি যেই পারিই।’ তঅ উগুরেদি আঢি যেবাত্তে তুই তঅ পিঠ্‌তানরে ভূই আর পধ ধোক্ক্যেন গোজ্যস্।”

মালাখি 4:3

সে পরেদি তুমি পাজিগুনোরে টেঙোই মাড়িবা, কিত্যেই যেদিন্যে মুই এই বেক্ কামানি গুরিম সেদিন্যে তারা তমা টেঙত্ তলে পোজ্যে ছেইয়ো ধোক্ক্যেন্ অবা। মুই বেগত্তুন খেমতাবলা লগেপ্রভু এ কধাগান কঙর্।

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”

ইব্রীয় 1:13

গোজেনে কনদিন্অ কি কনঅ স্বর্গদূতরে এ কধাগান কোইয়্যে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন সং তুই মঅ ডেনেদি বস্”?

বিচের গুরিয়্যেগুন 8:20

ইয়েনর্ পরেন্দি তে তার দাঙর্‌ পূঅবো যেথররে কলঅ্‌, “তারারে মারে ফেলঅ।” মাত্তর্‌ যেথরর বয়সছান্‌ কম এলঅ বিলিনেই তে দোরেইনে তলোয়ারান ন-নিগিলেল।