যিহোশূয় 10:12 - Chakma Bible

¹² যেদিন্যে লগেপ্রভু ইস্রায়েলীয়গুনো আঢত্‌ ইমোরীয়গুনোরে তুলি দিলো সেদিন্যে ইস্রায়েলীয়গুনোর মুজুঙোত্‌ যিহোশূয় লগেপ্রভুরে কলঅ‌, “ও বেলান্‌, গিবিয়োন উগুরে তুই সোজা ওইনে থিয়্যে, ও চানান্‌, অয়ালোন কিজিঙোত্‌ তুই যেইনে থিয়্যে।”

যিহোশূয় 10:12 Iomraidhean Croise

২ শমূয়েল 2:12

একদিন্যে নেরের পূঅ অব্‌নের শৌলর পূঅ ঈশ্‌বোশতর মানুচ্চুনোরে লোইনে মহনয়িমত্তুন্‌ গিবিয়োনত্‌ গেলঅ।

২ রাজাবলী 20:10

হিষ্কিয় কোইয়্যেদে, “ছাবাবো দশ পোইদ্যে উজেই যানা সহজ বেপার, বরং সিবে দশ পোইদ্যে পিজে যোক্‌।”

২ রাজাবলী 20:11

সেক্কে ভাববাদী যিশাইয় লগেপ্রভুরে ডাগিলো। সেক্কে আহসর সাঙুগানত্তুন্‌ ছাবাবো যেদক্‌ পোইদ্যে লামি যেইয়্যে লগেপ্রভু সিয়োত্তুন্‌ দশ পোইদ্যে পিজেদি দিলো।

২ রাজাবলী 20:9

জোবত্‌ যিশাইয় কোইয়্যেদে, “লগেপ্রভু যে তা শমক্তান্‌ রোক্ষ্যে গুরিবো সেনত্তে তে এক্কান্‌ চিহ্নো দিবো। তুই কঅ, ছাবাবো কি দশ পোইদ্যে উজেই যেবঅ, না দশ পোইদ্যে পিজে যেবঅ?”

২ বংশধর 11:10

সরা, অয়ালোন আর হিব্রোণ নাঙে যিহূদা আর বিন্যামীন চাগালার্‌ কয়েক্কান্‌ আদাম আর শঅর্‌ দেবাল্লোই ঘিরিনে দরমর গুরিলো।

ইয়োব 9:7

তে মানা গুরিলে বেলানে পহ্‌র নঅ-দে আর তারাগুনে পহ্‌র দেনা বন্ধ গরন্‌।

গীতসংহিতা 148:3

ও বেলান আর চান্নো, তারে নাঙ্ গিনো; ও জোল্‌জোল্যে বেক্ তারাগুন, তারে নাঙ্ গিনো।

গীতসংহিতা 19:4

তো তারার্ ডাগনিগান গোদা পিত্‌‌‌থিমীত্ ছিদি পোজ্যে; তারার্ কধানি ছিদি পোজ্যে পিত্‌‌থিমীর থুমোর্ দুযি সং। আগাজত্ বেলানত্তে তে এক্কান্ তাম্বুল্ ঠাঙেয়্যে;

গীতসংহিতা 74:16

দিন্নো তর্, রেত্তোয়ো তর্; চান্নো-তারাবো আর বেলান তুয়ই থিদেবর্ গোজ্যস্।

যিশাইয় 28:21

লগেপ্রভু যুদ্ধো গুরিবো, যেবাবোত্যেগুরি তে পরাসীম মুড়োবোত্ গোজ্যে। তে উত্তেজিত অবঅ, যেবাবোত্যে গুরি গিবিয়োন কলগত্ ওইয়্যে। এবাবোত্যেগুরি তে তার কামানি, তার আমক্ অবার আর অসাধারন কামানি থুম্ গুরিবো।

যিশাইয় 38:8

আহসর সিরিগানত্ ছাবাবো বেলান লগে যেত্তমান্ উজেই যেইয়্যে মুই সে ছাবাবো দশ পোইদ্যে পিজেদি ফিরেই নেজাঙর্।’ ” সেনত্তে বেলান লগে ছাবাবো আরঅ দশ পোইদ্যে পিজেদি ফিরি গেলঅ।

যিশাইয় 60:20

তঅ বেলানে আর কনদিন্অ ন-ঢুবিবো, তঅ চানানেয়ো আর চিগোন ওই ন-যেবঅ। লগেপ্রভু অবঅ তর্ জিংকানিবরর্ পহ্‌র;‌‌‌‌‌‌‍‍ তর্ আবিলেচর দিনুন্ থুম্ অবঅ।

যিরমিয় 28:1

সেই একই বজরত্, যিহূদার রাজা সিদিকিয়র রাজাগিরির পৌইল্যাদি, অত্তাৎ চের্ বজরত্ পাচ্ মাজত্ গিবিয়োন শঅরর্ অসূরর পুয়ো ভাববাদী হনানিয় লগেপ্রভুর ঘরত্ ধর্মগুরুগুনোর আর বেক মানুচ্চুনো মুজুঙোত্ যিরমিয়রে এ কধাগান কলঅ,

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

আমোষ 8:9

প্রভু লগেপ্রভু কত্তে, “সেদিন্যে দিবুজ্যে অক্তত্ মুই বেলানরে ঢুবেই দিম আর দিনোত্ পিত্‌থিমীগানরে আন্ধার্ গুরি দিম‌‌‌‌‌‌।

হবক্‌‌‌‌কূক 2:20

মাত্তর্ লগেপ্রভু তার্ সুদ্ধো-সাংগ ঘরত্ আঘে; বেক্ পিত্‌থিমীগান তা মুজুঙোত্ জুরোগুরি থোক্‌‌‌‌‌‌।”

হবক্‌‌‌‌কূক 3:11

তর্ উড়েদে সেল্লোর্ ঝিমিলেনিলোই আর কারেন ধোক্ক্যেন্ তর্ যাদিবোর্ ঝিমিলেনিত্ আগাজত্ বেলান্ আর চানান্ থির্ ওইনে থিয়্যেই রলঅ।

সখরিয় 2:13

ও বেক্ মানুচ্চুন, তুমি লগেপ্রভুর মুজুঙোত্ অলর্ অ, কিত্যে তে বিচের্ গুরিবাত্তে তার সুদ্ধো-সাংগ থেবার জাগাত্তুন্ নিগিলি এজের্।

দ্বি’লম্বর বিররণ 17:3

তে অয়ত মর্‌ উগুমোর বিরুদ্ধে যেইনে দেব-দেবেদাগুনোরে সেবা গরের্‌ আর সেই বেক্‌ দেব-দেবেদা বা বেল্লো, চাঁনান্ বা আগাজ্‌ তারাগুনোরে পূজো গরের্‌।

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।

যিহোশূয় 10:13

সেনত্তেই বেলান্‌ সোজা ওইনে থিয়্যেল আর চানানর্‌ লড়ানাগান্ থামেল, যেদক্কন সং ইস্রায়েলে তা শত্রুদলুনো উগুরে হেনা ন-উগুরাই। এ কধানি যাশেরর বোইবোত্‌ লেগা আঘে। সেক্কে বেলান্‌ আগাজ সংমোধ্যে যেইনে থিয়্যেই রলঅ আর বেলান্‌ ডুপ্পেগোই প্রায় পুরো এক্কো দিন দেরি অলঅ‌।

যিহোশূয় 19:42

শালবীন, অয়ালোন, যিৎলা, এলোন, তিম্না, ইক্রোণ, ইল্‌তকী, গিব্বথোন, বালৎ,

বিচের গুরিয়্যেগুন 12:12

তে মুরি যানার পরেন্দি সবূলূন চাগালার্‌ অয়ালোনত্‌ তারে গোর্ দিয়্যে অলঅ।

বিচের গুরিয়্যেগুন 5:20

আগাজত্তুন্‌ তারাগুনে যুদ্ধো গুরিলাক্‌, নিজোর নিজোর বান্যে পধত্তুন্‌ যুদ্ধো গুরিলাক্‌ সীষরার বিরুদ্ধে।

১ শমূয়েল 12:18

ইয়েনর্ পরেন্দি শমূয়েলে লগেপ্রভুর ইদু তবনা গুরিলো আর তে সেদিন্যে মেগর্‌ গুজুরোনি আহ্‌ ঝড় পাধেই দিলো। সেক্কে বেক্কুনে লগেপ্রভু আর শমূয়েলরে দরা ধুরিলাক্।

১ শমূয়েল 14:31

ইস্রায়েলীয়গুনে সেদিন্যে মিক মক্‌মসত্তুন্‌ অয়ালোন সং পলেষ্টীয়গুনোরে পিদদে পিদদে বল্‌পোজ্যে ওই পোজ্যন্‌।